किशोर कुमार मंडल बैशाख ८ साना किसान सहकारी संस्थाबाट प्रशिक्षार्थीमा आवेदन दिएका ८ जना मध्ये ३ जना ईजरायल जानको लागि छनोट गरिएको छ । धनुषाको बिदेह नगरपालिका वडा नं. ६ गिद्धा स्थित सो संस्थामा आवेदन दिएकाहरुलाई गोलाप्रथाबाट छनोट गरिएको हो । छनोट हुनेहरुमा मनोज कुमार साफी , सुरेन्द्र कुमार र सुरेन्द्र कुमार मंडल छनोट भएको संस्थाका शाखा प्रबन्धक हरिशचन्द्र पंडितले जानकारी दिएका छन ।

राजन कुमार सिंह बैशाख ८ ऐतिहासिक तथा धार्मिक नगरी जनकपुरधाममा सार्वजनिक जग्गा अतिक्रमण गर्ने क्रम बढ्दो छ । सार्वजनिक जग्गा अतिक्रमण गर्नेमा उच्च राजनीतिक नेतृत्वदेखि सरकारका उच्चपदस्थ अधिकारीसम्म संलग्न रहेको पाइएको छ । विभिन्न ठाउँका मठ–मन्दिर , पोखरी र गुठीका जग्गा सबैभन्दा बढी अतिक्रमणमा परेका छन् । भूमाफियाले सरकारी कर्मचारी र राजनीतिक दलका नेताको आडमा सार्वजनिक जग्गालाई निजी बनाएर बेचबिखन गर्ने गरेको समाचार पनि पटक–पटक प्रकाशित भइरहेका छन् । तर पनि सरकारले सार्वजनिक जग्गाको अतिक्रमण रोक्न र भएका जग्गाको संरक्षण गर्न प्रभावकारी कदम चाल्न सकेको छैन ।

जनकपुरधाम उपमहानगरपालिका वडा नं. ११ स्थित मनोकामना सिद्ध हनुमान मन्दिरको साढे एघार बिग्हा जग्गा अतिक्रमण भएको छ । विभिन्न व्यतिmहरुले मन्दिरलाई दान गरेका जग्गा किर्ते कागज बनाई अतिक्रमण गरिएको मन्दिर व्यवस्थापन समितिका अध्यक्ष सीयाराम साहले बताएका छन । मन्दिर व्यवस्थापन एवम मन्दिरको आयको लागि दाताहरुले प्रदान गरेको उतm जग्गा अतिक्रमण भएपछि मन्दिर संचालन व्यवस्थापनमा समस्या उत्पन्न भएको पत्रकार सम्मेलनमा जनाईएको छ । मन्दिरका जग्गाहरु भुमि सुधार कार्यालयले किर्ते कागजको आधारमा मोही कायम गरि व्यतिmको नाम गएको पाईन्छ । कतिपय जग्गाहरु नापी शाखा धनुषाको फिल्डबुकको जोताहा महलमा कैफियतहरुमा व्यतिmहरुको नाम समावेश गरिएको छ र सो सोको आधारमा श्रेस्ता कायम भएको छ । बिगतम मन्दिर छुट गुठीबाट संचालन हुंदै आएको हो । सोको संचालन तत्कालीन अंचलाधिश कार्यालय जलेश्वरको २०४४ साल चैत २२ गते च.नं. ९२ को पत्रानुसार संचालन हुंदै आएको थियो । ठुलो रकमको चलखेल गरि भगवानको भोग रागको लागि दिएको जग्गा व्यतिmको नाउंमा गएपछि मन्दिर व्यवस्थापनमा ठुलो समस्या उत्पन्न भएको हो । जग्गाधनी श्रेस्तामा हनुमानजी हुंदा हुंदै किर्ते मोहीको आधारमा भुमाफियाहरुले जग्गाहरु हडपेका छन । हनुमानजीको हडपेका जग्गाहरुलाई खोजबिन गर्न , अतिक्रमणबाट जोगाउन र सत्य तथ्य छानबिन गर्न समेत मांग गरिएको छ ।

लहान, ८ बैशाख । लहान ९ स्थित बलान खोलाको छेउमा शनिवार एक पुरुषको शव फेला परेको छ । मृतकको घाँटी र टाउँकोमा गहिरो धारिलो हतियारले प्रहार गरिएको लहान प्रहरीले जनाएको छ । मृत्तकका पत्नि माया लामाका अनुसार विहीवार साँझ ७ बजेतीर घरबाट निस्किएका मेरा पति रत्नबहादुर लामासँग एक जना मानिस रहेका थिए । दुवै जना बलानतीर गएका थिए । उताबाट भोली शुक्रवारसम्म घर नफर्किदा खोजखबर गर्न लाग्दा शनिवार मात्रै मृत्त अवस्थामा बलान खोलाको छेउमा फेला परेको बताउँछीन । खोजखबर गर्नेक्रममा स्थानीयवासीले ईलाका प्रहरी कार्यालय लहानलाई खबर गरेपछि सो शवलाई अनुसन्धानको लागि कुकुर समेत प्रयोग गरिएको छ । शव हिजै फेला परेपनि आईतवार पोष्टमार्टमको लागि लहान अस्पताल लगिएको छ । मृत्तक परिवारका अनुसार मेरो घरमा तीन दिनदेखि एक जना मानिस मृत्तक लामासँग बस्दै आएको थियो । उनीसँगै बलानतीर लागुऔषध गाँजा रहेको भन्दै उनीहरु उतातीर पुगेका थिए । मृत्तक लामा लगभग ६० बर्षकोे हो भने उनीसँग रहेका साथी ५५ बर्ष थिए । तीन दिनसम्म मृत्तक लामासँगै बसेका उनका ५५ बर्षीय साथीको नाम ठेगाना उनका घरपरिवारलाई जानकारी नरहेको बताउँछन् । लहान प्रहरीले यो हत्या हो की आत्म हत्या यसवारे व्यापक अनुसन्धान थालिएको छ । चाडैं परिणाम बाहिर आउँने ईलाका प्रहरी कार्यालय लहानका इन्स्पेक्टर विजय यादवले दावी गरेको छ ।