मनोज बनैता, लाहान, २१ बैशाख । विभिन्न मिडियाले छाडा चौपाया र अव्यवस्थित लाहानको सम्बन्धमा छापेको समाचारले गर्दा नगरपालिकाले बेतिथीलाई सच्च्याउने प्रतिवद्धता गरेपनि ब्यवहारमा भने शून्य छ । सुन्दर र समृद्ध लाहानको माला जपने मेयर मुनी साह सुडी ब्यवहारिक रुपमा यो सुन्दर नगरीलाई कुरुप बनाईरहेको भनी आवाज उठन थालेको छ । लाहानका बाहिरी सडक र भित्री सडकमा छाडा चौपाया ले गर्दा हप्तै पिच्छे सडक दुर्घटना बढिरहेको भएतापनी नगरपालिका चाँहि उदासीन देखिएको छ ।

नगरपालिका वडा न. १७ का वडा अध्यक्ष प्रथमलाल चौधरीको अध्यक्षतामा कान्जी हाउस निर्माण समिति बनाएको भनिए पनि उक्त समिति अहिलेसम्म कुनै पनि कार्य अगाडि नबढाएको स्रोतको दाबी छ । करिब एक महिना अगाडि वार्ड अध्यक्ष प्रथम लाल चौधरीले बैशाख १ गते देखि कुनै पनि गाई वस्तु छाडा रुपमा सडकमा नघुमने वाचा गरेपनि वास्तविक अवस्था भने फेरिएको छैन । "जैसे गुरु वैसे चेला" भने जस्तै मेयर साह को वाचा र वार्ड १७ का अध्यक्ष चौधरी को वाचा मा अत्यधिक फरक देखिएको छैन ।

मेयर साहको धेरै नजिक रहेको मानिने एक सन्चारकर्मीको अनुसार मेयर साहले सुझाव सबैको लिएतापनि काम चाँहि आफ्नै मनमौजी ढंगले गर्नेगरेका छ्न । असंख्य नगरवासीहरुले चौपाया नियन्त्रणका लागि मेयर साहलाई सुझाव दिएतापनी उनको रबैया उस्तै छ । कैयौंले त यो नगरपालिका हैन "गौ" पालिका हो भन्न थालेका छन ।

राजेन्द्र महतो लहान ।सिरहाको दुई छुट्टाछुट्टै ठाउँबाट दुई भारतीय नागरिक र एक जना नेपाली गरि ३ जना लाई सिरहा प्रहरीले लागुऔषधसहित पक्राउ गरेका छन् । इलाका प्रहरी कार्यालय लहानबाट खटिएको प्रहरीटोलीले भगवान पुर गाउँपालिका -१ हुलाकी राजमार्ग बाट चेकजाँचगर्ने क्रममा भारत मधुबनी ग्राम पन्चायत माधवपुर को १७ बर्शियु उज्ज्वल कुमार र सोही ठाउँ को १८बर्शियु शिव कुमार साहलाई पक्राउ गरेको हो। पक्राउ परेका दुई भारतीय नागरिक को साथ बाट डाइलेक्स डि सि१०० एम एल -२० बोतल लागू लागुऔषध बरामद गरिएको प्रहरी ले जना एको छ। पक्राउ परेका दुवै जना लाई इलाका प्रहरी कार्यालय लहानमा राखिएको छ। त्यसै गरि सिरहा न-पा-१७ टे बाट ईलाका प्रहरी कार्यालय माडर को गस्ती टोलि ले सिरहा न-पा-१७ पटेर्वा बाट चेक जाँच को क्रम मा मिरचैया न-पा-३को २६ बर्शिय सुनिल यादव को साथ बाट डाइलेक्स डि सि१०० एम एल -४९ बोतल लागू औषध सहित पक्राउ गरेको छ। यादवको साथमा रहेको मोटरसाइकल ज ९ प १५७४ पनि नियन्त्रणमा लिएको जिल्ला प्रहरी कार्यालय सिरहाका प्रहरी प्रवक्ता तथा डिएसपी माधवराज खरेलले बताएका छन ।