राहुल कुमार सिंह बैशाख २० जनकपुरधाम उपमहानगरपालिका वडा नं. ४ मा शुक्रवारदेखि १ महिने सिलाई कटाई तालिम शुरु भएको छ । शुलभ नेपालको आयोजना र जिल्ला पुर्वाधार विकास कार्यालय धनुषाको सहयोगमा १ महिने सिलाई कटाई तालिम शुरु भएको हो । तालिममा स्थानीय महिलाहरुको सहभागिता रहेको छ । सहभागीहरुलाई १ महिनासम्म सिलाई कटाई सिकाईने संस्थाले जनाएको छ । शुलभ नेपालका कार्यवाहक अध्यक्ष मिनु झाको अध्यक्षतामा भएको तालिम उदघाटन कार्यक्रममा प्रदेश नं. २ का प्रदेश सभा सदस्य सरस्वती चौधरीको प्रमुख आतिथ्य रहेको थियो । कार्यक्रममा जिल्ला पुर्वाधार विकास कार्यालय धनुषाका महेन्द्र महतो , रिकुं शाह , नेपाल प्रेस युनियन धनुषा सदस्य किशोर मंडल सहितका व्यतिmहरुको उपस्थिति रहेको थियो । महिलाहरुलाई आत्म निर्भर बनाउने उद्देश्यले तालिमको आयोजना गरिएको संस्थाले जनाएको छ ।

राजेन्द्र महतो लहान । सिरहा को भगवानपुर गाउँपालिका–४ स्थित दशगजा मिनीबजारबाट नजिकबाट हतियार सहित प्रहरीले एक भारतीय नागरिकलाई बिहीवार राति पक्राउ गरेको छ । पक्राउ परेका भारतीय ना गरिक राजेशकुमार यादव रहेको छ । भगवानपुर गाउँपालिका–४ बाट कटुवा पेस्तोल १ थान र पेस्तोलको खाली खोका १ राउण्ड साथमा रहेको भारतीय नागरिक राजेशकुमार यादवलाई बिहीबार राति पक्राउ गरिएको हो। विशेष सूचनाको आधारमा ईलाका प्रहरी कार्यालय ठाडी इनर्वा र सशस्त्र प्रहरी आउट पोस्ट बल,ठाडी इनर्वा बाट संयुक्त रुपमा खटिएको प्रहरी टोलीले भगवानपुर गाउँपालिका–४ स्थित दशगजा मिनीबजार नजिक चेक जाच गर्नेक्रम मा कटुवा पेस्तोल १ थान र पेस्तोलको खाली खोका १ राउण्ड सहित भारतीय नागरिक राजेशकुमार यादवलाई पक्राउ गरिएको सशस्त्र प्रहरी आउट पोस्ट बल, ठाडी इनर्वाका सशस्त्र प्रहरी निरीक्षक कैलाश क टुवाल ले जनाएको छ । पक्राउ परेका यादवलाई नियन्त्रणमा लिएर थप अनुसन्धान गरिरहेको प्रहरी ले जनाएको छ ।

राजेन्द्र महतो लहान ।सिरहामा फ़ेरि दाइजो नदिएको निहुमा आफ्नै श्रीमान ले घाँटी थिचेर श्रीमती लाई हत्या गरेका छन । सिरहा नगरपालिका–१४ खिरौनामा बिहीबार राति लगभग साढे १ बजे श्रीमान रामरेश मण्डलले २१ वर्षीया श्रीमती मनिषा कुमारी मण्डलको घाँटी थिचेर हत्या गरेका हुन् । गत फागुन १६ गते गोलबजार नगरपालिका ८ बस्ने रामरेश मण्डलसँग मनिषाको वैवाहिक सम्बन्ध गाँसिएको थियो । बिहेपछि सासुले थप दाइजो ल्याउँन दबाब दिदैँ आएको मनिषाका बाबु रघुनथ मण्डलले बताएका छन् । सासुले थप दाइजो नल्याए बुहारीलाई छोड्न छोरा रामरेशलाई दबाब दिदैँ आएकी थिइन् । केटा पक्षबाट विभिन्न समयमा थप दाइजो माग गर्दै मनिषालाई विभिन्न समय मा चरम यातना दिएको मनिषाको बाबु रघुनाथ मण्डलले बताएको छ ।