Online siraha -Mobile Version

सिन्धुली, १ भदौ । सिन्धुलीमा छाप्रो वाइरिङ गर्ने क्रममा करेन्ट लागेर एक जनाको मृत्यु भएको छ। करेन्ट लागेर बाशेश्वर गाविस–८ निवासी ५१ वर्षीय डम्बरबहादुर माझीको ज्यान गएको हो।  डम्बरबहादुर माझीले छाप्रोमा वाइरिङ गर्ने क्रममा अचानक बायाँ हातमा करेन्ट लागेको जिल्ला प्रहरी कार्यालय सिन्धुलीले जनाएको छ।
 करेन्ट लागी बेहोस भएका माझीलाई उपचारका लागि सुनकोसी अस्पताल खुर्कोट लगिएको र उपचारका क्रममा मङ्गलबार ज्यान गएको जिल्ला प्रहरी कार्यालय सिन्धुलीका प्रहरी निरीक्षक निर्मल पनेरुले जानकारी दिए।  छाप्रोमा वाइरिङ गर्दा ज्यान गुमाएका माझीको शवपरीक्षणका लागि शव जिल्ला अस्पताल सिन्धुलीमा ल्याइएको छ। इलाका प्रहरी कार्यालय खुर्कोटबाट प्रहरी टोली खटिगएको र घटना सम्बन्धमा अनुसन्धान कार्य भइरहेको जिल्ला प्रहरी कार्यालयले जनाएको छ। माझीले सामान्य सावधानी पनि नअपनाउँदा ज्यान गएको प्रहरीको भनाइ छ। रासस