राम नारायण पंडित, सिरहा, २८ पौष । आन्दोलनरत पक्षर प्रहरीबिच ५ बुँदे सहमतिसंगै झण्डै ४ घण्टादेखि बन्द रहेको पुर्बपश्चिम राजमार्गको मिर्चैया सडकखण्ड संचालनमा आएको छ । ईलाका प्रहरी कार्यालय मिर्चैयामा भएको सर्बपक्षिय छलफलले घटनामा संलग्न नेपाली सेनाका जवान दिपेन्द्र शाही औषधी उपचार निजले स्वयं गर्ने, पक्राउ परेका दिपेश कुमार यादब, मुकेश कुमार यादब र चन्दर कुमार पासमानलाई कुटपिट गर्ने प्रहरीलाई प्रहरी नियमावली बमोजिम कार्बाही हुने, सेना दिपेन्द्र शाहीलाई सैनिक नियमाबली अनुसार कारबाही हुने, अबरुद्ध यातायत सुचारु गर्ने र पक्राउ परेका तिनै जनालाई रिहाई गर्ने सहमति भएको छ । सहमतिसंगै अबरुद्ध राजमार्ग सुचारु भएपछि आवागमन सहज भएको छ । 

प्रहरीले दोषीलाई बचाउँ गर्दै निर्दोषलाई पक्राउ गरेको भन्दै रिहाईको माँग गर्दै स्थानियहरुले आज (शनिवार) पुर्बपश्चिम राजमार्ग अन्तर्गत मिर्चैयाको कटारी चौकमा टायर बलेर सडक अबरुद्ध गरी प्रहरी बिरुद्ध जोडदार नाराबाजी गरेका थिए । राजमार्ग ठप्प हुँदा पुर्वबाट पश्चिम र पश्चिमबाट पुर्ब जाने सैयौं  सबारीसाधान रोकिएका थिए भने यात्रुहरु बिच्चलीमा परेका थिए ।  

मिर्चैया नगरपालिका ७ पानी टंकी नजिकै श्रीनाथ गण चोहर्वाका सेनाहरुले १ जना  किशोरीलाई बलात्कारको प्रयास गरेका छन् । घर नजिकै खेतमा शौैच गर्न गएको बेला शुक्रबार राति करीब ११ बजे किशोरीलाई सेनाका ३ जना जवानले बलात्कारको प्रयास गर्दा किशोरी गुहार लगाएकी थिइन् । आवाज सुनेर स्थानीयहरुले किशोरीलाई उद्धार गरी सेनालाई लखेट्दा ३ जना मध्ये २ जना भाग्न सफल भएका थिए भने एक जनालाई नियन्त्रणमा लिएका थिए । नियन्त्रणमा आएसंगै सेनाका जवान दिपेन्द्र शाहीलाई स्थानियहरुले कुटपिट गरेका थिए । घटना स्थलमा पुगेका ईलाका प्रहरी कार्यालय मिर्चैयाका प्रहरी टोलीले सेनाका जवान शाहीसंगै कुटपिट गर्ने स्थानिय ३ जना युवालाई पक्राउ गरेका थिए ।

 

सेनालाई कुटपिट गरेको आरोपमा स्थानिय दिपेश यादब, मुकेश यादब र चन्दर पासमानलाई प्रहरीले पक्राउ गरेका थिए । दोषीलाई समातेर प्रहरीको जिम्मा लगाएपनि अनाहकमा स्थानिय तिनजना युवालाई प्रहरीले पक्राउ गरी कुटपिट गरेको भन्दै स्थानियहरुले पुर्बपश्चिम राजमार्ग अन्तर्गत मिर्चैयाको कटारी चौकमा आज विहान साढे ११ बजेदेखि साढे ३ बजेसम्म टायर बालेर चक्काजाम गरी  प्रहरी र नेपाली सेना विरुद्ध चर्को नाराबाजी गरेका थिए । सहमतिपछि रिहा भएका तिनै जना युवाहरुले आफुहरुलाई प्रहरीले अनावश्यक रुपमा मानसिक तथा शारिरीक यातना दिएको बताएका छन्.। कुटपिटबाट गम्भिर घाइते भएका सेनाका जवान शाहीलाई उपचारको लागि बाहिर पठाईएको बुझिएको छ । 

छलफलमा सिरहाका प्रमुख जिल्ला अधिकारी रुद्र प्रसाद पंडित, जिल्ला प्रहरी कार्यालय सिरहा प्रवक्ता माधबराज खरेल, ईलाका प्रहरी कार्यालय मिर्चैयाका डिएसपी सुकदेव खनाल, मिर्चैया नगरपालिकाका मेयर श्रबण कुमार यादब, आन्दोलनका अगुवाहरु बडा नं. ६ का बडा अध्यक्ष देबकृष्ण साह, बडा सदस्य दिलिप साह, हरिकिशोर महतो, ध्यानी साह, रुकेश साह लगायतका रहका थिए ।

नवसंग्राम दैनिक लहान २८ पौष । मजदुरलाई काममा लगाउँदा आजै पारिश्रमिक दिनुपर्छ । तर, शिक्षकहरुलाई सात आठ महिनाको तलब नदिएर उनका बालबालिकालाई सडकमा पुर्याउँने अवस्था गरेको नेपाल राष्ट्रिय शिक्षक सँघका सिरहा अध्यक्ष देवकुमार यादव बताउँछन् । अध्यक्ष यादवले स्थानीयतहका अधिकारीहरुले शिक्षकलाई गैरकानुनी सरुवा गर्छन् । र, पशु निरिही सरह शिक्षकहरुलाई पेलिरहेकोले आन्दोलन गर्न बाध्य रहेको बताउँछन् । अध्यक्ष यादवले शिक्षकहरुमा रहेको कमिकजोरीलाई औल्याउँदै विद्यालयमा सुत्ने, हलो जोतेर ढिलो विद्यालय पुग्ने, खैनी मोल्ने, राजनीतिक गर्ने, व्यक्तिगत रिसिवी अन्त्य गर्नुपर्ने भन्दै प्रअहरुले हरहिसाव पारदर्शीलगायतको काम गरेर शिक्षामा गति ल्याउँनुपर्ने जरुरी रहेको बताए ।

भगवानपुर गाउँपालिकाका शिक्षा सँयोजक रामकुमार साहले चाडपर्वमा समेत तलब नदिएर शिक्षकहरु जीवन बाँच्न कठिनाई भोगिरहेको छ । ६ महिनादेखि भगवनापुरका एक जना शिक्षकले तलब नपाएर जनमजदुरीको अवस्थामा पुर्याई दिएको बताउँछन् ।

कात्तिक १६ देखि २० गतेसम्म भगवानपुरको १६ वटै विद्यालयमा तलब पुग्ने भनिएको थियो । त्यसपछि छठ्मा तलब पुग्ने भन्दै पटक पटक आश्वासन दिएपनि हालसम्म शिक्षकहरुले तलब पाएका छैन । बाध्य भएर शिक्षकहरुले पौष २३ गते जिल्ला प्रशासन कार्यालयमा ज्ञापनपत्र बुझाएको छ । रामदुलारी मावि कल्याणपुरका प्रअ लालदेव साह भन्छन् — वडाध्यक्षले विद्यालयको हाजिरी रजिष्टर आफ्नै कार्यालयमा लगेको छ । शिक्षकहरु हाजिरी गर्न वडा कार्यालय जानुपर्ने अवस्था बनाएको छ । वडाध्यक्षले मेयरको निर्देशन समेत नमानेर हाम्रो तलब रोका गरिएको छ । शिक्षक सँगठन सिरहाका उपाध्यक्ष रामकुमार साहले ६ महिनादेखि तलब पाएका छैन । शिक्षक सरुवा तथा तलब व्यावस्था नगरिए अब आन्दोलनको विकल्प नरहेको बताए । शिक्षक सँगठन सिरहाका उपाध्यक्ष करण दासले तलब नपाएकोले शिक्षकहरु तनावमा छन् । हामी आन्दोलनमा गइसकेकोले तलब नपाईकन अब फिर्ता नहुने बताए । लहानमा सिरहा जिल्लाभरी शिक्षकहरु भेला भएर पौष २७ गते पत्रकार सम्मेलन गर्दै उनीहरुले फुटेर होईन, जुटेर शिक्षकको अधिकार लिने भन्दै लक्ष्मीपुर पतारीका प्रअ विनोद सिंह, गोलबजार डगराहाका राजकुमार महतो, लोकतान्त्रिक शिक्षक सँघका मनोज झा, प्रअ प्रमेश्वर राय, प्रअ नारायणप्रसाद साहलगायतले सशक्त आन्दोलन गर्ने बताएका छन् । शिक्षकहरुले शुक्रबार पत्रकार सम्मेलन गरी अपिल पत्र जारी गरेको छ । सो पत्रमा ७ वटा शिक्षक सँघ संगठनले सहमतीसहित हस्ताक्षरीत गरिएको छ । उनीहरुले पौष २९ र ३० गते सिरहाभरीका सामुदायिक विद्यालय बन्द गर्ने । माघ ३ र ४ गते शिक्षा समन्वय कार्यालय सिरहामा तलाबन्दी गर्ने तयारीमा जुटेका छन् ।