रौतहट २४ कार्तिक । समान एवं शुभकामना कार्यक्रममा प्रमुख अतिथि सदभावना पार्टीका केन्द्रीय सहमसचिव अजय कुमार गुप्ताले देशको प्रत्येक्ष राजनितिमा युवा वर्गको सहभागिता हुनु नै पर्छ । नेपाल सरकारले युवाको भुमिका लाई नजर अन्दाज गर्दै आईरहेकोले आजको प्रस्थितिमा कुशल राज्य युवा नेताको खोजी भईरहेको गुप्ताले बताउनुभयो । विश्वकै इतिहासमा कुनै पनि देशको परिवर्तण भएको हो भने युवाको अहम भुमिका रहेको छ । आजको दिनमा सदभावना पार्टीले भाई नविन सिंहको काधमा ठूलो जिम्मेवारी थमाईएको हो । उहाको प्रति पार्टीको ठूलो विश्वास र महत्व अकांक्षा राखेकोले अब भाई सिंहले आफनो उर्जालाई सहि ठाउँमा प्रयोग गरी देश र विकास कार्य तिर अगाडी बढोस सहमहासचिव गुप्ताले बताउदै राजनितिक क्षेत्रमा उहाको कार्यकालमा कुनै बधा अर्चन नहोस एउटा ठूलो इमान्दार युवा प्रभावशाली नेताको रुपमा विश्वकै इतिहासमा चिनोस समेत बधाई एवं शुभकामना दिनुभयो । रिपोर्टर्स क्लब नेपाल रौतहट शाखाका अध्यक्ष अभिमनु कुमार पटेलको अध्यक्षतामा आज आफनै क्लबको कार्यालयमा सदभावना युवा मंच केन्द्रीय सहमहासचिवलाई समान एवं शुभकामना कार्यक्रम आयोजना गर्नुभएको थियो । सो समान एवं शुभकामना कार्यक्रममा विशिष्ठ अतिथि सदभावना पार्टी जिल्ला अध्यक्ष शेख जमशैद , अतिथि युवा मंचका केन्द्रीय सदस्य दिनेश यादव ,समाजवादी बिधार्थी संघ रौतहट अध्यक्ष एवं गौर नगर अध्यक्ष ओमप्रकाश साह , प्रेस मंचका जिल्ला अध्यक्ष ध्रमेन्द्र साह , उपाध्यक्ष कृष्णा यादव , सदस्य हनुमत कु. यादव, प्रेस सेन्टर रौतहट उपाध्यक्ष चंचल झा लगायतका अतिथिहरुले बधाई तथा शुभकामना व्यक्त गरेका हुन ।

राम नारायण पंडित, सिरहा, २३ कार्तिक । प्रधानमन्त्री तथा नेकपा माओवादी केन्द्रका केन्द्रिय अध्यक्ष पुष्पकमल दहाल 'प्रचण्ड' जनसभालाई सम्वोधन गर्न यहि कार्तिक २६ गते सिरहाको चोहर्वा आउने भएको छ । प्रधानमन्त्रिमा निर्वाचित भएपछि यसअघि आफ्नो निर्वाचन क्षेत्र सिरहाको मिर्चैया आउने कार्यक्रम तय गरेपनि अन्तिम समयमा आएर मौसमका कारण कार्यक्रम स्थगित गरेका प्रधानमन्त्रि प्रचण्ड पुनः सिरहाको चोहर्वा जनतासँग भेटघाट गर्न आउन लागेको नेकपा माओवादी केन्द्रका पोलिटब्युरो सदस्य राम नारायण सिंहले बताए । यसअघि सिरहाको मिर्चैयामा भदौ २७ गते आयोजित जनसभामा मौसम खरावीका कारण उपस्थित हुन नसकेपछि टेलिफोन मार्फत सम्वोधन गरेका प्रधानमन्त्रि प्रचण्ड प्रत्यक्ष रुपमा जनतालाई सम्बोधन गर्न पुनः यहि कार्तिक २६ गते सिरहाको चोहर्वा आउन लागेको आयोजकले बताए । नेकपा माओबादी केन्द्रका केन्द्रिय अध्यक्ष समेत रहेका प्रचण्डले मधेसको मागको बारेमा भईरहेको प्रगतिको वारे मधेसी जनतासँग प्रत्यक्ष रुपमा साक्षात्कार गर्न सिरहा आउन लागेको बताईएको छ । गत वर्ष नयाँ संविधानको प्रारम्भिक मस्यौदाको लागि राय सुझाव संकलन गर्न ५ दिने भारत भ्रमण सकेर काठमाडौं फर्के लगत्तै निर्वाचित क्षेत्र सिरहा आउँदा तत्कालीन एमाओवादीका अध्यक्ष प्रचण्डलाई कालो झण्डाको साथै चर्को नारावाजीको सामना गर्नु परको थियो । त्यतिबेला प्रचण्ड केवल आधा घण्टामै कार्यक्रम स्थलबाट काठमाडौं फर्किएका थिए । यसअघि निरास भएका सिरहावासी पुनः प्रचण्डको भव्य स्वागतको तयारीमा । यसअघि प्रधानमन्त्रि पुष्पकमल दहाल प्रचण्डले अन्तिम समयमा आएर सिरहा आउने कार्यक्रम स्थगित गरेपछि निरास भएका सिरहाबासी पुनः प्रचण्डलाई भव्य स्वागत गर्ने तयारीमा जुट्ेका छन् । संबिधानको मस्यौदा सुझाव संकलनका क्रममा बिरोधका साथै ढुङ्गामुडा गरेकाहरुले पनि प्रधानमन्त्री प्रचण्डलाई भव्य स्वागत गर्ने तयारी गरेको छन् । प्रधानमन्त्री प्रचण्डले सम्वोधन गर्नु हुने जनसभाको तयारी तिव्र रुपमा भईरहेको आयोजकले बताए । यसअघि प्रधानमन्त्रि प्रचण्ड मौसमको खराबीका कारण जनसभालाई सम्बोधन गर्न मिर्चैया नआएपछि सहभागी भएका सर्लाही, महोत्तरी, धनुषा, सिरहा, सप्तरी र उदयपुर लगायतका जनता निरास भएर फर्केका थिए । प्रधानमन्त्री भएपछि पहिलो पटक मधेसमा आउन लागेका प्रचण्डको सम्वोधन सुन्न आएका जनताहरु अन्तिम समयमा नआउने सुचना पाएपछि निरास भएर फर्किएका थिए । प्रधानमन्त्रिको सम्वोधन प्रत्यक्ष रुपमा सुन्न पानी परिरहेकै वेला गाउँ गाउँबाट आएका सर्वसाधारण हिलो, पानीमा वसिरहका थिए । त्यो बेला प्रचण्डलाई स्वागत गर्न ५० केजीको माला पनि बनाइएको थियो । प्रचण्ड सिरहा आइरहेको सम्बन्धमा प्रहरीलाई जानकारी छैन् । नेकपा माओवादी केन्द्रका अध्यक्ष तथा प्रधानमन्त्रि पुष्पकमल दहाल प्रचण्ड यहि कार्तिक २६ गते सिरहा आइरहेको सम्बन्धमा आफुलाई औपचारीक जानकारी नरहेको जिल्ला प्रहरी कार्यालय सिरहाले बताएको छ । प्रचण्ड सिरहा आइरहेको सम्बन्धमा हामी नेता कार्यकर्ताहरुबाट मात्र जानकारी पाएकोले औपचारीक रुपमा जानकारी आएपछि मात्र सुरक्षा व्यवस्थाको बारेमा केहि भन्न सकिने जिल्ला प्रहरी कार्यालय सिरहाका प्रहरी नायब उपरिक्षक एवं प्रवक्ता एक नारायण कोइरालाले बताए । यसअघि सिरहाको मिर्चैयामा प्रचण्डको सुरक्षामा काठमांडौको बिषेश प्रहरी टोली, पुर्व क्षेत्रिय प्रहरी कार्यालय बिराटनगरका टोली सहित चार सयको हाराहारीमा सुरक्षाकर्मी परिचालन गरिएको थियो ।

दिनेश्वर गुप्ता लहान,२३ कात्तिक । यौनकर्मी महिलाले म यौनकर्मी महिला हुँ, हामी किन र कसरी यौनकर्मी बन्यौं, समस्या केके छन्, राज्यले हाम्रो लागि यस्तो कानुन बनाओस भनेर खुलेर पैरवी गर्न सक्ने स्थितिमा छैनन् । किनकी यौन मनोरञ्जन लिन जाने पुरुषलाई कानुन लाग्दैन, दिने महिलालाई कानुन लाग्छ । यो हरफ प्रतिमा शर्माले एक लेखमा उल्लेख गरेका छन् । यत्तिवेला सबै आफ्नो अधिकारको कुरा उठाइरहेको छ । यौनकर्मी महिलाहरु लुकेर शहरबजारमा भेला हुने गरेको छ । उनिहरुको पेशा व्यवस्थापन हुनुपर्छ की यस पेशाको विकल्प दिनुपर्छ भनी यौनकर्मीहरुले आवाज उठाउंन थालेको छ । विगतमा लहानमा रेष्टुरेन्टको नाममा दूई दर्जन बढी यौनकर्मी आफ्नो पेशा गर्दै थिए । तर, समाजमा बढ्दो विकृति र छाडापन बढेपछि ईलाका प्रहरी कार्यालय लहानले त्यस्ता रेष्टुरेन्टलाई बन्द गर्दै यौनकर्मीहरुलाई विस्थापित गराउंन थाले । यौनकर्मी महिलाहरु तत्काल विस्थापित भएपनि आजभोली कोठा भाडा लिएर यौन धन्दा संचालन गर्दै आएको एक विशेषको दावी रहेको छ । यस्ता यौनकर्मीहरु लहानभित्र अहिले पनि ढेड दर्जन रहेको दावी छ । यस्ता महिलाहरु पीडित भएकै कारण यौन पेशामा संलग्न हुने गरेको स्थानीय बलवीर यादव बताउंछन् । यौन पेशामा लागेका महिलाहरु लहानको अस्पताल चौकको टोलहरु, लहान १ स्थित तरकारी बजारदेखि दक्षिण वस्तीहरुमा, ग्रामिण चौकको वस्ती र खुट्टी छेउछाउको वस्तीमा डेरा लिएर बस्ने गरेको यादवको दावी छ । यि यौनकर्मीहरु होटल, लांज, चिया पसललगायतको सम्पर्कमा धन्दा गर्दै आएको छ । अस्पताल चौकको केही लांजमा दिउंसो र रात्री ग्राहकलाई आवश्यक परेको बेला सम्पर्कमा रहेका पसलेहरुबाट यौनकर्मीहरु उपलब्ध हुंदै आएको छ । एक स्रोतका अनुसार अस्पताल चौकमा ड्युटीमा रहेका प्रहरी र लांज, होटलवालहरुको मिलोमतोमा धन्दा हुंदै आएको छ । तर, ड्युटीमा रहेका केही प्रहरी मात्र चिसो, चिया, डबलमजाको कारण मौन बस्ने गरेका छन् । अधिकांश प्रहरी यस्ता क्रियाकलाप रोक्न सक्रिय रहेका छन् ।

रोहित कुमार मण्डल
लहान, २० कार्तिक । तराईमा विशेष महत्वका साथ मनाइने छठ पर्वका लागि सिरहामा मात्र ७ करोडभन्दा बढीको कारोबार भएको छ । शनिबारदेखि नै शुरु भएको यो पर्वको लागि आवश्यक पर्ने सामग्रीहरुको कारोबार सिरहाको प्रमुख बजारहरुमा ह्वात्तै बढेपछि यसैका साथ भएको मूल्यबृद्धिले गर्दा त्यत्तिको व्यापार भएको स्थानीय व्यापारीहरुले जनाएका छन् ।
छठ पर्वमा प्रसादको रुपमा प्रयोग हुने केराको एक घरी, उखु, भोगटे, ज्यामिर, निबुवा, हरियो पातसिहितको अदुवा, बेसार, मुला, नरिवल, ओल, सुथनी जस्ता सामग्री तथा पर्व मनाइने खोलानाला र पोखरीको साजसज्जामा प्रयोग हुने विधुतीय सामग्रीहरु, व्रतालु महिलाले प्रयोग गर्ने लत्ताकपडा र गरगहनाको कारोबारका कारण यो वर्ष सिरहा जिल्लाका सबै बजारहरुमा गरी करीब पाँच करोडभन्दा बढी मूल्यको कारोबार भएको स्थानीय व्यापारीहरु बताउछन् ।
छठ पर्वको बेला सबैभन्दा बढी कारोबार महिलाले लाउने वस्त्र र आभुषण, केराको घरी, ढाकी, सुपा, कोनिया, फलफूल तथा साजसज्जामा हुने गरेको पाइयो । यो पर्वको लागि व्रतालु महिलाले मात्र दुई वटा साडीसहितको वस्त्र र त्यस अनुसारको गरगहना लगाउने गरेका छन् । पर्वस्थल खोलानाला तथा पोखरीमा महिला तथा युवतीहरुले लगाउने पहिरनका कारण त्यहाँ एक किसीमको सामाजिक फेशन शोजस्तै देखिन्थ्यो ।
छठ पर्व मनाइएका खोलानदी, पोखरी तथा दहहरुमा राम्रो कपडा र गरगहना लगाई महिलाहरु यसपालि पहिरनको प्रतिष्पर्धामा उत्रिएको टन्नै देखिन छ । यो पर्वमा बेला प्रत्येक पुरुष तथा महिलाहरुले नयाँ र राम्रो कपडा तथा गरगहना लाउनुपर्ने अनि मिठो परिकार खानुपर्ने परम्परा नै रहेको कुशहा निवासी सत्य नारायण चौधरीले जानकारी दिए ।
वस्त्र, गरगहना, केराको घरी तथा अन्य सामग्री गरी आयस्तरको आधारमा एक परिवारको न्युनतम अढाई हजारदेखि १० हजारसम्म खर्च हुने गरेको चौधरीले बताए । सिरहाका बजारहरुमा केराको एक घरीको मूल्य न्युनतम चार सयदेखि पाँच सय रुपियाँ रहेको छ ।
यस पर्वमा आवश्यक पर्ने बाँसबाट निर्मित नाङ्लो, ढाकी, डगरा, कोनिया जस्ता समानहरुको विक्री बढेपछि मलहनमाका चलित्तर रामा मरिकले राम्रो आम्दानी गरेको बताए । अरुबेला ५०÷६० रुपियाँमा विक्री हुने नाङ्लो यसपालि डेढ सयदेखि दुई सय रुपियाँसम्ममा विक्री भएकोले आफूले राम्रै आम्दानी गरेको उनले बताए ।
सगरमाथा अञ्चलको प्रमुख व्यापारिक केन्द्रको रुपमा रहेको लहान, गोलबजार, मिर्चैया, सुखिपुर, सिरहा, धनगढी, छपराडी, कुशहालगायतका बजारहरुमा छठ पर्वको सामग्रीहरु खरीद विक्रीका लागि राम्रै चहलपहल रह्यो । अरुबेला सामान्य विक्री हुने माटोबाट निर्मित हात्ती, घैंला, ढकना, मटकुरी, फुच्चि (गिलास) लगायतका सामग्रीहरु खरीद गर्न सर्वसाधारणहरु तछाडमछाड गरेको देखिन्थे ।
'छठ पर्वको लागि आवश्यक पर्ने फलफूल, अदुवाको बोट, उखु, सुथनी, केरा, पानी फल, नरिवल, बोडी, नाङ्लो, केनिया, ढाकी, माटोको दियो, कराई लगायतका प्रत्येक सामग्रीको मूल्य अरु दिनको तुलनामा यस बेला अत्यन्तै महङ्गो भएको छ', कुशहा निवासी ब्रतालु सत्य नारायण चौधरीले भने–अरु दिनमा ५० रुपियाँमा पाइने सामग्री यसबेला डेढ सयदेखि दुई सयसम्म परेको हुनाले हामीजस्ता सर्वसाधारणको ढाड खुस्किएको छ ।

राम नारायण पंडित, सिरहा, २२ कार्तिक । उदाउँदै सुर्यको अध्र्य दिँदै श्रद्धा र निष्ठापूर्वक मनाइने छठ पर्व आज (सोमबार) सम्पन्न भएको छ । कात्तिक शुक्ल चौथी देखि सप्तमीसम्म विभिन्न बिधिपुर्वक मनाइने छठ पर्वको पहिलो दिन व्रतालुहरुले व्रत सङ्कल्प गरेर स्नान गरेर चोखो नितो खाएका थिए । पहिलो दिनको यो विधिलाई स्थानिय बोलीचालीको भाषामा 'नहाय–खाय' भनिन्छ । मुलतः सूर्यदेवको उपासना गरिने छठ पर्वको दोस्रो दिन शनिबार पञ्चमी तिथिमा व्रतालुले दिनभरि निराहार व्रत बसेर राति सख्खरमा पकाइएको खीर मात्र खाएर 'खरना' विधि गरेका थिए । त्यस्तै, आइतबार संध्याकालिन र सोमबार प्रभातकालिन सुर्यको अर्घ दिएपछि चार दिवसीय छठ पर्र्ब बिधिवत रुपमा समापन भएको छ । पर्वको मुख्य दिन मानिने षष्टी तिथिका दिन बिहानै न्वाई–ध्वाई गरेर निराहार व्रत बसेका व्रतालुले साँझमा अस्ताउँदै गरेका सूर्यलाई र सप्तमीका दिन बिहान उदाउँदै गरेका सूर्यलाई अघ्र्य दिएपछि यो पर्व बिधिबत रुपमा सम्पन्न भएको छ । छठ पर्वका लागि पूजा सामग्री र नैवेद्य तयार गर्दा अत्यन्त सावधानीका साथ ख्याल गर्नु पर्छ । यस पर्वमा ढिकी–जाँतोमा परम्परागत तरिकाले कुटिएको र पिसिएको गहु तथा चामलको पीठोबाट बनाइएका ठकुवा, भुसुवा, मिष्टान परिकार, माटोको भाडामा जमाइएको दही, उखु, मौसम अनुसारका फलपूmल, कोसिया कुरवार लगायतका पुजा सामग्रीहरुले सूर्यलाई अघ्र्य दिने प्रचलन रहेको छ । 

निर्धनता र निःसन्तानबाट मुक्ति पाउन एवम् मानव जातिको उत्थान गर्न र आरोग्यका लागि यो पर्व मनाउने विश्वास गरिन्छ । सूर्यको आराधनाबाट चर्मरोग निको हुने, सन्तान र धनलाभ हुने जनविश्वास छ । आरोग्य र दीर्घायुसँग जोडिएको छठ पर्व मनाउनुको पछाडि धार्मिक मान्यतासँगै वैज्ञानिक र ज्योतिषसम्बन्धी तथ्यहरू पनि पाइन्छ । सुरुमा तराइवासीले मात्र मनाउने यो पर्व अब अन्य जाति एवं राजधानी लगायत पहाडमा पनि मनाउन थालेका छन् । यस वर्षको छठ शान्तिपुर्ण र सैहार्दपुर्ण रुपमा सम्पन्न भएको जिल्ला प्रहरी कार्यालय सिरहाका प्रहरी नायब उपरिक्षक एंव  प्रवक्ता एक नारायण कोइराला जानकारी दिएका हुन् । 

छठ पर्वको मुख्य दिन आज आइतबार साँझ अस्ताउँदो सूर्यलाई पूजा आराधना गरी अर्घ्य दिइँदैछ ।

कार्तिक शुक्ल चतुर्थीदेखि सप्तमीसम्म मनाइने सूर्यदेवको आराधना, उपासना र पूजाको यो पर्व शुक्रबारदेखि सुरु भएको हो ।

ऐतिहासिक पौराणिक ग्रन्थ महाभारतमा उल्लेख भएअनुसार द्रौपदीसहित पाँच पाण्डव अज्ञातवासमा रहँदा उक्त गुप्तवास सफल होस् भनी सूर्यदेवलाई आराधना गरिएको थियो । उक्त समयमा पाण्डव विराट राजाको दरबारमा बास बसेको उल्लेख छ । लोककथन बमोजिम सोही समयदेखि छठ मनाउने परम्पराको थालनी भएको हो ।

सूर्य पुराणअनुसार सर्वप्रथम अत्रिमुनिकी पत्नी अनुसूयाले छठ व्रत गरेकी थिइन् । फलस्वरूप उनले अटल सौभाग्य र पतिप्रेम प्राप्त गरिन् । त्यही बेलादेखि 'छठ पर्व' मनाउने परम्पराको सुरुआत भएको तथ्य उल्लेख छ ।

संसारका सम्पूर्ण भौतिक विकास सूर्यमाथि नै आधारित छन् । तिनको शक्तिबिना रुख, बिरुवा, वनस्पति, प्राणी, जीवजन्तु कसैको पनि अस्तित्व रहन सक्दैन । सूर्य किरणको चिकित्सा माथि कैयाैं चिकित्सकले ग्रन्थ लेखेको पाइन्छ । सूर्यको किरणबाट कैयौँ असाध्य तथा अक्षय रोगको आश्चर्यजनक उपचारसमेत खोजिएको छ ।

साम्व पुराणमा आफ्नै पिता श्रीकृष्ण तथा महर्षि दुर्वासाको सरापद्वारा कुष्ठरोगबाट पीडित साम्व सूर्यको आराधनाको फलस्वरूप रोगमुक्त हुन गएको भन्ने चर्चा छ ।

छठ पर्वमा व्रत गरे दुःख र दरिद्रताबाट मुक्ति पाइन्छ भन्ने जनविश्वास छ । यसमा झुप्पा–झुप्पा फल चढाउँदा सूर्य देवता प्रसन्न भई व्रतालुका कुटुम्बसहित सबै सन्तानको भलो हुन्छ भन्ने मान्यता पाइन्छ ।

यस पर्वमा जो व्रत बस्न सक्दैन उसले अर्को व्रत गर्नेबाट व्रत गराउने गर्छन् । आर्थिक अभाव भएका मानिस भिक्षा मागेरै भए पनि यो पर्व मनाउने गर्छन् ।

राम नारायण पंडित, सिरहा, २० कार्तिक । मिथिलांचलमा श्रद्धा र निष्ठापूर्वक मनाइने छठ पर्वको दोस्रो दिन आज दिन खरना गरिदैं छ । कात्तिक शुक्ल चौथी देखि सप्तमीसम्म विभिन्न बिधिपुर्वक मनाइने छठ पर्वको पहिलो दिन शुक्रबार 'नहाय–खाय' विधि गरिएको छ । सोमबारसम्म मनाइने छठ पर्वको तयारी सिरहा सहित तराईका जिल्लाहरुमा जोरतोरले चलिरहेका छन् । मुलतः सूर्यदेवको उपासना गरिने छठ पर्वको पहिलो दिन व्रतालुहरुले व्रत सङ्कल्प गरेर स्नान गरेर चोखो नितो खाएका छन् । पहिलो दिनको यो विधिलाई स्थानिय बोलीचालीको भाषामा 'नहाय–खाय' भनिन्छ । पर्वको दोस्रो दिन आज (शनिबार) पञ्चमी तिथिमा व्रतालुले दिनभरि निराहार व्रत बसेर राति सख्खरमा पकाइएको खीर मात्र खाएर 'खरना' विधि गर्ने गर्छन । त्यस्तै, आइतबार संध्याकालिन र सोमबार प्रभातकालिन सुर्यको अर्घ दिएपछि चार दिवसीय छठ पर्र्ब बिधिवत रुपमा को समापन हुनेछ । पर्वको मुख्य दिन मानिने षष्टी तिथिका दिन बिहानै न्वाई–ध्वाई गरेर निराहार व्रत बसेका व्रतालुले साँझमा अस्ताउँदै गरेका सूर्यलाई अघ्र्य दिने गरिन्छ । त्यस्तै, सप्तमीका दिन बिहान उदाउँदै गरेका सूर्यलाई अघ्र्य दिएपछि यो पर्व बिधिबत रुपमा सम्पन्न हुनेछ । छठ पर्वका लागि पूजा सामग्री र नैवेद्य तयार गर्दा अत्यन्त सावधानीका साथ ख्याल गर्नु पर्छ । यस पर्वमा ढिकी–जाँतोमा परम्परागत तरिकाले कुटिएको र पिसिएको गहु तथा चामलको पीठोबाट बनाइएका ठकुवा, भुसुवा, मिष्टान परिकार, माटोको भाडामा जमाइएको दही, उखु, मौसम अनुसारका फलपूmल, कोसिया कुरवार लगायतका पुजा सामग्रीहरुले सूर्यलाई अघ्र्य दिने प्रचलन रहेको छ । निर्धनता र निःसन्तानबाट मुक्ति पाउन एवम् मानव जातिको उत्थान गर्न र आरोग्यका लागि यो पर्व मनाउने विश्वास गरिन्छ । सूर्यको आराधनाबाट चर्मरोग निको हुने, सन्तान र धनलाभ हुने जनविश्वास छ । आरोग्य र दीर्घायुसँग जोडिएको छठ पर्व मनाउनुको पछाडि धार्मिक मान्यतासँगै वैज्ञानिक र ज्योतिषसम्बन्धी तथ्यहरू पनि पाइन्छ । सुरुमा तराइवासीले मात्र मनाउने यो पर्व अब अन्य जाति एवं राजधानी लगायत पहाडमा पनि मनाउन थालेका छन् ।मिथिला लोकसंस्कृतिको अभिन्न अङ्ग बनिसकेको यो पर्वको तयारीमा अहिले यस क्षेत्रका नदी, तलाउ र कुण्ड सहितका जलाशयहरु मनमोहक ढङ्गले सिङ्गारिने क्रम चलिरहेका छन् । जलाशय सजाउनुको साथै घरघरमा पर्वको तयारी चलिरहेको । छठ पर्व सुरुवात संगै टोल टोलमा छठको गीतहरु गुञ्जिरहेकोले मिथिला क्षेत्र छठमय बनेको छ ।

राम नारायण पंडित, सिरहा, २० कार्तिक । गोलबजार नगरपालिका कार्यालय भवन निर्माणका लागि स्थानीयवासीहरुले करोडौंको जग्गा दान गरेका छन् । गोलबजार नगरपालिका कर्यालय भवन निर्माण गर्नका लागि गोलबजार ६ मा स्थानिय धर्म सिंह तामांगले ६ कठ्ठा, पदम लाल लामाले ३ कठ्ठा र मदन कुमार लामाले ३ कठ्ठा गरी जम्मा १२ कठ्ठा जग्गा निशुल्क दान गरेका हुन् । जग्गाको चलनचल्तीको मूल्य करिव तीन करोड रहेको दाताहरुले बताए । नगरपालीकाले कार्यालय निर्माणको लागि गोलबजार क्षेत्र भित्र पूर्वपश्चिम लोकमार्ग देखी ५ सय मिटरको आसपासमा जग्गादान गर्न गत जेष्ठमै सुचना प्रकाशित गरेको नगरपालीकाका कार्याकारी अधिकृत राजकुमार दासले जानकारी दिए । गोलबजार नगरपालिका ६ मा रहेको जग्गा नगरपालिकाको नाममा नामसारी भईसकेको कार्यकारी अधिकृत दासले बताए । नगरपालिकाको भवन निर्माणका लागि जग्गा उपलब्ध गराएका दाताहरुलाई गोलबजार नगरपालिकाका कार्यकारी अधिकृत दासले धन्यबाद दिएका हुन् ।

राम नारायण पंडित, सिरहा, १९ कार्तिक । सिरहामा यात्रुवाहक वसको ठक्करबाट एक बालकको घटनास्थलमै मृत्यु भएको छ । काठमाडौंबाट राजविराजतर्फ जाँदै गरेको यात्रुवाहक वसको ठक्करबाट आज (शुक्रवार) सिरहाको बरहरामालमा एक बालकको ज्यान गएको छ । पूर्वपश्चिम लोकमार्ग अन्तर्गत वडहरामाल ४ का प्रदिप मुखियाका १० वर्षिय छोरा रोशन मुखियालाई ना. ५ ख ४८४७ नम्वरको अम्वे बसले ठक्कर दिंदा बालकको घटनास्थलमै ज्यान गएको इलाका प्रहरी कार्यालय मिर्चैयाका प्रमुख डिएसपी श्याम ंिसंह चौधरीले जानकारी दिए । बस र चालक प्रहरीको नियन्त्रणमा रहेको छ भने शव पोष्टमार्टमका लागि जिल्ला स्वास्थ्य कार्यालय सिरहा पठाईएको छ ।

राम नारायण पंडित, सिरहा, १९ कार्तिक । सिरहामा दीपावली तथा छठ पर्वको अवसरमा नेपाली सेनाले आयोजना गरेको रक्तदान कार्यक्रममा ४५ जनाले रक्तदान गरेका छन् । पुर्वाञ्चलमा रगतको अभाव भएको समाचार आउन थालेपछि रगतको अभावलाई केही हदसम्म कम गर्ने उद्देश्यले विहिवार सिरहाको चोहर्वामा रहेको नयाँ गोरखगणले रक्तदान कार्यक्रमको आयोजना गरेको थियो । रक्तदान कार्यक्रममा नेपाली सेना, सशस्त्र प्रहरी, जनपथ प्रहरी, ट्राफिक प्रहरी र स्थानीयवासिन्दा गरी जम्मा ४५.जनाले रक्तदान गरेका थिए । रक्तदान कार्यक्रमबाट संकलित रगत नेपाल रेडक्रस सोसाईटी सिरहा शाखालाई जिम्मा लगाइएको आयोजकले जनाइएको छ । रगतको अभावमा विरामीको अकालमै ज्यान गुमाउनु नहोस् उद्देश्यले रक्तदानको कार्यक्रमको आयोजना गरेको नयाँ गोरखगण चोहर्वा ब्यारेकका प्रमुख सेनानी मनोज भण्डारीले बताए । रक्तदान कार्यक्रममा १८ नं. बाहिनीका बाहिनीपति सहायक रथी सुवर्ण बहादुर शाहको पनि उपस्थिति रहेको थियो । यता, चाडवाड तथा मौसम प्रतिकुलताको कारणले रक्तदान गर्ने मानिसहरुमा गिरावट आएकोेले रगतको अभाव भएको नेपाल रेडक्रस सोसाईटी सिरहा शाखाका सभापति राजदेव यादवले बताए । सिरहामा वार्षिक करिव दुई हजार पाउण्ड रगत खपत भइरहेको छ ।

राम मण्डल बीरगंज पर्सा १८ बीरगंजको लिंकरोडमा रहेको भवानी अस्पताल प्रालिका सुरक्षा गार्डहरुले बिरामीका आफन्तलाई कुटपिट गरेका छन।पर्सा रामगढवा निवासी आरिफ अन्सारीलाई अस्पतालका तिनजना सुरक्षा गार्डहरु मिलि कुटपिट गरेका हुन। अन्सारीले आफना १३ बर्षीय छोरी सबिना खातुनलाई अस्पतालमा उपचारका लागि भर्ना गराएका थिए ।अस्पतालका डाकटर समयमा नआएका तथा सोधपुछ गर्दा डाक्टर आउदै छ,केहीबेरमै आईपुग्ने भनी पन्छाउने गरेका कारण आफनो छोरीको स्वास्थय झन बिग्रको अन्सारीले बताउनु भयो ।आज आएर अस्पतालले आफना छोरीको उपचार गर्न नसकने भन्दै अन्त लैजान भनेको तथा आफुले अन्य अस्पतालमा लग्न खोज्दा पैसा नतिरी किन लैजान लागेको भन्दै डयुटीमा रहेका सुरक्षा गार्डहरु मिलि कुटपिट गरेको बिरामीका पिता अन्सारीको भनाई छ ।कुटपिट भएको पुरै घटना अस्पतालमा जडित सिसिटिभि क्यामरामा रेकर्ड भएको छ ।घटना भएको थाहा पाउने बितिकै घटनास्थलमा पुगेको जिल्ला प्रहरी कार्यालयको टोलीले कुटपिट गर्ने तिनैजना सुरक्षागार्डहरुलाई नियन्त्रणमा लिएको छ

राम नारायण पंडित, सिरहा, १८ कार्तिक । सिरहाको मिर्चेयामा बुधबार कुस्ति प्रतियोगिता सम्पन्न भएको छ । संस्कृतिक समबद्र्धन र खेलकुदको प्रवद्र्धनको गर्ने उदेश्यले लक्ष्मी पुजाको अवसरमा मिर्चैयमा आयोजना गरिएको तीन दिवसीय कुस्ति प्रतियोगिता सम्पन्न भएको छ । कुस्ती प्रतियोगितमा छिमेकी मुलुक भारत र नेपालका प्रसिद्ध कुस्तिवाजहरुले कुस्ति लडे्का थिए । कुस्तिमा उत्कृष्ट गरेका भारत चंडीगढ पंजाबका प्रदिप खाना, अध्योध्यका मुनु पहलमान र मध्यप्रदेशका बाबा नायक लगायतका पाँच जना पहलमानहरुलाई आयोजकले दोसल्ला ओढाई सम्मान गरेको लक्ष्मी पुजा मेला समिति मिर्चैया ६ मटियर्बाका सचिब रामप्रित साहले बताए । कुस्ति प्रतियोगितामा भारतका अयोध्या, मध्यप्रदेश, कानपुर, गजियाबाद, कुरुक्षेत्र त्यस्तै नेपालका बिभिन्न स्थानका पहलानहरुले कुस्तिको माध्यमले दर्शकहरुलाई मनमोहित गरेका थिए । यसैबिच एक जोडी महिला पहलमानले पनि कुस्तिको माध्यमले दर्शकहरुलाई झुमाएका थिए । प्रतियोगितामा पुरुष तिर मखन सिंह, अरविन्द यादब, मंगल यादब, भिम सिंह, सैतान सिंह, विरजु यादब र महिला तिर रंजिता र सरिता पहलमानले कुस्ति लडेका थिए । यहि कार्तिक १५ गते नेपाल सरकारका कानुन मन्त्री अजय शंकर नायकले कुस्ति प्रतियोगिताको उदघाटन गरेका थिए । उक्त अबसरमा राष्ट्रपतिका स्बकिय सचिव जिवछ साह र नेकपा माओबादी केन्द्रका नेता जगत यादव लगायतका सहभागिता रहेको थियो । लक्ष्मी पुजाको अबसरमा आयोजना गरिएको तीन दिने कुस्ती प्रतियोगितामा नेपाल र भारतका विभिन्न स्थानका दर्शकहरुको उल्लेखनिय सहभागिता रहेको थियो ।

राम मण्डल बीरगंज पर्सा कार्तिक १७ । मधेसी जन अधिकार फोरम मधेसका राष्ट्रिय अध्यक्ष भागनाथ गुप्ताले संयूक्त लोकतान्त्रिक मधेसी मोर्चाका नेताहरुले पद पैसाका लागि मधेसीको मुद्दा त्यागेर संविधान संशोधनको नाटक गरिरहेको आरोप लगाउनु भएको छ । फोरम मधेस पर्साले आज वीरगन्जको घण्टाघर चोकमा अयोजना गरेको शंकल्प सभालाई सम्बोधन गर्दै अध्यक्ष गुप्ताले नाकाबन्दीका बेला इन्धन र खाद्यान्नको तस्करीबाट रकम कामाउन पल्केका मधेसी मोर्चाका नेताहरु अहिले भने छठ पछि आन्दोलन गर्ने घोषणा गरी पुनः पैसा कमाउने दाउमा लागेकाले त्यसबाट मधेसी जनता सचेत हुनु पर्ने बताउनु भयो । अध्यक्ष गुप्ताले अब कुनै मधेसी दलका नेता वा मोर्चाकोे आह्वानमा आन्दोलनमा नगरी जनता आफैले आन्दोलनलाई अगाडी बढाउनु पर्ने बेला आएको बताउनु भयो । उहाँले अब कुनै नेतालाई मन्त्री वा कुनै नेताको दलाललाई जिएम बनाउनकालागि नभई समग्र मधेस एक स्वायत प्रदेश र जनसंख्याको आधारमा पुर्ण समानुपातिक निर्वाचत प्रणलिका लागि आन्दोलन हुने पर्ने बताउनु भयो । मधेसी मोर्चाका नेताहरुले सत्ता र शक्तिका लागि मात्रै मधेसी जनतालाई प्रयोग मात्र गर्दै आएकाले अब हुने आन्दोलन नेता शुद्धीकरणका लागि समेत हुनु पर्ने धारणा राख्दै अध्यक्ष गुप्ताले मधेसीको मुक्ती समग्र मधेस एक प्रदेश र जनसंख्याको आधारमा पुर्ण समानुपातिक निर्वाचन प्रणलिबाट मात्र सम्भव भएको दावी गर्नुभयो ।अध्यक्ष गुप्ताले मधेसको मुद्दामा कुनै अभिव्यक्ति ब्यक्त नगर्न भारतीय राष्ट्रपतिलाई सुझाव समेत दिनु भयो । उहाँले तीन दिने राजकिय भ्रमणमा नेपाल आएका भारतीय राष्ट्रिपति प्रणव मुखर्जीलाई मधेसको विरोधमा कुनै अभिब्यक्ति व्यक्त नगर्न आग्रह पनि गर्नु भयो ।

राम मण्डल बीरगंज पर्सा कार्तिक १७ । तराइ मधेस लोकतान्त्रिक पार्टीका महामन्त्री जितेन्द्र सोनलले मधेसी मोर्चाको माग पुरा नभए सम्म मुलुकमा कुनै पनि चुनाव हुन नदिने बताउनु भएको छ । छठ पर्बको अवसरमा बाराको रामपुर टोकनी गाविसको मुसहरी टोलमा आयोजित शुभकामना आदान प्रदान कार्यक्रममा बोल्दै महामन्त्री सोनलले छठ लगत्तै मधेसी मोर्चाको माग संविधान संशोधन मार्फत सम्बोधन नगरिए मुलुकमा कुनै पनि चुनाव हुन नदिने चेतावनी दिनु भयो । उहाले मोर्चाको माग पुरा नभए सम्म संविधान कार्यान्वयन हुन पनि नदिने दाबी गर्नु भयो । महामन्त्री सोनलले मधेसीको अधिकार अब कुनै पनि शक्तिले खोस्न नस्कने दाबी गर्नु भयो । तमलोपाका स्थानीय नेता भोला साहको अध्यक्षतामा भएको कार्यक्रममा बिन्दु साह ,संतोष यादब ,रमेश सरार्फ लगायतकाले शुभ कामना मन्तव्य व्यक्त गरेका थिए ।

राम नारायण पंडित, सिरहा, १७ कार्तिक । उद्योग व्यापार संघ गोलबजारको कार्यालय वर्तमान कार्यसमितिका सचिबले आफ्नो घरमै संचालन गरी काम काज गरिहेका छन् । संघको कार्यालय भएपनि व्यापार संघका सचिब फुलगेन नायकले मनोमानी गर्दै कार्यालय आफनो घरमै संचालन गरिरहेकोले समस्या भइरहेको स्थानिय व्यापारीह?ले गुनासो गरेका छन् । यस सन्दर्भमा संघका उपाध्यक्ष धनिक लाल महतोसग सम्पर्क गर्दा फोन रिसिभ हुन सकेन् । गोलबजारका व्यापारीह?ले संघको कार्यालय संचालन गरि कामकाज गर्नका लागि बर्तामान कार्य समितिका पदाधिकारीसंग आग्रह गरेका छन् । बर्तमान नेतृत्बले नियमित ?पले कार्यालय संचालन नगरेको खण्डमा बाध्य भएर व्यापारीह?लाई आन्दोनमा उत्रिनु पर्ने गोलबजारका स्थानिय व्यापारी संतोष साहले चेताबनी दिए । यहि कार्तिक १५ गते देखि मंसिर १५ गते सम्मका लागि व्यापारीह?लाई नया सदस्यताको लागि निबेदन दिन र पुरानो सदस्यतालाई नविकरण गर्नका समय दिए पनि बर्तमान नेतृत्बले हैकमबादी शासन गर्दै घरमै कार्यालय संचालन गरेकोले समस्या भइरहेको उनले आरोप लगाए । विगत १० बर्ष देखि व्यापार संघको चुनाब हुन नसकेकाले अबको चुनाबले कुशल नेतृत्ब चयन गर्नमा जोड दिने सुनचाँदी ब्यबसायी संघका केन्द्रिय सदस्य तथा स्थानिय व्यायपारी भरत अग्रबालले बताए । यता, अगामी महिना हुन गईरहेको संघको चुनाबको लागि जिबछ साह, दिपक नायक, भरत अग्रबाल र प्रमेश्बर साह लगायतक अध्यक्षका प्रत्यासी रहेका छन् ।

सिरहा, १५ कार्तिक । उपचारका लागि सिरहा अस्पतालमा ल्याएका सिरहा नगरपालिका वडा नं. १५ सुखचैनाका धाइते बिरामीको ७ जना आफन्तलाई सिरहा प्रहरीले सोमबार पक्राउ गरेको छ ।
दुई पक्षको विवादमा परी धाइते भएकाहरुको आफन्तले अस्पताल भित्रै दोषारोपन गर्दा विवाद भई भै ढुङ्गामुढा हुन थालेको र स्थितीलाई नियन्त्रणमा लिन ७ जनालाई पक्राउ गरिएको जिल्ला प्रहरी कार्यालय सिरहाका डिएसपी एक नारायण कोइरालाले बताए । पक्राउ परेकाहरुको अनुसन्धान गर्ने कार्य भै रहेकोले नाउँ भन्न नमिल्ने उनले बताए ।
छिमेकी सुनिता कुमारी ठाकुर सँग सिरहाको सुखचैनामा जमुना देवी र निर्मला बरही सँग विवाद हुदाँ अस्पतालको इमरजेन्सी कक्षामा भर्ना भएको र उपचारकै क्रममा सुनिता कुमारी ठाकुरको आफन्त राजे ठाकुर, देवेन्द्र ठाकुर र मुनेश्वर ठाकुरले थप व्यक्तिको सहयोगमा आफु माथि ढुङ्गामुढा गरिएको धाइते जमुना देवी बरहीको आफन्त सुरेश ठाकुरले बताए । दुवै पक्षको विचमा ७ धुर जग्गाका लागि सिरहा जिल्ला अदालतमा मुद्दा चलिरहेको र सोही विषयमा विवाद भएको स्थानियको भनाइ छ ।स्रोत;अपनदैनिक 

दिनेश्वर गुप्ता लहान, १३ कात्तिक । सिरहाको धनगढीमाई नगरपालिकामा ट्राफिक प्रहरीले अनाहकमा सवारी चालकलाई दुःख दिने गरेको खुलासा भएको छ । धनगढी प्रहरीसंग आबद्ध रहेका प्रसनी सचेन्द्र यादवले केही समयदेखि मोटरसाईकल चालक तथा अन्य सवारी चालकका ब्लुबुक लिएर सांझमा भेट्न आदेश दिने गरेको छ । यो एउटा घटना कात्तिक ८ गते हो । धनगढी ३ निवासी सुर्यदेव महतोको लक्ष्मी सुपरट्राभल्स धनगढीदेखि अम्बास चल्ने बसको ब्लुबुक लिएर २५ सय रुपैयां माग गरियो । सो रकम प्रसनी सचेन्द्र यादवले धनगढीको महेश होटलमा सांझतीर लिएर आउंन भनियो । ब्लुबुक खोसेपछि सुर्यदेव महतो त्यस होटलमा पुग्ने नै भयो । होटलमा प्रसनी यादवलगायत तीन चार जनाले मासु रक्सीे खादैं जांदा २५ सयको ठाउंमा ३५ सयको विल बनियो । एक हजार बढीको विल भएपछि सुर्यदेव महतोले भने 'म संग २५ सय मात्र छ । बांकी रकम तपाई आफै तिर्नुस् ।' यतिकैमा प्रहरी र महतोबीच विवाद भयो । विवादकै क्रममा एक जनाले जिल्ला प्रहरी कार्यालय सिरहामा फोन हानियो । यता, लहानबाट डिएसपीसहितको टोली धनगढी पुग्दा प्रसनी सचेन्द्र यादव रातीभरी फरार रहे । प्रसनी सचेन्द्र यादव रक्सी खाएकोले मापसे चेकिंगको कारण हाजिरी भएन् । त्यसको भोलीपल्ट कात्तिक ९ गते जिल्ला ट्राफिक कार्यालय लहानले प्रसनी यादवलाई २४ घण्टे स्पस्टिकरणको माग गरेको छ । यसबारे प्रहरी निरिक्षक आमोदकुमार खेरबारले भने 'कारवाहीको प्रक्रिया जारी छ । तर, डिएसपी राजकुमार केसी स्वंम त्यस केसमा गएकोले म केही भन्न सक्दिन् ।' धनगढी क्षेत्रमा प्रसनी यादवको यो एउटा उदाहरण मात्र हो । यस्ता कैयन सवारी चालक उनीसंग पीडित छन् । चेकजांचको नाममा यस्ता घुसखोरी गरी दिउंसै रक्सी खाने ट्राफिक प्रहरीलाई कस्तो कारवाही हुने हो सम्बन्धित निकायलाई नै थाहा हुनुपर्छ ।

राम नारायण पंडित, सिरहा, १३ कार्तिक । सप्तरीको दुधैला स्थित भुतही बलान घाटमा मास कुम्भ महायज्ञको भव्य आयोजना गरिएको छ । सप्तरीको मौवाहा गाविसमा पर्ने भुतही बलान दुधैला घाटमा कार्तिक एक गतेदेखि सुरु भएको श्री श्री १०८ श्री मास कुम्भ महायज्ञ भर्नका लागि नेपालको बिभिन्न स्थानको साथै भारतीय दर्शनार्थीहरु आउने गरेको आयोजकले बताए । मास महायज्ञ रहेकोले कार्तिक मास नुहाउनेहरु दिनमा मेला हेरी राती बास बसी एका बिहानै बलान नदिमा नुहाई बिहान भइरहेको मास परायणमा सहभागि हुने गरेको आयोजकको भनाई रहेको छ । श्री श्री १०८ मास कुम्भ महायज्ञमा मास परायणको साथै प्रत्येक दिन संगितमय प्रवचन त्यस्तै मनोरंजनको लागि रामलिला, बैल दौड् र कुस्ति लगायतका कार्यक्रमहरुको आयोजना गरिएको छ । उक्त कार्यक्रमहरुका लागि नेपालको बिभिन्न स्थानको साथै भारतीय कालाकारहरु महायज्ञमा सहभागि भएका छन् भने भारत विहार र नेपालको मधेश क्षेत्रका जिल्लाका सांस्कृति झल्किने कार्यक्रम समेत भइरहेको बताईएको छ । सिरहा सप्तरीको बीच भागमा पर्ने भुतही बलान दुधैला घाटमा टप्पु जस्तै सैयौं विघामा फैलिएको क्षेत्रमा यज्ञको आयोजना गरिएको छ । बलमन्त बाबाको अगुवाईमा जारी रहेको कुम्भ महायज्ञ कार्तिक मसान्त भरी चल्ने छ ।