दिनेश्वर गुप्ता लहान, २९ कात्तिक । अंधविश्वासलाई बढोत्तरी दिंदै तान्त्रिक विद्यामा सफलता पाउंन सिरहा र धनुषा सीमामा पर्ने कमला नदी छेउमा आज भूत मेला लागेको छ । कमला नदी किनारमा प्रत्येक वर्ष कार्तिक पूर्णिमाको दिन भूत मेला लाग्दछ । तान्त्रिक विद्या पाको हुने जनविश्वासका साथ भूत मेलामा नयाँ धामीहरु समेत सहभागि हुने गर्दछन । भूतप्रेतले हैरान पारेको तथा भविष्यमा भूतप्रेत आफ्नो घर परिवारमा नआउने विश्वासको साथ देउता भक्तालुहरुले कमला नदी किनारमा पुगि सोमबार बिहान सूर्य उदाउनु अघि स्नान गरेका हुन । स्थानीयमा रात भर देउता र भूत खेलेपछि नदिमा बिहान स्नान गरी त्यही स्थानमा दहि,च्यूरा, सखर तरकारी खाने प्रचलन रहेको छ । पूर्णिमाको दिन कमला नदीमा स्नान गरेपछि तान्त्रिक विद्या पाको हुने, योग सिद्ध हुने, भूतप्रेत कहिले नआउने विश्वास रहेको छ । तान्त्रिक विद्या प्राप्तीको लागि ग्रामिण समुदायका मानिसहरु नदि किनारामा पुग्ने गर्दछन । मेलामा सहभागि हुन सिरहा, सप्तरी, उदयपूर, धनुषा, महोतरी सिमाबर्ति भारतको मधुबनि, दरभंगा, समस्तीपूर सहितका जिल्लाहरुबाट हजारौ मानिस पुगेका थिए ।

दिनेश्वर गुप्ता लाहान कात्तिक २९ । पूर्व प्रधानमन्त्री तथा नेकपा एमालेका नेता माधवकुमार नेपाललगायत मधेशमा एमालेको ओहोरदोहोर बढ्दै गएपछि आज लहानमा मधेसी मोर्चाका कर्याकर्ताले सडक अबरोध गर्दै टायर बालेको छ । संविधान संशोधन लगायत मधेश र मधेशीलाई हेला गर्दै आएका एमालेको विरोधमा सडकमा टायर बालेर विरोध जनाएको छ । आईतवार लहानको गोधूली होटलमा विहान ९ बजे प्रेस चौतारी सिरहाले पत्रकार सम्मेलन गरेका थिए । सोही कार्यक्रममा सहभागी हुन आएका माधवकुमार नेपालको विरोधमा मोर्चाका संघीय समाजवादी फोरम, सदभावना पार्टी, तमसपा, तमलोपालगायतका कार्यकर्ताहरुले विरोध स्वरुप कालो झण्डा देखाइएको थियो । आज पनि माधवकुमार नेपालले मधेश विरुद्ध गतिविधि बढाइएकोले सडकमा टायर बालेर यस्तो विरोध गरिएको मोर्चा पक्षले जनाएको हो । मोर्चा कार्यकताले सडकमा टायर बालेर सडक अवरुद्ध गर्दा उल्लेखीय संख्यामा सुरक्षा खटिएका छन् । मधेश विरोधी गतिविधि गर्न एमाले नेता इश्वर पोखरेल, योगेश भट्टराई दूई दिनदेखि लहान, चोहर्वालगायत मधेशमा गतिविधि गर्दै आएको छ ।