शिव दयाल यादव, सिरहा । असार १९ - एसएलसी परीक्षामा दुई विषयसम्म अनुत्तीर्ण हुने परीक्षार्थीका लागि सञ्चालन गर्ने मौका परीक्षाको सम्पूर्ण तयारी पूरा भएको जिल्ला शिक्षा अधिकारी ओम बहादुर कटुवालले जानकारी दिनुभएको छ । जिल्ला शिक्षा अधिकारी कटुवालका अनुसार जिल्लामा यसवर्षको मौका परिक्षामा जम्मा २२ सय ९३ जना परिक्षार्थी सहभागी हुदैछन् । परीक्षा भोलिदेखि देशभरमा सुरु हुदैछ । जिल्लामा भने श्री चन्द्र.उ.मा.सिरहा,श्री बालमन्दिर मा.बि.सिरहा,माउन्ट एभरेष्ट बोर्डिङ्ग स्कुल सिरहा र एभर ग्रीन एकेडमी सिरहामा सञ्चालन हुने छ । यस वर्षको प्रवेशिका परिक्षामा ३७ दशमलव १७ प्रतिशत विद्यार्थी उत्तिर्ण भएका थिए । शिक्षा अधिकारी कटुवालले विद्यालयमा आकस्मिक निरक्षण नियमित पठन पाठनमा तीव्रताका कारणले यस वर्ष गत वर्षको तुलनामा ७ दशमलव १७ प्रतिशत विद्यार्थी बढि उत्तीर्ण भए । सिरहामा गत वर्ष ३० प्रतिशत मात्र विद्यार्थी उत्तीर्ण भएका थिए ।
No comments:
Post a Comment