जनकपुरधाम, अषाढ १५ गते । . प्रदेश नं.२को सरकारले मधेश आन्दोलनका शहीद परिवारलाई रोजगारी दिने निर्णय गरेको छ ।
मन्त्री परिषदको विहीवार बसेको बैठकले मधेश आन्दोलनका शहीद परिवारको आर्थिक , समाजिक तथा शैक्षिक तथ्यांक तथा विवरण संकलन गरि क्रमशः रोजगारी दिने निर्णय गरेको हो । शहीद परिवाहरुको तथ्यांक संकलन भएपछि उनिहरुको योग्यता र क्षमताको आधारमा रोजगारी दिने निर्णय गरिएको मुख्यमन्त्री लालबाबु राउतले बताउनु भएको छ ।
सरकारले मधेश आन्दोलनका घाइतेहरुलाई प्रकृति हेरी तीन लाख सम्मको आर्थिक सहयोग उपलब्ध गराउने निर्णय यस अघि नै गरि सकेको छ ।

नरेशचन्द्र बरबरिया ,धनुषा असार १५ गते ।
सहिदनगर नगरपालिकाको छुवाछूत मुक्त अभियान अन्तरगत दुई दिने जनचेतना र सडक नाटक सम्पन्न भएको छ । असार १३ गते यदुकोहा बजारबाट  शुरु भएको नाटक औपचारिक रूपमा  नगरपालिका का मेयर उदय बरबरिया ले उदघाटन  गरेको थियो । २१औ शताब्दीको फेरिदै गरेको सामाजको  स्वरुप लाइ नेपाली सामाजले स्वीकार्नुको साटो पुरानो कुरितिरिवाज लाई अङाल्नु दु:खद रहेको नगरप्रमुख ले औल्याए ।
नव ज्योति युवा कल्बको सहकार्यमा "घुरियाल सामाज" नामक नाटक नगरपालिका को ९वटै वार्डमा एक वार्ड एक इभेन्ट नाटक प्रस्तुत गरेको थियो । नाटकमा रामनारायण ठाकुर , राजेश सक्सेना , मदन ठाकुर , अनिता रानी मन्डल ,गङाकान्त झा , धिरज ठाकुर , रोहित साह , सुनिता पासवान ले अभिनय गरेको थियो ।