राजन कुमार सिंह फाल्गुन २ कुष्ठरोगको बिषयमा अहिलेसम्म पाठ्यक्रममा समावेश नभएका कारण गाउँ समाजमा अझै पनि कुष्ठरोगलाई पूर्वजन्मको पापको रुपमा लिने गरिएको एक कार्यक्रममा सहभागीहरुले बताएका छन । धनुषाको मिथिला नगरपालिका लालगढमा बिहीवार कुष्ठरोग प्रभावितको क्षेत्रमा काम गर्दै आएको एसोसिएसन फर आइडिया नेपालले आयोजना गरेको प्रदेश भेलामा सहभागीहरुले २१ औ शताव्दीमा पनि कुष्ठरोगीलाई घर निकालासम्मको व्यवहार हुनु दुखद भएको वताए । सहभागीहरुले यो बिषय पाठ्यक्रममा समावेश गर्न पाठ्यक्रम विकास केन्द्रलाई आग्रह गरे । अरु रोग जस्तै कुष्ठरोग पनि सामान्य रोग हो भन्ने जनचेतना जगाउंदै कुष्ठरोग जो कोहीलाई पनि हुन सक्ने भन्दै कुष्ठरोगी हेला नगर्न आग्रह गरिएको छ । अहिलेसम्मको पाठ्यक्रममा सर्ने र नसर्ने रोगको बिषय मात्रै राखिएको र अब कक्षा ११ र १२ को पाठ्यक्रममा यो बिषय समावेश हुनुपर्ने मांग सहभागीहरुले गरेका छन । नेपालमा कुष्ठरोग प्रभावितको संख्या २ लाख पुगेको छ । सबै भन्दा बढी कुष्ठरोगी धनुषामा रहेका छन् । यस्तै बाँके, बर्दिया, पर्सा, झापा, नवलपरासी, बारा लगायतका १८ वटा जिल्लामा कुष्ठरोग धेरै भएका जिल्लामा पर्दछन् ।

एसोसिएसन फर आइडिया नेपालका केन्द्रिय कोषाध्यक्ष एवम प्रदेश नं. २ का संयोजक महेन्द्र प्रसाद महतोको अध्यक्षतामा भएको सो कार्यक्रममा मिथिला नगरपालिकाका उप मेयर तारा बस्नेत लामा प्रमुख अतिथि रहेका थिए । कार्यक्रममा लालगढ अस्पतालका मेडिकल कोडिनेटर डा.कृष्ण लामा , राष्ट्रिय नीजि तथा आवासीय विद्यालय एशोसिएसन नेपालका केन्द्रिय वरिष्ठ सल्लाहकार एवम मेरीलैण्ड ई स्कुल लहानका फाउण्डर प्रिन्सिपल पाण्डव हमाल , समाजिक विकास मन्त्रालयका जयबिर यादव , प्रदेश नं. २ स्वास्थ्य निर्देश्नायका राजेश ठाकुर , नेपाल पत्रकार महासंघ प्रदेश नं. २ का महासचिव किरण कर्ण , नेपाल प्रेस युनियन धनुषा अध्यक्ष राजन कुमार सिंह , राष्ट्रिय नीजि तथा आवासीय विद्यालय एशोसिएसन नेपाल धनुषाका अध्यक्ष चन्द्र नारायण मंडल , राष्ट्रिय नीजि तथा आवासीय विद्यालय एशोसिएसन नेपालका धनुषा उपाध्यक्ष आशिष झा , राष्ट्रिय नीजि तथा आवासीय विद्यालय एशोसिएसन नेपालका धनुषा सह सचिव दिपेन्द्र चौधरी सहितका व्यतिmहरुको सहभागिता रहेको थियो ।

किशोर कुमार मंडल सबैला नगरपालिका वडा नं. ९ भठियनमा भईरहेको सडक विस्तारमा भेदभाव गरिएको स्थानीयहरुले आरोप लगाएका छन । स्थानीयहरुले पहिला २३ फिट रहेको सडक ३३ फिट गरिएको राम्रो रहेपनि सबै स्थानमा एक किसिमको नरहेको आरोप लगाएका छन । सडकको दुईटै छेउमा समान हिसाबले सडक फराकिलो गर्नुपर्नेमा काखा पाखा गरिएको स्थानीय सत्रुघन प्रसाद साहको आरोप छ । साहले नगर प्रमुखले आफनो नातेदार पर्नेहरुको घर बचाउन एकातर्फ कम र एकातर्फ बढि सडक फराकिलो बनाएको साहले गुनासो पोखेका छन । उनले नगरपालिकाको यस्तो रबैयाप्रति स्थानीयहरु आन्दोलन गर्न बाध्य हुने बताएका छन । यता सोही वडाका वडाध्यक्ष सुशिल कुमार रायले सडक फराकिलो र निर्माणमा कुनै किसिमको भेदभाव नगरिएको बताएका छन ।

राजन कुमार सिंह फाल्गुन २ विदेशी संस्कृतिको प्रभावमा युवाहरु लिप्त भईरहेको समय राधाकृष्ण योग सेवा केन्द्रले आदर्श आमा बुबाको दिव्य पूजन समारोहको आयोजना गरी आमा बुबालाई पुजा गरी समारोह मनाएको हो । युवाहरुले भ्यालेनटाईन डे अर्थात प्रणय दिवस मनाईरहदा दिव्य पूजन समारोहको आयोजना गरी आमा बुबालाई पुजा गरिएको हो । प्रणय दिवस युवा युवतीले प्रेम गरी मनाउने होईन कि बुबा आमालाई प्रेम र पुजा गरी मनाउनुपर्ने केन्द्रको धारणा छ । कार्यक्रममा प्रदेश नं. २ का प्रदेश प्रमुख रत्नेश्वरलाल कायस्थले आमा बुबाको पुजन गर्ने यस दिवसलाई आदर्श चरित्र निर्माण दिवसका रुपमा ग्रहण गर्नु आवश्यक रहेको बताएका छन । उनले आफुभन्दा ज्येष्ठलाई सम्मान तथा सानालाई आशिर्वाद दिने जस्ता सँस्कारको क्रम बृद्धि हुन सके समाजमा असल चरित्र निर्माण हुने बताएको छ । साथै उनले माता पिताको कहिल्यै पनि चित्त दुखाउन नहुने धारणा राख्दै आमा बुबालाई श्रद्धापुर्वक सम्मान तथा पुजा गर्नुपर्ने बताएका छन । एउटा अर्को प्रसङमा उनले धनुषाका प्रमुख जिल्ला अधिकारी प्रदिपराज कणेलले जिल्लाको सरकारी कार्यालय लगायत बिभिन्न ठाउँमा गएर आफै गरेको अनुगमण कार्य सराहनीय रहेको भन्दै प्रशंसा समेत गरेका छन । कार्यक्रममा अध्यक्षता गरेका योग गुरु बिनय भाईले माता पितालाई अनादर गर्न नहुने भन्दै सम्मा गर्न श्रवणकुमार बाट हामीले पाठ सिक्नुपर्ने बताएका छन । सँसारमा आमाभन्दा ठुलो माया र प्रेम कसैको हुन नसक्ने दावी समेत गरे । त्यसैले आमाको सम्मान तथा पुजा पाठ गर्नुपर्ने धारणा राखे । त्यस्तै, कार्यक्रममा बोल्दै गौ सँरक्षण मञ्चका अध्यक्ष जगदीश महासेठले अहिलेको समयमा भाई भाई, पति पत्नी, आमा छोरा, बुबा छोरा बिचको सम्बन्धहरु पहिलेको जस्तो नरहेकोले संस्कारहरु हराउँदै गईरहेको प्रति चिन्ता व्यक्त गरे । एक अर्को प्रसङमा उनले प्लाष्टिको बढ्दो प्रयोगले मानिसमा क्यान्सरको खतरा बढ्ने भन्दै प्लाष्टिक मुक्त समाजको निर्माण गर्नुपर्ने धारणा राखे । प्लाष्टिक खाएर गाईहरुको जिवन नै खतरामा पर्ने समस्याहरु समेत रहेको बताए । यस्तै, कार्यक्रमा धनुषाका प्रमुख जिल्ला अधिकारी प्रदिपराज कणेलले मधेशमा दहेज, बालबिवाह जस्ता कुसंस्कारहरु बढ्दै गईरहेको प्रति चिन्ता व्यक्त गर्दै यसलाई निर्मुल पार्न आवश्यक रहेको बताए । त्यस्तै , बृद्धाहरुलाई बृद्धा आश्रममा बस्नुपर्ने अवस्थाको अन्त्य गर्नुपर्ने बताए । कार्यक्रममा बृद्धा आश्रमका बृद्धाहरुलाई पुजा तथा सम्मान गरिएको थियो । कार्यक्रममा योग गुरु बिमल पंडित, सामाजिक अभियन्ता भोगेन्द्र लाल कर्ण, तथा साधक साधिकाहरुको उपस्थिति रहेको थियो ।

नवसंग्राम दैनिक लहान, २ फागुन । सिरहाको लक्ष्मीपुर पतारी ६ सितापुरमा खेतीमा पानी जमेर कृषकहरु समस्यामा परेका छन् । बर्षातको समय नभएपनि लहान २२ सिसवनी स्थित रहेको सलहेश फुलवारीबाट निस्किएरको पानी जहदी , धन्छवार, सलौखर, सितापुरलगायत दक्षिणीक्षेत्रको खेती जलमग्न भएको छ । फुलवारीक्षेत्रमा जमिनबाट आफै निस्किने पानीको उचित व्यवस्थापन नभएकोले दक्षिण ग्रामिणक्षेत्रमा रहेको खेतमा लगाएको बाली डुबेको अवस्थामा पुगेको वडा सचिव फेकु यादव बताउँछन् । खेतीमा रोकिएको पानीले नगदेवाली तथा तरकारी खेतीमा क्षति पुगेको छ । पानीको व्यवस्थापन गर्न स्थानीयले गाउँपालिका र वडा कार्यालयलाई पटक पटक भन्न सुन गरेका छन् ।

पानीलाई व्यवस्थापन गर्न बुधवार जनप्रतिनिधि र स्थानीय कृषकवीच छलफल गरिएको छ । तर, यसको ठोस निकास नपाएकोले कृषकहरु आक्रोशित भएका छन् । यो समस्या एक पटकको लागि नभएर पटक पटक हुने गरेकोले स्थानीयतहका जनप्रतिनिधिहरुले ठोस योजना ल्याउँन समय लाग्ने जिकिर गर्छन् । यसलाई व्यवस्थापन गर्नको लागि अन्य खेतीतर्फ डोर्याउँन व्यवस्थित नहरको आवश्यकता रहेको छ । योसँगै अन्य खेतीतर्फ सिँचाई हुने आधार रहेको छ ।

मुख्यमन्त्रीले वितरण गरे ७० बालिकालाई साईकल प्रदेश २ का मुख्यमन्त्री लालबाबु राउतले छोरीलाई शिक्षा दिए मात्रै मधेश र मधेशीको अधिकार सुनिश्चित हुने बताउँनुभयो । आज बलान विहुल गाउँपालिकाका छात्राहरुलाई साईकल उपलब्ध गराउँदै बेटीहरु विना समृद्ध मधेश नबने भएकोले शिक्षातर्फ आक्रर्षित हुनुपर्ने जरुरी रहेको मृख्यमन्त्री राउतले बताउँनुभयो । बलान विहुल गाउँपालिकाका प्रमुख दयानन्द गोइतका सभाध्यक्षतामा भएको सो कार्यक्रममा ७० जना बालिकालाई प्रदेश २ सरकारको तर्फ साईकल उपलब्ध गराएको पत्रकार रासिन्द्र यादवले बताए ।