बैशाख ४ गते धनुषाको लक्ष्मीनिया गाउंपालिका वडा नं. २ सिनुरजोडास्थित लालिगुराँस ई.बो.स्कुलले आफनो वार्षिकोत्सवको अवसरमा नेपाल प्रेस युनियन धनुषाका अध्यक्ष पत्रकार राजन कुमार सिंह र हास्यकलाकार रीना यादवलाई सम्मानित गर्ने भएको छ । विद्यालयले आफनो पाचौं वार्षिकोत्सव अवसरमा सिंह र यादवलाई सम्मानित गर्ने भएको छ । विद्यालयले प्रत्येक वर्ष आफनो वार्षिकोत्सवको अवसरमा पत्रकारिता क्षेत्रका एक जना र कलाकार एक जनालाई सम्मानित गर्ने गरेको हो । सरसफाई अभियन्ता प्रदेश सभासद रामअशिष यादवको प्रमुख आतिथ्यमा हुने सो कार्यक्रममा अशोक दत्त, नवल किशोर यादव लगायतको उपस्थिति रहने विद्यालयले जनाएको छ । यस अघि क्रमशः पत्रकार हदिस खुद्यार, हास्यकलाकार रामनारायन ठाकुर , पत्रकार गायत्री मिश्रा, हास्य कलाकार वि.एन. पटेललाई सम्मानित गरिएको थियो । बिहीवार हुने सो कार्यक्रममा चर्चित कलाकारहरुद्धारा सांस्कृतिक कार्यक्रमको समेत आयोजना गरिएको हो ।

बैशाख ४ गते जनकपुरधाम उपमहानगरपालिका वडा नं. ४ मा बुधवारदेखि १० दिने मिथिला पेन्टिंग तालिम शुरु भएको छ । स्थानीय विकास प्रतिष्ठानको आयोजना र जिल्ला पुर्वाधार विकास कार्यालय धनुषाको सहयोगमा १० दिने मिथिला पेन्टिंग तालिम शुरु भएको हो । तालिममा स्थानीय महिलाहरुको सहभागिता रहेको छ । सहभागीहरुलाई १० दिनसम्म मिथिला पेन्टिंग सिकाईने प्रतिष्ठानले जनाएको छ । स्थानीय विकास प्रतिष्ठानका अध्यक्ष मिनु झाको अध्यक्षतामा भएको तालिम उदघाटन कार्यक्रममा समाजसेवी रघुनाथ दासको प्रमुख आतिथ्य रहेको थियो । कार्यक्रममा महिला नेतृ निलम कर्ण , अनिता श्रीवास्तव , रिकुं शाह , नेपाल प्रेस युनियन धनुषा अध्यक्ष राजन कुमार सिंह , सदस्य किशोर मंडल , पूर्वाधार विकास कार्यालयका विरेन्द्र प्रसाद साह सहितका व्यतिmहरुको उपस्थिति रहेको थियो । महिलाहरुलाई आत्म निर्भर बनाउने उद्देश्यले तालिमको आयोजना गरिएको अध्यक्ष झाले जानकारी दिएका छन ।