जेठ ७ धनुषाको औरही गाउंपालिकाको हरुशाहामा राजदेवी राष्ट्रिय आधारभूत बिधालयका १० जना गरिब तथा जेहेन्दार विद्यार्थीहरुलाई छात्रवृत्ति बितरण गरिएको छ । हेल्प मधेशी साउदी अरबको आर्थिक सहयोग र हेल्प मधेशी नेपालको आयोजनामा उतm छात्रवृत्ति बितरण गरिएको हो । हेल्प मधेशी नेपालका अध्यक्ष राम उदगार यादवको अध्यक्षता र महिला बिकासकी अध्यक्ष विजेता झाको प्रमुख अतिथियमा छात्र(छात्राहरुलाइ छात्रवृत्ति बितरन गरिएको जनाईएको छ । कार्यक्रममा हेल्प मधेशी नेपालका केन्द्रिय सदस्य लालबाबु साह , संजय रान यादव ,गणेश मंडल, कृष्णदेब मंडल ,बिनोद दास तथा हेल्प मधेशी कत्तार च्याप्टरका सह—सचिब प्रदीप ठाकुर लगायत स्थानीयहरुको सहभागिता रहेको थियो ।

जेठ ७ धनुषाको हंसपुर नगरपालिकाका वडा नं. २ बघचौडामा मंगलवार दुई घण्टा चक्का जाम गरिएको छ । नेपाली कांग्रेस हंसपुर नगरपालिका संयोजक जयनारायण कापरीको अगुवाईमा गरिएको सो चक्का जामका कारण सवारी आवागमन समेत प्रभावित भएको थियो । भ्रष्टाचार , अनियमितता , फिजुलखर्च , राजनीतिकरण , तथा विकास विरोधी एवं कार्य बाधक क्रियाक्लाप विरुद्ध चक्काजाम गरि प्रर्दशन गरिएको हंसपुर नगरपालिकाका नगर प्रमुखका प्रत्यासी प्रदिप यादवले बताएका छन । नगरपालिकाले सडक निर्माणको नाउंमा घरहरु भत्काएपनि हालसम्म सडक निर्माण नहुंदा सवारी आवागमन प्रभावित हुनुका साथै नगरवासीलाई समेत आवत जावतमा समस्या हुने गरेको छ । नगरपालिकामा हुने खर्चहरुको विवरण सार्वजनिक गर्न समेत मांग गरिएको छ । विरोध प्रर्दशनमा नगर उपप्रमुखकी प्रत्यासी रामकुमारी कामत , गफुर नदाफ , कमलदेव यादव , मथुरा चौधरी , शिव कुमार मंडल सहितका सयौंको संख्यामा स्थानीयहरुको सहभागिता रहेको थियो ।