किशोर कुमार मंडल बैशाख ७ गते जनकपुरधाम उपमहानगरपालिकामा विभिन्न वार्डका युवाहरूको सक्रियतामा "युथ एक्सन फोर्स" नामक संजाल गठन गरिएको छ । उक्त संगठनको प्रमुखमा सर्वसहमतिले युवा नेता प्रशान्त झा चयन भएको छ । जनकपुरधाम उद्योग बाणिज्य संघमा आयोजित कार्यक्रममा प्रमुख अतिथि सामाजिक अभियान्ता तथा उद्योग बाणिज्य संघका महासचिव जितेन्द्र महासेठको उपस्तिथिमा संगठनका पदाधिकारीले महासेठको हातबाट फुलमाला लगाए पद ग्रहण गरेका थिए । संगठनमा २१ सदस्य समिति चयन गरिएको छ । उपाध्यक्षमा मनिष मंडल,पंकज साह,कोषाध्यक्षमा दिपक यादव,महासचिवमा अमित साह, सचिवमा निरज गुप्ता, सदस्यमा सरोज साह, धनन्जय यादव,किसन साह,राजु मंडल,देव मंडल,सुस्वेट लाभ,उदय यादव र गौरभ सिंह चयन भएको छ भने संगठनको सल्लाहकारमा धर्मेन्द्र यादव (धिरु) राज कमल सिंह, उपेन्द्र साह, अरुण यादव,अभिजित सिंह,अजित मंडल छनोट भएको छ ।

सो संगठनको बारेमा छोटो प्रतिक्रिया दिदै संगठनका प्रमुख झाले भने " अहिले देशमा,नगरमा, वडामा जताततै भ्रष्टाचार,मौलाएको छ, विकृति बढेको छ,पीडितले न्याय नपाएर थप पीडा खेप्नुपरेको छ यस्तो अवस्थामा अब हामी युवाले पार्टी भन्दा माथी उठेर पीडितको पक्षमा र अन्यायको विरुद्धमा सम्बन्धि निकायमा दबाब सिर्जना गर्न एक जुट हुनुपर्ने दिन आएको छ त्यसै अनुरुप आज हामी उर्जाशिल,जोशीला र क्षमतावान युवाहरूलाई एकीकृत गरि एउटा युथ एक्सन फोर्स संगठन निर्माण गरेका छौ" । यस संगठनको हरेक गतिविधि समाजिक हितमा समर्पित हुनेछ ।

किशोर कुमार मंडल बैशाख ७ गते महोतरीको औरही नगरपालिकामा शनिवार निःशुल्क पशु स्वास्थय शिविर सम्पन्न भएको छ । शिविरमा Nepal veterinary association प्रदेश न . २ र Bajrang veterinary & agricultural research center को आयोजनामा ५०० भन्दा बढी पशुपालक किसानहरु लाभान्वित भएका छन भने ८०० भन्दा बढी पशुहरुमा निःशुलक औषधि तथा खोरेत र PPR विरुद्धको खोपहरु लगाईएको छ । शिबिरमा Nepal Veterinary Association प्रदेश न=२ का अध्यक्ष डा.जय प्रकाश यादव , क्षेत्रीय पशु रोग अन्वेषण प्रयोगशाला जनकपुर , Veterinary अस्पताल तथा पशुसेवा बिज्ञ केन्द्र जनकपुर तथा औरही नगरपालिकाले सहयोग गरेका थिए । शिबिरमा Nepal Veterinary Association प्रदेश न.२ का सदस्य डा.सुमन कुमार सिंहको अगुवाई का साथै Bajrang Veterinary agricultural center का पशु चिकित्सक डा.पवन कुमार झा , डा.दिपेन्द्र पन्डित , डा.रोशन राजन शाह , डा.उदय साहका साथै सौरभ कुमार सिंह,प्रफुल्ल झा,कृष्ण साफीको उपस्थिति रहेको थियो ।

बैशाख ७ गते नेपाली कांग्रेसका उपसभापति बिमलेन्द्र निधीले वर्तमान सरकार अधिनायकवादतर्फ उन्मुख भएको बताएका छन् । उनले ओली सरकारले लोकतन्त्र र संघीयता समाप्त पार्न खोजेको आरोप लगाउंदै जनताको हितमा सरकार केही गर्न नसकेको आरोप लगाए । धनुषाको नगराईन नगरपालिका वडा नं. ५ गंगुलीमा पार्टी प्रवेश कार्यक्रमलाई सम्बोधन गर्दै नेता नीधिले ओली सरकार लोकतन्त्र विरोधी , किसान विरोधी , संचार विरोधी , मजदुर विरोधी , अधिनायकवादी , सर्वसत्तावादी र लोकतन्त्रको मुल्य मान्यता विरोधी रहेको आरोप लगाए । निधिले संविधान, बिधी, पद्धति र नियम कानुन उलंघन गरेर सरकार अधिनायकवादतर्फ जान खोजेको बताए । उनले सरकारले प्रतिपक्षी दलका नेतालाई भूमिकाविहिन बनाएको भन्दै असन्तुष्टी जनाए । केन्द्र सरकार र प्रदेश सरकार दुबै मधेशी जनताको हितमा केही गर्न नसकेको बताउंदै उनले अबको निर्वाचनमा कांग्रेसलाई बहुमत दिएर अधिकार सुनिश्चित गराउन आग्रह गरे । उनले ओली सरकारले लोकतन्त्र र संघीयता समाप्त पार्न खोजेको आरोप लगाउंदै जनताको हितमा सरकार केही गर्न नसकेको बताए ।

नेपाली कांग्रेस धनुषा क्षेत्र नं. ३ का क्षेत्रिय सभापति कन्हैयालाल कर्णको अध्यक्षतामा भएको सो पार्टी प्रवेश कार्यक्रममा नेपाली कांग्रेस धनुषा सभापति महेशशंकर गिरी , प्रतिनीधि सभासदस्य मिनाक्षी झा , प्रदेश नं. २ का सभा सदस्य शिवचन्द्र चौधरी , प्रमिला दास , नेपाली कांग्रेसका नेता गणेश तिवारी , नेपाली कांग्रेस धनुषा उपसभापति संतोष यादव , सचिव विशेश्वर यादव , युवा नेता प्रफुल्लराज घिमिरे , प्रवेश चौधरी , नगराईन नगरपालिकाका नगरप्रमुख परमेश्वर यादव , जनकपुरधाम नगरसभापति मनोज साह , महिला संघकी केन्द्रिय सदस्य निलम कर्ण , तरुण दल अध्यक्ष संजयलाभ कर्ण , नेपाल प्रेस युनियन धनुषा अध्यक्ष राजन कुमार सिंह , महिला नेतृ मिनु झा सहितका नेता कार्यकर्ताहरुको उपस्थिति रहेको थियो । कार्यक्रममा नेकपा , राजपा , फोरम सहितका पार्टी परित्याग गरि सयौंको संख्यामा नेपाली कांग्रेसमा प्रवेश गरेका छन । नवप्रवेशीहरुलाई नेपाली कांग्रेसका उपसभापति बिमलेन्द्र निधीले अबिर माला लगाएर स्वागत गरेका थिए ।

नवसंग्राम दैनिक लहान, ६ बैशाख । भन्सार छली गरी ल्याउँदै गरेको लाखौको मोवाईलसहित एक जनालाई आज सशस्त्र प्रहरीले नियन्त्रणमा लिएको छ । भारतमा निर्वाचन र पत्रकारहरुले मिशन बोर्डर चलाएको कारण सिमाक्षेत्रमा अवैद्य कारोबार केही समय तस्करीमा ह्रास आएपनि भन्सारको आँखामा छारो हालेर राजस्व छलीले निरन्तन्ता पाइरहेको छ ।

यसैक्रममा गोलबजारको चोहर्वा वस्ने प्रविन परियारले साढे तीन लाखको मोबाइल भन्सार छली गरेर ल्याउँदै गरेको अवस्थामा सशस्त्र प्रहरीका डिआईजी प्रविन श्रेष्ठको टोलीले धनगढीमाईको सोनापुर नजिकबाट आज बरामद गरिएको छ । परियारले राजु इन्टरप्राइजेजको पान नम्बर ३०१७३३४९० मा मूल्य नतोकिएको ८५ थान मोवाईलको बील बनाएर नक्कली कारोबारमा मोवाईल लैजादै गरिएको सरोकारवाला निकायको दावी छ ।

बरामद गरिएको मालसमान र परियारलाई रिहा गर्न साँसद र प्रदेश २ का एक राज्यमन्त्रीको दवाव आइरहेको प्रहरी स्रोतको दावी छ । केही समयता सिरहाको दक्षिण सिमावर्ती क्षेत्रमा भारतबाट कपडा, इलेक्ट्रोनिक, किराना मालसमान भन्सार छली गरी नेपाल भित्रिने गरेको छ भने नेपालबाट तेस्रो मुलुका मरिच, स्याउ, सुपारी, मदिरा चोरीलुकी सिमावर्ती प्रहरीको मिलोमतोमा निकासी भइरहेको छ । लहानका केही ठूला व्यापारी यत्तिबेला सप्तरीको सिमाक्षेत्रबाट अवैद्य मालसमान भारत निकासी गरिरहेको खुलासा भएको छ ।