राम नारायण पंडित, सिरहा, ०७ पौष । ईलाका प्रहरी कार्यालय मिर्चैयाले गरेको सरपराईज चेकि¨मा दर्जनौ सवारीसाधन कारवाहीमा परेका छन् । खासगरी मोटरसाइकल चालकमा छडापन बढेपछि  चेकि¨मा कडाई गरेर आज (शनिबार) दर्जनौ सबारी साधन नियन्त्रणमा लिएको मिर्चैयाका प्रहरी नायब उपरिक्षक (डिएसपी) सुकदेब खनालले बताए । उनले भने "यहाँ खास गरेर मोटरसाईल चालकमा छाडापन देखिएको छ, मोटरसाइकल चलाउँदा कागजात नबोक्ने, समात्दा लोकल हुँ भन्दै धाक लगाउँने जस्ता क्रियाकलाप बढेकाले चेकजाँचमा कडाई गरेको छु ।" 

चेकजाँचको क्रममा मोटरसाईकल, ट्रयाक्टर, म्याजिक, जिप लगायत ६ दर्जन भन्दा बढी सबारी साधन नियन्त्रणमा लिएको डिएसपी खनालले बताए । जसमा मोटरसाइकल झण्डै ५ दर्जनको हाराहारीमा रहेको छ । पक्राउ परेका सबारी साधनलाई प्रकृति हेरी कारबाही गरिरहेको उनले दाबी गरे ।

दिनहुँ फरक–फरक स्थानमा छड्के चेकजाँच गरी त्यस्ता सबारी साधनलाई नियन्त्रणमा लिई कारबाही गरिरहेको उनले बताए । डिएसपी खनालले ट्राफिक प्रहरी सहित आफै सडकमा चेकजाँचमा खटिएपछि कारबाहीमा पर्ने डरले चालकहरु आफै सर्तक हुन थालेका छन् । मोटरसाइकल चलाउँदा हेलमेट प्रयोग नगर्ने, दुईजना भन्दा बढी सबार भई यात्रा गर्ने, मादक पदार्थ सेबन गरी सबारीसाधन चलाउँने, कागजात नबोक्ने प्रबृति बढ्दै गएकोले आम जनताको सुरक्षा र अपराध नियन्त्रणका विशेष अभियान नै  संचालन गरिएको डिएसपी खनालले दाबी गरे ।  

सबारीसाधन चेकजाँचमा कडाई गरेपछि राजस्वमा समेत बृद्धि भएको छ । 

 

राम नारायण पंडित, सिरहा, ०७ पौष । सिरहाको मिर्चैया नगरपालिका बडा नं. १२ सिक्रौनमा आगलागि हुँदा दश लाख मोलबराबरको क्षति भएको छ । स्थानिय कुलेश्बर यादबले लामखुट्टे भगाउन बालेको आगो सल्किएर गएराति आगलागी हुँदा दश लाख मोलबराबरको क्षति भएको छ । आगलागीमा यादबको २ बटा फुसको घर जलेर पुर्ण रुपमा खरानी भएको छ भने एउटा घरमा आंशिक क्षति भएको ईलाका प्रहरी कार्यालय मिर्चैयाले बताए । 

आगलागिमा परी घरमा रहेको अन्नपात, लताकपडा जलेर नष्ट भएको पिडित यादबले बताए । आगलागीमा दुई बटा भैसी र एउटा गोरु जलेर मरेका छन् ।शुक्रबार राति करीब १० बजेमा आगो लागेपछि बारुण यन्त्रलाई खबर गर्दा पनि नआएको स्थानियहरुले आरोप लगाएका छन् । 

यता, नगरपालिकाका मेयर श्रबण कुमार यादबले खबर पाउँने बितिकै बारुण यन्त्र पठाएपनि आधा बाटोमा जाँदै गर्दा आगो नियन्त्रणमा आएको जानकारी पाएपछि फिर्ता भएको बताए । मेयर यादबले पिडित परिवारलाई तत्काल खाना, लताकपडा र त्रिपालको ब्यबस्था गर्ने बताएका छन् । आगलागीले पिडित परिबार घरबार बिहिनको अबस्थमा पुगेको र पशु चौपाया समेत मरेकोले यस बिषयमा बैठक बसेर निर्णय गर्ने समेत उनले बताए ।