किशोर मण्डल २२ बैशाख। विश्व भेटेरिनरी दिवसको सप्ताहिक कार्यक्रम को रूप मा महोत्तरी जिल्लाको औरही नगरपालिकामा नेपाल भेटेरिनरी एसोसिएसन प्रदेश नम्बर २ को अगुवाइ मा नि:शुल्क पशु स्वास्थ्य शिविर तथा खोप कार्यक्रम सम्पन्न भएको छ। कार्यक्रमको अध्यक्षता राज नारायण पण्डित तथा प्रमुख अतिथि राजपा नेता ज्ञानेन्द्र झा (ज्ञानु ) हुनुहुन्थ्यो।आजको शिबिरमा १५०० सय भन्दा बढी पशुहरुमा खोरेत तथा पि.पि.आर को खोपका साथै नि:शुल्क औषधीहरु वितरण गरियो। जुन शिबिर लाइ सफल गर्न नेपाल भेटेरिनरी एसोसिएसन प्रदेश २ का अध्यक्ष डा.जय प्राकश यादव,सचिब डा.पुषपेन्द्र साह का साथै पशुरोग अन्वेषण प्रयोगशाला जनकपुरका बरिस्ठ पशु चिकित्सक डा.राकेश मोहन सिंह,पशु चिकित्सक डा.मुकेश नायक,पशु अस्पताल तथा पशु सेवा बिज्ञ केन्द्र का प्रमुख डा.शम्भु साह नेपाल भेटेरिनरी एसोसिएसन का पुर्ब केन्द्रिय सदसय डा.बिनोद कुमार यादव ले सहयोग गरेका थिए । 

कार्यक्रम मा नेपाल भेटेरिनरी एसोसिएसन प्रदेश न.२ का बोर्ड सदस्य डा.सुमन कुमार सिंहको अगुवाइ तथा बजरङ्ग भेटेरिनरी का पशु चिकित्सक डा.पवन कुमार झा,डा.दिपेन्द्र पन्डित डा.रोशन राजन साह का साथै एनिमल पयरासाइटोलोजिस्ट मि.सौरभ कुमार सिंह र प्रफुल चन्द्र झा ले पशुहरु को गोबर परिक्षण तथा जुका विरुद्ध को औषधी हरु वितरण गरियो कार्यक्रममा श्री जनता नमुना प्राबिधिक का जे.टि.ए. दिनेश शर्मा, चितरन्जन शर्मा र कृष्ण साफी को उपस्थिति मा सम्पन्न गरियो।साथै विभिन्न फर्मासिउटिकल कम्पनी Fleur Himalaya,Virbac, Q-Med,kantipur vet Distributor,Mankind तथा Bhaskar herbicutical ले sponsor गरेका थिये।

श्रीकान्त झा जनकपुरधाम।२२ बैशाख। मधेस केन्द्रित भूमिगत आन्दोलन गरेको जनतान्त्रिक तराई मुक्ति मोर्चा पनि अब सक्रिय राजनीतिमा आउने भएको छ । आइतबार मोर्चाका अध्यक्ष डा. मनोज मुक्ति 'विवेक' ले प्रेस विज्ञप्ति जारी मुद्दा विचार मिल्ने राजनीतिक सामाजिक शक्तिहरुबीच कार्यगत एकता तथा मोर्चाबन्दी गर्ने, संगठन विस्तार र निर्वाचन आयोगमा दल दर्ता गराउने सहितका निर्णय गरिएको जनाएका हुन् ।

मोर्चाको केन्द्रीय सचिवालको बैठकबाट नेपाल सरकार, संघीय संसद्मा प्रतिनिधित्व गर्ने सबै दल, कूटनीतिक नियोग, राष्ट्रिय तथा अन्तर्राष्ट्रिय मानवअधिकार संघ संगठन र नागरिक समाजका अगूवलाई ध्यानाकर्षण पत्र बुझाउने निर्णय समेत गरिएको छ । मोर्चाले आगामी भदौंको पहिलो साता काठमाडौंमा विशाल जनसभाको आयोजना गर्ने निर्णय पनि गरेको छ । यसका साथै राष्ट्रिय अध्यक्षकै संयोजकत्वमा सात सदस्यीय 'संगठन परिचालन तथा व्यवस्थापन समिति' पनि गठन गरिएको विज्ञप्तिमा जनाइएको छ । समितिका सदस्यहरूमा दीपक सिंह 'भास्कर मुक्ति', लाक्पा तामाङ, प्रेम तामाङ, बुलन यादव, सुमित्रा बास्तोला र दिवस सिंह रहेका छन् ।

राजेन्द्र महतो लहान वैशाख २२ । सिरहा जिल्ला स्थित रहेकोअधिकांश सरकारी विद्यालयले विद्यार्थीलाई पाठ्यपुस्तक उपलब्ध गराउन नसक्दा विद्यालयको पठन पाठन प्रभावितभएको छ । स्थानीय निकायको तहले पाठ्यपुस्तक किन्ने पैसा नदिँदा सिरहाका अधिकांश सरकारीविद्यालयहरुको पठन पाठन प्रभावितभएको हो। जिल्ला मा रहेको सरकारीविद्यालयहरुको करीब ७६ हजारभन्दा बढी विद्यार्थी समयमै पाठ्यपुस्तक पाउनबाट बञ्चित भएका छन् ।

शिक्षा समन्वय इकाई समिती सिरहाको अनुसार पाठ्यपुस्तकको रकम निकासा नभएका तीनसय ३५ विद्यालय रहेका छन ।जसमा कक्षा १ देखि ९ सम्म ७६ हजार पाँचसय ८८ विद्यार्थी पढ्छन् । जिल्ला का सिरहा, लहान, मिर्चैया, कर्जन्हा, सुखीपुर र गोलबजार नगरपालिका लगायत नवराजपुर, भगवानपुर, औरही, नरहा र लक्ष्मीपुर पतारी गाउँपालिकाले रकम निकासा न गरेको बताएका छन । एकातिर 'हाम्रो नगर हाम्रो गाउँ, सबै बालबालिकालाई विद्यालय पुरयाऔँ' नारासँगै विद्यार्थी भर्ना अभियान शुरु गरेका छन भने अर्को तर्फ स्थानीय तहले विद्यालय लाई पाठ्यपुस्तक उपलब्ध गराउन सकेका छैनन ।

रकम अभावमा विद्यालयले पुस्तक उपलब्ध गराउन नसक्दा भर्ना अभियान समेतअन्योलमा परेको फुल कुमारी उच्च मा-बि-का एक प्राध्यापक भानु गौतम ले बताएका छन । जिल्ला शिक्षा अधिकारी दोलराज पाण्डेले जिल्लाका स्थानीय तहलाई पाठ्यपुस्तक र छात्रवृत्तिको रकम तत्काल निकासा दिन आग्रह गरिएको जिल्ला शिक्षा अधिकारी दोलराज पाण्डेले बताएका छ्न।