नवसंग्राम दैनिक लहान, १८ कात्तिक । न्यूनतम पारिश्रमिक निर्धारण समिति र नेपाल पत्रकार महासँघ सिरहाको आयोजनामा आज लहानमा श्रमजिवी पत्रकार सम्बन्धि ऐन कार्यान्वयनको अवस्था विषयक अन्तरक्रिया कार्यक्रम सम्पन्न भएको छ ।

श्रमजिवी पत्रकार सम्बन्धी ऐन तथा नियमावली पालन गर्ने विषयमा सिरहाका पत्रकारहरुबीच आज विशेष छलफल भएको छ । न्यूनतम पारिश्रमिक निर्धारण समितिका युवराज विद्रोहीले श्रमजिबी पत्रकारहरुलाई आफनो हक र अधिकार सम्वन्धबारे सचेत हुन आग्रह गरेको छ ।

सिरहामा ११ वटा रेडियो, पाँच दैनिक पत्रिका, ६ साप्ताहिक पत्रिका र ६ वटा अनलाइन रहेको छ । यसका ३२ जना सहभागीमा लहानमा कात्तिक १७ गते अन्तरक्रिया कार्यक्रम सम्पन्न भएको छ । साथै रेडियो सौगात र नवसंग्राम दैनिक पत्रिकाको कार्यालयलगायत अनुगमन गरी तत्काल गर्नुपर्ने अल्पकालिन र दीर्घकालिन सुझाबहरु दिएका छन् ।

कार्यक्रममा गोरखापत्रका जिवछ उदासीले श्रमजिवि ऐन मौफसलमा सार्थक र कार्यन्वयनमा समस्या हुने मुख्य कारण विज्ञापनको अभाव रहेको बताएका छन् । उनले सरकारको नीति कसिलो र समबराबरी नभएको कारण यहाँ पत्रिका प्रकाशन गर्न पनि कठिनाई भोग्नुपरेको दावी गरे ।

नेपाल पत्रकार महासँघ सिरहाका अध्यक्ष दिनेश्वर गुप्ताका सभाध्यक्षतामा भएको सो कार्यक्रममा नेपाल पत्रकार महासँघ सिरहाकी उपाध्यक्ष रिँकु दासले पत्रकारिता क्षेत्रमा महिलालाई ब्रोडसाईजका पत्रपत्रिकाले उपेक्षा गर्दै आएको गुनासो गरिन् । नेपाल पत्रकार महासँघ सिरहाका सचिव रोयान्टर मण्डलले श्रमजिवि ऐन एकद्धार प्रणाली अन्तरगत विज्ञापनको बाँडफाँड गरे मात्रै कार्यन्वयन हुने तर्क राखे । नेपाल पत्रकार महासँघ सिरहाका कोषाध्यक्ष मनोज बनैताले पत्रकारको दर्जा तोकिनुपर्ने जरुरी छ । र, सोही अनुरुप पारिश्रमिकको व्यवस्था गर्नुपर्छ । अहिले पारिश्रमिक तोकिएको छ । तर, सो अनुरुप हामीले पारिश्रमिक नपाउँदा काम गर्न असहज भइरहेको बताए । रेडियोकर्मी फिरोज शेखले लोककल्याणकारी विज्ञापन पत्रपत्रिकाकाले मासिक रुपमा रकम पाउँने गरेको छ । तर, रेडियोको सवालमा सरकारले बार्षिक रुपमा दिने गरेकोले श्रमजिवी ऐन कसरी लागु हुन्छ होला ? यसमा पनि कर्मिशिल रेडियोले लोककल्याणकारी विज्ञापन नपाउँदा जेनतेन मौफसलमा काम भइरहेको छ । म त रेडियो चलाएर नै हातमुख जोर्न सफल रहेको बताए ।

राम नारायण पंडित, सिरहा, १८ कार्तिक । सिरहाको मिर्चैया नगरपालिका बडा नं. १ महदेवा स्थित जनता आधारभुत बिद्यालयमा नवनिर्मित भवनको एक कार्यक्रमबिच उद्घाटन गरिएको छ । आधारभुत स्तरका विद्यालयका लागि जिल्लाकै नमुनाको रुपमा निर्माण भएको भबनको आइतवार मिर्चैया नगरपालिकाका मेयर श्रबण कुमार यादबले उद्घाटन गरेका छन् । 

विद्यालय परिसरमा आयोजित नवनिर्मित भवन उद्घाटन तथा शुभकामना आदानप्रदान कार्यक्रममा मेयर यादबले बिद्यालयमा अध्ययनरत बिद्यार्थीहरुलाई गुणस्तरीय तथा व्यबहारिक शिक्षा प्रदान गर्न शिक्षक शिक्षिकाहरुलाई निर्देशन दिएका छन् । 

तत्कालिन जिल्ला शिक्षा कार्यालयको ३२ लाख र जनश्रमदानको १२ लाख १० हजार ५ सय ६५ रुपैया ८९ पैसा गरी जम्मा ४४ लाख १० हजार ५ सय ६५ रुपैया ८९ पैसाको लागतमा दुई तले चार कोठे भबन निर्माण सम्पन्न भएको बिद्यायलका प्र.अ. बिजय कुमार यादबले बताए । 

कार्यक्रममा बिभिन्न बिद्यालयका प्र.अ. र बडाका बृद्धबृद्धाहरुलाई दोसल्ला ओढाई सम्मान गरिएको थियो । बिद्यालय व्यवस्थापन समितिका अध्यक्ष प्रेम कुमारी साहको अध्यक्षतामा भएको कार्यक्रममा नगरपालिकाका उपमेयर जिबछी देबि साह, प्रशासकिय अधिकृत राजेन्द्र प्रसाद पौडल, बडा नं. १ का बडा अध्यक्ष धनिकलाल यादब, बडा नं. ५ का बडा अध्यक्ष धिरेन्द्र कुमार साह, नगरपालिकाका कार्यपालिका सदस्य बिजय कुमार साह, बिनि बुद्धिमान दनुवार, श्रोत व्यक्ति श्याम यादब लगायत बिभिन्न बिद्यालयका प्र.अ, बिद्यार्थी, शिक्षक, स्थानियबासी लगायतका सहभागिता रहेका थिए ।