किशोर कुमार मंडल चैत , २ १५ दिन मिथिला मध्यमा परिक्रमाक डोला शनिवार सबैला नगरपालिकाको सतोषर पुगेको छ । परिक्रमामा सहभागीहरुलाई सबैला नगरपालिकाका नगर प्रमुख विजय शंकर साहले भव्य स्वागत गरेको छ । साहले परिक्रममा सहभागीहरुको सुविधालाई ध्यानमा राखी बास , शौच र प्राथमिक उपचारको समेत व्यवस्था मिलाईएको जनाएको छ । धनुषाको कचुरी मठबाट सुरु भएको परिक्रमा हनुमानगढी हुदै भारतक कल्याणेश्वर, गिरिजास्थान, मठिहानी, महोत्तरीको जलेश्वर, मडई, ध्रुवकुण्ड, कञ्चनवन धनुषाक पर्वता, धनुषाधाम, सतोषर, औरही र विसौल परिक्रमा डोला पुग्ने गरेको छ । अन्तिम दिन जनकपुरधाम पुगी अन्तगृह परिक्रमा गर्दै परिक्रमा सम्पन्न हुने गरेको छ । शताब्दीयौँदेखि पवित्र भूमि जनकपुरको श्रद्धापूर्वक परिक्रमा गर्ने चलनअनुरुप मध्यमा परिक्रमाको परिकल्पना गरिएको हो । यस अघि पाँच दिने परिक्रमाअन्तर्गत कल्याणेश्वर, गिरिजास्थान, क्षिरेश्वर, धनुषाधाम र फेरि कल्याणेश्वर पुगी अन्त्य हुने गरेकामा १५ दिने परिक्रमाअन्तर्गतसञ्चालन गर्ने परम्परा रहेको छ । सो डोलामा राम र सीताका मूर्ति सजाएर राखिएको हुन्छ जसले सम्पूर्ण परिक्रमा पथको नेतृत्व गर्दछ । परिक्रमामा सहभागी भएमा दुःख कष्टबाट मुक्ति हुने विश्वास रहेका कारण परिक्रमामा लाखौँ श्रद्धालुको सहभागिता रहने गरेको छ ।

राजन सिंह  चैत , २ जनकपुरधामको साउथ प्वाईन्ट ई.बो.स्कुलले एक भव्य समारोहका बिच शनिवार कक्षा १० का विद्यार्थीहरुको विदाई गरेको छ । विद्यालयका प्रिन्सिपल अजय कुमार साहको अध्यक्षतामा भएको सो विदाई कार्यक्रममा सहभागीहरुले एस.ई.ई.परिक्षा नजिक आईसकेको भन्दै परिक्षाको तयारीमा जुटन आग्रह गरेका छन । सहभागीहरुले विद्यार्थीहरु लगनका साथ पढनुपर्नेमा जोड दिएका थिए । तराई मधेशको शिक्षाको अवस्था खस्किदै गईरहेको समय विद्यालयले समेत यस क्षेत्रकै उत्कृष्ट विद्यालय बनाउनतर्फ लाग्नतर्फ विद्यालय व्यवस्थापनको ध्यानाकृष्ट गराएका छन । कार्यक्रममा विद्यालयका शिक्षक वैध आचार्य , जोगिन्द्र मंडल , बरुण झा , बबी कर्ण , मन्जु पासवान लगायत विद्यालयका कर्मचारी , अभिभावक , विद्यार्थीहरुको सहभागिता रहेको थियो ।