सिरहा, वैशाख ३१ – 

सशस्त्र प्रहरीले लागुऔषध सहित दुईजनालाई सिरहाबाट पक्राउ गरेको छ । लागु पदार्थ सेवन गरिरहेको अवस्थामा लहान–८ का अशोक पासवान र गोलबजारका सुमन पासमानलाई लागुऔषध फोर्डविन ३० थान सहित पक्राउ गरेको हो ।प्रहरीले उनीहरुले प्रयोग गरेको ना. १३ प १३९२ नम्वरको मोटरसाइकल समेत नियन्त्रणमा लिएको जनाएको छ । सशस्त्र प्रहरीले पक्राउ परेका दुवैजनालाई आवश्यक कारवाहीको लागि इलाका प्रहरी कार्यालय गोलबजारलाई बुझाएको छ ।