Onlinesiraha-Nepali |
- लुकाईछिपाई लगाईएको पाँच हजार गाँजाको बोट फडानी
- नेपाली कांग्रेस र नेकपा मधेसीको लागि भाडाको घर हो : राज्यमन्त्री मण्डल
- दशैंको मुखमा पनि शिक्षकहरुले तलब नपाउंदा पशुपाति माविमा तालाबन्दी
| लुकाईछिपाई लगाईएको पाँच हजार गाँजाको बोट फडानी Posted: 06 Oct 2018 06:19 AM PDT  राम नारायण पंडित, सिरहा, २० असोज । विभिन्न स्थानमा लुकाईछिपाई लगाईएको अवैध गाँजा खेती फडानी गर्ने कार्यलाई मिर्चैया प्रहरीले निरन्तरता दिएका छन् । विशेष सुराकीको आधारमा ईलाका प्रहरी कार्यालय मिर्चैयाको प्रहरी नायब निरिक्षक रामबिकास साहको कमाण्डमा खटिएको प्रहरीको गस्ति टोलीले मिर्चैया नगरपालिका बडा नं. १ मनहर्वा स्थित बिभिन्न ब्यक्तिले लुकाईछिपाई खेतबारीमा लगाएको करिब ५ कठ्ठाको ५ हजार गाँजाको बोट फडानी गरि आज (शनिबार) नष्ट गरेका छन् ।  गाँजा फडानीका लागी अभियान नै सञ्चालन गरिएकाले विभिन्न ठाउँमा लगाईएका गाँजा खेती नसकिएसम्म फडानी कार्य जारी रहने ईलाका प्रहरी कार्यालय मिर्चेयाका प्रहरी नायब उपरिक्षक (डिएसपी) दिपेन्द्र शाहले बताए ।  गाँजा लागुऔषध भएकाले गाँजा खेति, उत्पादन, खरिद विक्री तथा ओसारपसार गर्नेलाई लागुऔषध नियन्त्रण ऐन अनुसार कारवाही हुने समेत उनले वताएका छन् ।    |
| नेपाली कांग्रेस र नेकपा मधेसीको लागि भाडाको घर हो : राज्यमन्त्री मण्डल Posted: 06 Oct 2018 01:46 AM PDT   |
| दशैंको मुखमा पनि शिक्षकहरुले तलब नपाउंदा पशुपाति माविमा तालाबन्दी Posted: 05 Oct 2018 08:43 PM PDT  नवसंग्राम दैनिक । रेडियो सौगात लहान, १९ असोज । पशुपति उच्च मावि लहानका शिक्षकहरुले लामो समयदेखि तलब नपाएकोले उनीहरु आज विद्यालयमा तालाबन्दी गरेका छन् । दशैको मुखमा समेत तलब नपाएपछि शिक्षकहरु तालाबन्दी गर्न बाध्य भएको शिक्षक रामकुमार साहले बताए । उता, प्राध्यनाध्यापक प्रमेश्वर रायका अनुसार तलबको लागि आवश्यक पर्ने सम्पूर्ण प्रक्रिया तयार पारेर लहान नगरपालिकामा बुझाएपनि तलब निकासा नगरेकोले शिक्षकहरुले तालाबन्दी गरेको हो । यसअघि स्थानीय व्यापारीहरुले स्टल निर्माणको लागि अग्रिम रकम प्रअ रायमार्फत दिएको थियो । प्रअ रायले व्यक्तिगत रुपमा सो रकम चलाएर स्टल निर्माण नगरेकोले एक साता अगाडि स्थानीय व्यापारीहरुले विद्यालयमा तालाबन्दी गरिएको थियो । ६ बर्ष अगावै व्यापारीहरुबाट प्रअ रायले ५० लाख भन्दा बढी रकम उठाइसकेको छ । विद्यालयमा पटक पटक तालाबन्दी हुंदा एक हजार विद्यार्थीको भविष्य त्यस विद्यालयमा अन्धकारमय बन्दै गएको छ । लहान १० की रंजिता मण्डलले राजनीतिकको कारण चार पांच बर्षदेखि त्यस विद्यालयको व्यवस्थापन समिति बन्न सकेको छैन । त्यसमा पनि सधैं विवाद र तालाबन्दीको कारण विद्यार्थीहरुको भविष्य अन्धकारमय बन्दै गएको छ । राजनीतिक क्रियाकलापलाई निष्तेज पारेर यथाशिघ्र स्वतन्त्र मान्छेलाई व्यवस्थापन समितिका अध्यक्ष बनाएर विद्यालयलाई व्यवस्थित गर्नुपर्ने जरुरी छ । दशैंको मुखमा सबै विद्यालयका शिक्षकलाई तलब भत्ता निकासा भइसकेको छ । तर, राजनीतिकको कारण यस विद्यालयमा तलब निकास नहुंदा शिक्षकहरुको हातमु्ख जोर्न कठिनाई भएको छ । यस्तो अवस्थामा विद्यालय र विद्यार्थीको भविष्य कता जाला ? मण्डल बताइन् । विद्यालयले आठ बर्ष अघि निर्माण गरिएको स्टल सस्तो मूल्यमा भाडा लगाएकोले स्थानीयहरु आक्रोशित छन् । निर्माण रहेको १९ वटा सटरबाट प्रति महिना ४ हजारको दरमा विद्यालयलाई दिने भनिएपनि २ हजार रकम एड्भान्समा कटाउंदै आएको छ । लहानको मुख्य बाटोमा रहेको यस्ता सटरको प्रति महिना कम्तिमा ८ देखि १० हजार भाडा हुनुपर्ने हो । लहान नगरपालिकाले विद्यालयको हरहिसाब पार्दशिता नभएको र करिब ढेड करोड रकम हिनामिना गरेकोले तलब रोका गरिएको कथन छ । शिक्षकहरुले आफुहरुले तलब नपाउंञ्जेलसम्म विद्यालयमा तालाबन्दी र पठ्नपाठन नगर्ने भन्दै आन्दोलित छन् ।  |
| You are subscribed to email updates from Onlinesiraha.com. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment