चर्कीयो मधेश आन्दोलन , मधेश भसर तनाव ग्रस्त , जनकपुरमा प्रहरीको अघोषित कर्फ्र्यू

संविधानको प्रारम्भिक मस्यौदाको व्यापक विरोध भएपछि राय सुझाव संकलन गर्न आएको टोलीको कार्य प्रभावित हुने भएपछि जनकपुर स्थित जनकपुर उद्योग वाणिज्य संघमा सुरक्षा निकायलाई बाक्लो रुपमा परिचालन गरिएको छ ।
मधेशवादी दल र नेकपा–माओवादी सहितका दलहरुले विभिन्न जारी मस्यौदा विरुद्ध आन्दोलन घोषणा गरेपछि जउवासंघ सुरक्षाको निकायको व्यारेकमा परिणत भएको छ । प्रारम्भिक मस्यौदा मधेश विरोधी रहेको भन्दै सदभावना पार्टी धनुषा, तराई मधेश लोकतान्त्रिक पार्टी धुनषा र नेकपा–माओवादी सहितका दलहरुले सोको विरोधमा विभिन्न कार्यक्रमहरु सार्वजनिक गरेपछि सुरक्षा निकायका सशस्त्र प्रहरी र जनपथ प्रहरीलाई विभिन्न ठाउमा व्यापक परिचालन गरिएको छ ।
मस्यौदा माथि हुने छलफलमा बाधा अवरोध खडा हुने संकेत स्पष्ट रुपमा देखे पछि जनकपुर उद्योग वाणिज्य संघलाई हिजो देखि नै सो स्थलमा प्रहरी परिचाल गरिएको छ । जसका कारणले गर्दा सो स्थल व्यारेकमै परिणत भएको छ भने सो क्षेत्रबाट आवत जावत समेत निषेध गरिएको छ ।
सिमित दलका नेता तथा कार्यकर्ताहरुको उपस्थितीमा हुन लागेको सो कार्यक्रम प्रहरीको नियन्त्रणमा रहेकाले संविधानको मस्यौदा माथि हुने छलफल तथा परामर्श प्रभावित हुने भएको छ ।
ज्ञातव्य नै होला धनुषाका प्रमुख जिल्ला अधिरकारी कालीप्रसाद पराजुलीले सुरक्षा व्यवस्था अत्यन्त कडा बनाइएको भन्दै आवश्यकता परेमा नेपाली सेना समेत खटाईने जानकारी दिएका थिए ।
यता पूर्व निर्धारीत कार्यक्रम अनुसार मधेश अधिकार संघर्ष समिति मासले आह्वान गरेको जनकपुर बन्दको पहिलो दिनको बन्दीबाट जनजिवन प्रभावित भएको छ । जनकपुरका मुख्य चोक र राजमार्गमा बन्दको स्पष्ट प्रभाव देखिएको छ । जनकपुरको राम चोक, जनक चोक, भानु चोक, मिल्स एरीया, पिडारी चोक, रामानन्द चोक, बस पार्क सहितका दर्जनौँ चोकहरु तथा बजार स्थल पूर्ण रुपेण ठप्प छ ।
मासका यूवाहरु विहानै देखि मोटरसाईकल रैली निकाली बजार बन्दको अनुगमन गर्दै हिडेको दृश्यहरु सहजै हेर्न सकिन्छ ।
मासको बन्दलाई नेकपा–माअ‍ोवादी, मधेशी लोकतान्त्रिक समाज जनकपुर, विभिन्न यूवा संगठन सहितकाहरुले समर्थन गरेको छ ।