अपहरण गरेर लगेको दश दिनपछि बालकको शव भेटियो सोही ,गाउँका दिनेश यावद संलग्न रहेको भन्दै उनको घरमा आगजानी

सिरहा, जेठ २२ – अपहरणपछि हत्या गरिएका सुखिपुर गाविसका श्रवणकुमार भण्डारीको हत्यामा संलग्न रहेको भन्दै स्थानीयले सोही गाविसका दिनेश यादवको घरमा आगजनी गरेका छन् । मृतक बालकका आफन्त र पक्षधरहरुले हत्यामा दिनेशको हात रहेको भन्दै उनको घरमा आगजनी गरेका हुन् ।त्यहाँ बिहीबार साँझ तनावपूर्ण छ । आक्रोशित स्थानीयलाई रोक्न प्रहरीले पाँच राउण्ड हवाई फायर र ६ राउण्ड अश्रुग्यास प्रहार गरेको छ । स्थानीयको आक्रमणबाट सशस्त्र प्रहरी सुखिपुरका सशस्त्र प्रहरी निरीक्षक प्रद्युम्न थापाको टाउकोमा चोट लागेको छ । स्थिति अहिले प्रहरीले नियन्त्रणमा लिएको छ ।अपहरणको १० दिनपछि सिरहाका एक बालक मृत अवस्थामा फेला परेको छ । जेठ ११ गते अपहरणमा परेका सिरहा सुखिपुर–६ दहिपैरीका १० वर्षीय श्रवणकुमार भण्डारीको शव छिमेकी गाविस मोहनपुर कमलपुर–३ मा हत्या गरि गाडिएको अवस्थामा विहीबार भेटिएको हो । बालकको शव मोहनपुर कमलपुरको वैसाखास्थित धान खेतमा गाडिएको अवस्थामा फेला परेको प्रहरीले जनाएको छ ।अपहरणकारी समूहले अपहरण गरेको भोलिपल्ट देखि नै फिरौती वापत बालकको परिवारसँग २० लाख रुपैयाँ माग्दै आएका थिए । उनीहरुले मंगलबार फिरौती रकम लिएर सुखिपुर बजारमा आउन बालककी आमालाई फोनमा भनेका थिए । त्यसपछि बालककी आमा प्रहरीलाई लिएर आएको सुइँको पाएका अपरणकारी सम्पर्कमा आउन चाहेनन् । त्यसपछि उनीहरुले फोन गर्दैआएको नम्बर अफ रहँदै आएको छ ।विहीबार बिहान वैसाखाका महिलाहरु शौचालय जाने क्रममा स्याल र कुकुरले मान्छेको शव लुछेको देखेपछि इलाका प्रहरी कार्यालय लबजारमा खबर गरेपछि प्रहरी टोली पुगेर बालकको शव उत्खनन् गरेको जनाएको छ ।शव प्रकृति हेर्दा बायाँ खुट्टा काटिएको र घाँटीमा डोरीले बाँधिएको जस्तो देखिएको इलाका प्रहरी कार्यालग गोलबजारका प्रमुख प्रहरी निरीक्षक सन्तोष निरौरालले बताए । घटनाबारे थप अनुसन्धान जारी रहेको भन्दै अपहरणकारीको खोजी जारी रहेको उने बताए ।प्रहरीले अपहरणकारीको लगभग पहिचान भईसकेको हुँदा चाडै पक्राउ पर्ने बताए । स्थानीयका अनुसार आपसी विवादका कारण उनको अपहरणको नाटक गरिएको भएपनि अपहरणकै वेला हत्या गरिएको हुन सक्ने बताएको छ । शव पोष्टमार्टमका लागि लहानस्थित रामकुमार सारडा उमाप्रसाद मुरारका स्मारक अस्तालमा राखिएको प्रहरीले जनाएको छ ।