रामसेवक महराम लहान, ८ फागुन । सिरहालाई आँप उत्पादनको जोन बनाउँने अवधारणा आएको छ । यसैलाई आत्मसात् गरी आँप खेती स्थापना तथा व्यवस्थापन विषयक ३ दिने तालिम सम्पन्न भएको छ । कृषि विकास शाखा लहानको आयोजनामा आँप खेती सम्बन्धि तालिम आज सम्पन्न भएको छ । यो कार्यक्रम अवधिकमा हाम्रो सहभागिहरुले चाहे बमोजिमको आशा र चाहान अनुसारको आँपको खेती प्रविधि सम्बन्धि राम्रो ज्ञान तथा तरिका सिकेर गाउँमा भएका कृषकहरुलाई पनि यसलाई ज्ञानको रुपमा प्रचार प्रसार गर्नुहुन्छ भनि कृषि विकास शाखा लहानको प्राविधिक आशोक कुमार पासमानले बताउँछन् ।

कार्यक्रमको अवधिमा ९ जना महिला र १६ जना पुरुष सहित जम्मा २५ जनाको सहभागि तालिम रहेको छ । कृषक रामसुन्दर यादवले हामी आफनो खेतवारीमा आँप खेत परम्परागत रुपमा गर्दै आएको थियो । अब हामीले यो तालिम प्राप्त गरिसकेपछि आँप खेती ६ मिटरको दुरी छोडेर आफनो खेत बारीमा बोट विरुवा रोप्नु पर्ने बताएका छन् । पहिले पनि आँप खेती गरिन्थ्यो तर समस्या समाधान सहित कहिल्य पनि यो खेती गरेको थिएन । अब हामी भविष्यमा वादविवाद नहुने गरी आँप खेती निरन्तर रुपमा गर्छौ तालिमका सभाध्यक्षता गरिरहनु भएका लहान नगरपालिकाको कृषि संयोजक प्रदिप चौधरी बताउँछन् । उनी अगाडि थपे–लहान नगरपालिका लहान आँप खेतीको पहिचान बोकेको छ । हाम्रो यो शान कृषकहरुको मेहनत र कडा परिश्रम फलबाट प्राप्त भएको छ । आँप खेतीलाई व्यवस्थापन गर्ने घरेलु उपचार लगायत यो नगरपालिका आँपको पकेट क्षेत्र रहेको छ । प्रशिक्षिक तथा कार्यालय प्रमुख प्रकास साहले हाम्रो लहान नगरपालिकाको लहान आँप पकेट क्षेत्रमा भई सकेपछि हामीले नियमित रुपमा कृषकहरुलाई आँप खेती बारेमा प्राविधिक कुराहरु र आँपमा लाग्ने मधुवा रोग लगायत अरु रोगहरुलाई नियन्त्रण गर्ने उपायहरुको बारेमा प्रभावकारी प्रशिक्षण गर्नु भएको थियो ।कृषि विकास शाखाबाट ७५% अनुदानमा तरकारीको वीउ तरकारी बाली,फलफुल लगायत अन्य मानव उपयोगी बालीहरुकमा घरेलु विषादी स्प्रे गर्नको लागि लहान नगरपालिकाबाट १०० वटा अनुदानमा १६ लिटरको टयाँकी वितरण भएको छ ।

लहान नगरपालिका मयेर मुनी साहले हाम्रो लहान समृद्ध लहान नारा भनेको लहानको कृषकहरु समृद्ध हुनु हो । यो तालिम दैनिक उत्थानको लागि संचालन गरेको छ । समय समयमा आँप खेतीमा अनुदानको पनि व्यवस्थापान मिलाएका छौँ । पहिले लहानको आँप काठामाण्डौँ शहरमा बोलेर पनि लहानको आँपको विक्री भएको थियो । लहानको चुरा,धान,चमाल बँगलादेश सम्म विक्री हुने गरेको थियो । यो कामहरुले गर्दा लहानको नाम चम्किएको थियो । हाल लहानमा उत्पादन भएको आँपको व्यवस्थापनको लागि शित भण्डारण हामीले स्थापना गर्ने लक्ष्य अनुसार योजना बनाएका र्छौ । आँप खेती नगदे बाली हो । लहान नगरपालिकाबाट प्राप्त भएका तालिमहरु विषयगत रुपमा खेती गर्ने क्षेत्रमा कृषकहरुले काम गर्नुपर्छ । हामीले लहानलाई आँप खेतीको सुपर जोनमा परिणत गर्न नेपाल सरकारसंग अनुरोध गरेको छौँ । आँप खेतीमा लहानको नाम कमाउने हाम्रो साझा लक्ष्य रहेको छ ।

आकोल यादव लहान, ७ फागुन । मिशन बोर्डर अन्तरगत सिरहाका केही पत्रकारहरुले सिमाक्षेत्रमा भइरहेको अवैद्य मालसमान तस्करी विरुद्ध समाचार लेखेपछि लक्ष्मीपुरपतारीका प्रमुख रामबल्भ साह आक्रोशित भएका छन् । प्रमुख साहका सम्बन्धित कौशललगायतले गर्दै आएको राजनिवास, रजनीगन्धा, मरिच तथा विभिन्न किराना मालसमान अवैद्य रुपमा भारत निकासी पैठारी गरिरहेको समाचार मिडियामा आएपछि सिमाक्षेत्रमा प्रहरीले कडा निगरानी बढाएको छ । सोही समाचार लिएर आज लक्ष्मीपतारी गाउँपालिकाको कार्यालयमा एक पत्रकारलाई प्रमुख साहले आक्रोशित हुँदै भने 'तिमीहरुको काम राम्रो होइन् ।' ' समाचार लेखेर बोर्डरमा कडाई गर्नु तिमीहरुले के गर्न खोजिएको हो ? यो ठिक होइन् । पत्रकार र प्रमुखबीच एक छिन तनाव नै भएको थियो । सिमाक्षेत्रको समाचार लगातार आएपछि यत्तिबेला जिल्ला प्रहरी कार्यालय सिरहाले कचनारी , झाझपटी , जानकीनगर रेखदेख गर्न प्रहरी प्रकाश खडकालाई जिम्मा दिएको छ । त्यसक्षेत्रमा प्रहरी निगरानी कडाई गरेपछि दूई दिनदेखि तस्करहरुले पत्रकारहरुलाई धम्की दिन थालेको छ । पत्रकार प्रदीप सिँहलाई मंगलवार विहान साढे ९ बजेतीर देवनगरका आन्नद यादवले ज्यान मार्ने धम्की दिएको छ । पत्रकारलाई यसरी ज्यान मार्ने धम्की दिने यादवलाई कारवाही गर्न नेपाल पत्रकार महासँघ सिरहाले जोडदार माग गरेको छ । यसवारे ईलाका प्रहरी कार्यालय लहानका डिएसपी राजेश थापाले यस्ता गुण्डागर्दी गर्ने जोसुकैलाई कारवाहीको दायरामा ल्याउँने बताउँनुभयो । सिमाक्षेत्रमा मरिच, मटर, किरानाका मालसमान, गिट्टी बालुवा, खैनीजन्य पदार्थ, कपडा, तेल, रक्सीलगायतका मालसमान अवैद्य रुपमा निकासी पैठारी हुँदै आएको छ । यता, समाचार आएपछि सिमाक्षेत्रमा खटिएका थप प्रहरीले भन्सार छलीका समान बरामद गरिएको छ । ईलाका प्रहरी विष्णुपुरका टोलीले चेक जाँच गर्ने क्रममा अबैध रुपमा भारतबाट भन्सार छलि गरी नेपालतर्फ ल्याउँदै गरेको १ लाख बराबरको किरानाको मालसमान बरामद गरिएको छ । बरामद गरिएको मालसमान भन्सार कार्यालय सिरहा माडरमा बुझाउँने जिल्ला प्रहरी कार्यालय सिरहाले जनाएको छ । सिरहाका केही पत्रकारले यत्तिबेला मिशन बोर्डर नाम दिएर तीन दिनदेखि नियमित समाचार लेख्दै आएको छ ।