राजविराज, ३० कार्तिक ]प्रतिनिधि सभा र प्रदेश सभा निर्वाचन नजिकिदै गर्दा निर्वाचन आचार संहिता उल्लघंनका घटनामा वृद्घि हुन थालेपछि स्थानिय प्रशासनले विहिबार देखि नियन्त्रणको प्रयास थालेका छन् । जिल्लाको विभिन्न ठाउँमा राजनितिक दलहरुले निर्वाचन आचार संहिता उल्लघंन गरी राखेका निर्वाचन अंकित झण्डा, तुल, ब्यारन, पोष्टर लगायतका सामग्री हटाएर स्थानिय प्रशासनले आचार संहिता उल्लघंनका घटना रोक्ने प्रयास गरेका हुन् ।

प्रमुख जिल्ला अधिकारी भागिरथ पाण्डे, मुख्य निर्वचन अधिकृत हरिशचन्द्र ढुंगाना, नेपाल प्रहरीका उपरिक्षक मुकेश सिंह, शसस्त्र प्रहरी उपरिक्षक रामाधार यादव लगायतको अगुवाईमा प्रहरीले सार्वजनिक स्थल र विभिन्न सरकारी कार्यालयको प्रखालमा विभिन्न दलद्वारा लगाईएको पोष्टर, तुल, ब्यानर लगायतका प्रचार सामग्री हटाईएको छ ।प्रमुख जिल्ला अधिकारी पाण्डेले निर्वाचन आचार संहितामा उल्लेख गरिएको व्यवस्था विपरित विभिन्न दलले जथाभावि प्रचार प्रसार सामग्री राखेकाले हटाउने काम सुरु गरिएको बताए ।

३० कात्तिक, काठमाडौं । सर्वोच्च अदालतले सार्वजनिक विदा पुनरावलोकन गर्न सरकारलाई निर्देशनात्मक आदेश दिएको छ ।

आदेशमा धार्मिक सहिष्णुतासहितको अवस्था तथा सरकारी कर्यालयबाट जनताले पाउने सेवा सुविधाको प्रभावकारितालई समेत मध्यनजर गरी सम्पूर्ण सार्वजनिक विदालाई पुनरावलोकन गर्न भनिएको छ ।