लहान । हरुवा चरुवा र आधुनिक दासतामा परेका महिलाहरुलाई मुक्ति हाम्रो प्रतिवद्धता नाराका साथ मुक्ति नेपाल लहानले फ्रिडम फण्डको सहयोगमा आयोजना गरेको मनोसमाजिक मनो विमर्स सम्बन्धी सात दिने तालिम शुक्रवार सम्पन्न भएको छ ।
तालिममा हरुवा चरुवाको क्षेत्रमा काम गर्ने मुक्ति नेपाल, दलित संरक्षण अभियान मञ्च र जन चेतना दलित संगम सप्तरीका कर्मचारी तथा महिला अधिकारकर्मीहरु सहभागी रहेको थिए ।
तालिमको समापन कार्यक्रममा बोल्दै सहभागी जिवछी यादवले, 'पिडित व्यक्तिसँग कसरी सम्बन्ध सुधार गर्ने तथा बन्द प्रश्न गर्ने लगायतको कुरा सिकेको बताईन्' । प्रभावित व्यक्तिसँग कसरी कुरा गर्ने र घटना उठाउने वारे यस तालिममा सिकाएको मुक्ति नेपालकी सचिव तथा महिला अधिकारकर्मी देवकुमारी महराले सुनाईन् ।
सहभागीहरुको मनोसमाजिक समस्या वारे अवधारणागत रुपमा स्पष्ट भई मनोसामाजिक समस्याका आधारभुत लक्ष्णहरुको पहिचान गर्न सक्ने क्षमता विकास, मनोसमाजिक समस्या भएका व्यक्तिहरुलाई भावनात्मक सहयोग प्रदान गर्ने सीप विकास तथा मनोसामाजिक समस्या, मनोविमर्श लगायतका विषयहरुमा सचेतीकरण कार्यक्रमहरु संचालन गर्ने क्षमता अभिवृद्धि हुने आयोजककी रेणु कर्णले सुनाईन् । प्रशिक्षकको रुपमा तालिममा महेन्द्र महतोसहित दुई जना रहेको थियो । ८ गते देखि तालिम संचालन भएका थिए ।

सिरहा, १४ असोज। दशैंको समयमा हुने सम्भाबित घटनालाई मध्यनजर गरी सिरहाका प्रहरीले बिशेष सुरक्षा व्यवस्था मिलाइएको छ । दशैं र तिहारको समयमा हुने लुटपाट, मदिरा खाएर होहल्ला गर्ने, सवारी चलाउने तथा हत्याका घटना घट्न सक्ने भनी जिल्लाका प्रमुख बजार केन्द्रहरु तथा जिल्ला भित्रिने नाकाहरुमा कडाई गरिएको जिल्ला प्रहरी कार्यलय सिरहाका प्रहरी नायव उपरिक्षक एकनारायण कोईरालाले बताए
नागरिक र प्रहरी विचको सम्बन्धमा सुमधुरता ल्याउने उदेश्यका साथ पनि गाउघरमा पैदल तथा मोवाईल गस्ती गर्न बिशेष सुरक्षा व्यवस्था मिलाइएको प्रहरी प्रवक्त कोईरालाले बताए ।
यस्तै जिल्लाका विभिन्न ट्राफिक पोष्टको अगाडी सवारी साधन र मान्छेको धेरै भिडभाड नहोस् भन्ने उद्देश्यले यात्रु सहायता कक्ष राखेको प्रवक्ता कोईरालाले जानकारी दिएका छन् । प्रवक्ता कोईरालाका अनुसार, यात्रु सहायता कक्षमा ट्राफिक प्रहरी, नेपाल प्रहरी, यातायात व्यवसायी र नागरिक समाजका प्रतिनिधि रहनेछ । भाडा वढी लिएमा, जथाभावि यात्रु वोकेमा साथै सवारी चालकले सवारी नियम उल्लङ्घन गरी सवारी चलाएमा तत्काल ट्राफिक प्रहरी वा यात्रु सहायता कक्षका अधिकृतलाई सम्पर्क गर्न आग्रह समेत गरेका छन् ।अपन दैनिकको सहयोगमा तयार पारिएको समाचार। 

एजेन्सी- कश्मिरको उरीमा आक्रमण हुँदा १८ जना भारतीय सैनिक मारिएपछि भारत र पाकिस्तानबीच युद्धको अवस्थामा पुगेका छन् । भारत र पाकिस्तानबीचको वाकयुद्ध संयुक्त राष्ट्रसंघको महासभामा पनि पुगेको छ ।

दुबै देश एकले अर्कालाई गाली गर्दै दोषारोपण गरेका छन् । यस्तो अवस्थामा मंगवार पाकिस्तानी राजधानी इस्लामाबादमा भारतविरुद्ध वृहत् प्रदर्शन भयो ।

उक्त प्रदर्शनमा भारतविरुद्ध चर्का नाराबाजी पनि भए । जुलुसमा सहभागीहरुले प्रधानमन्त्री नरेन्द्र मोदीको काटिएको टाउको पाकिस्तानी सेना प्रमुख राहिल शरिफले हातमा लिएको तस्बिरसहितको पोस्टर पनि बोकेका थिए ।

एउटा हातमा राहिल शरिफले भारतीय प्रधानमन्त्री मोदीको काटिएको टाउको बोकेको देखाइएको छ भने अर्को हातमा रगत लत्पतिएको तरबार पनि देखाइएको छ।

उक्त पोष्टरको तस्बिरसहितको प्रदर्शनपछि पाकिस्तानी मिडियामा यसबारे समाचार नै बनाए । उक्त तस्बिरसहितको प्रदर्शनलाई लिएर भारतीय सञ्‍चारमाध्यममा पनि ठूलो चर्चा भएको छ ।

पाकिस्तानी पत्रिका 'द नेशन'का अनुसार कश्मिरमा युवा बुरहान वानी मारिएपछि भएको हिंसाको विरोधमा भारतविरुद्ध प्रदर्शन गरिएको हो।

गत जुलाइ ८ मा भारतीय सेनाले आतंकबादी संगठन हिजबुल मुजाहिद्दिनका कमाण्डर बुरहानी वानीलाई इन्काउन्टर गरेको थियो । त्यसपछि कश्मिरमा भएको हिंसामा कम्तिमा पनि ८० जना मारिइसकेका छन् ।

यसअघि पाकिस्तानी सेना प्रमुख जनरल राहिल शर्रीफले भारतलाई चेवानीको भाषामा युद्धको धम्की नदिन भनेका थिए । उनले भारतबाट युद्ध थालिएमा उसले ठूलो क्षति व्यहोर्ने चेतावनी दिएका थिए।

पाकिस्तानमाथि अल्पकालीन या दीर्घकालीन युद्ध थोपर्न खोजिए भारतले ठूलो मूल्य चुकाउनु पर्ने चेतावनी उनले दिएका थिए ।