नवसंग्राम दैनिक लहान, १ असार । लहानमा खानेपानीको अनियमित सप्लाएभएपछि उपभोक्ताहरु आक्रोशित भएका छन् । खानेपानी संस्थान लहानले करिब एक सत्तादेखि नियमित पानी नदिएपछि उपभोक्ताहरु मारमा परेका छन् । उपभोक्ताहरुको मध्यनजर गर्दै राष्ट्रिय जनता पार्टी लहान नगर कमिटीका अध्यक्ष महमुद आलमका नेतृत्वमा आज खानेपानी नियमित गर्न सयौको संख्यामा उपभोक्ताहरुले कार्यालय घेराउ गरेका छन् । करिब एक घण्टासम्म घेराउ गर्दा खानेपानी संस्थानका प्रमुख विनोद मिश्रले सम्झौतामा आएका छन् । राजपा नगर अध्यक्ष आलम र स्थानीय भद्रभलादमीका ६ जनाको वार्ता टोली र प्रमुख मिश्रबीच नियमित खानेपानीको व्यवस्था गर्न सहमती भएको छ । सहमती अनुरुप चाडपर्वको बेला विहान बेलुका र दिउंसो गरी तीन समय धारामा पानी दिने प्रतिबद्धता गरेको छ । आवश्यकता अनुसार विहान बेलुका दूई दूई घण्टा धारामा पानी उपलब्ध गराउंने प्रमुख मिश्रले प्रतिबद्धता जनाएको छ । लोडसेडिंगमुक्त नेपाल घोषणा गरेपनि केही दिनदेखि लहानमा विजुली पटक पटक काटिने भएकोले उपभोक्ताले आवश्यकता अनुरुप पानी प्रयोग गर्न नपाउंने गरेको छ । विहान बेलुका एक घण्टा धारामा पानी दिने गरेकोले त्यही बेला विजुली काटिएको हुन्छ स्थानीय उपभोक्ता गोपाल गुप्ता बताउंछन् । उनले भने 'एक घण्टामा नगरपालिकाभरीको पाइपमा पानी पुग्न नै लाग्छ । अनि टंकीमा पानी चढ्न नसकेर उपभोक्ताहरु समस्यामा पर्ने गर्छन् ।' गर्मीको सिजनमा पानीको अधिक माग हुने गरेको छ । यसलाई मध्यनजर गर्दै वार्तामा बसेका राजपा नगर अध्यक्ष आलमले भने 'आवश्यकता अनुरुप दूई घण्टा धारामा पानी उपलब्ध गराउंन समेत सहमति भएको छ ।' 'धारामा दुषित आउंने गरेकोले यसप्रति समेत सचेत गराएका छौ ।ं' तीन दिनदेखि लहानमा नियमित धारामा पानी नआएकाले उपभोक्ताहरु नुहाउंन धुउन, पिउंन र सरसफाईबाट बंचित हुंदै आएको थियो । विशुद्ध पानीको लक्ष्य लिएर खानेपानी संस्थानले पानी वितरण गरिरहेको भएपनि कहिलेकाही लेदो र माटो मिसिएको पानी समेत धारामा आउंने गरेकोले उपभोक्ताहरु रोगको सिकार हुने गरेको छ । गर्मीमा यसको प्रकोप बढ्दो छ ।

मनोज बनैता, सप्तरी, ३१ जेठ । सप्तरीको बलान बिहुल गाउपालिका वडा न. १ मा एक महिला माथी साँघातिक हमला भएको छ । मलहनिया बढ्की टोल स्थित दलित समुदाय को एक महिला चानो देवी राम माथी त्यहीँको केहि ब्यक्तिहरु ले ज्यानै लिने गरि हमला गरेका छन । जग्गा सम्बन्धि विवाद ले गर्दा मल्हनिया का राम सेवक राम, मोतिया राम, मदन राम, धनेश्वरी राम र मन्जु राम मिलि सामुहिक रूपमा बिहिवार दिउँसो ४:३० बजे चानो देवी राम लाई मर्नेगरी कुटपिट गरेका छन । प्रत्यक्षदर्शी का अनुसार उक्त समूह बनाई आएका हरुले पहिला चानो देवी को घाँटीमा रहेको आधा तोलाको मङ्गलसुत्र खोसेका थिए । मङ्गलसुत्र खोसिसकेपछी भाटा र मुढकी ले घाँटीमा हिर्काएका थिए । चानाे देवी राम वेहाेस अवस्थामा पुगेपछि मात्र उनलाई छोडिएको थियो । घटना पस्चात चन्ही स्थित प्रहरी चौकीमा फोन गर्दा प्रहरी ले कुनै वास्ता नगरेको गुनासो छ । एक स्थानिय जयनारायण रामको अनुसार पछि चन्ही थाना का ईन्चार्ज पन्कज सिंह ले फोन समेत उठाउन छाेडेका थिए । घाईते रामको घरपरिवारमा कोई सदस्य नभएको अवस्थामा उनलाई स्थानियले लाहान स्थित त्रिशक्ति हेल्थ केयर प्रा. लि मा पुर्याएका थिए । उनको उपचार भईरहेको खबर छ । अस्पताल को स्रोत अनुसार घाईते रामको शारीरिक अवस्थाको बारेमा अहिले केही भन्न सक्ने अवस्था छैन । टाउकोमा अत्यधिक चोट लागेको हुनाले अवस्था गम्भीर भएको बताईएको छ । चानो देवि राम स्थानीय चुनावमा स्वतन्त्र बाट गा.पा उपाध्यक्ष कि उम्मेदवार थिईन ।