[Samgrasandesh.com] शहिद दिवसको अवसरमा सगरमाथा उच्च मावि मिर्चैयामा खेलकुद

राम नारायण पंडित, सिरहा, १७ माघ । शहिद दिवसको अवसरमा सगरमाथा उच्च मावि मिर्चैयामा खेलकुद प्रतियोगिताको आयोजना गरिएको छ । दिवसको अवसरमा मंगलवार एक औपचारिक कार्यक्रम गरि सुरु भएको प्रतियोगिता १९ गतेसम्म संचालन हुने विद्यालयका प्रिन्सिपल प्रदिप कुमार तिवारीले बताए ।

प्रिन्सिपल प्रदिप तिवारीले शहिदहरु प्रति सहानुभुति बढाउन र उनीहरुले देशको लागि दिएको योगदानलाई कदर गर्दै विद्यालयमा रहेको विद्यार्थीहरुबीच विभिन्न खेलकुदको कार्यक्रम आयोजना गरिएको बताए । विद्यार्थीहरुलाई समूह बनाएर विभिन्न खेलमा प्रतिस्पर्धा गराई विद्यार्थीहरुमा खेलकुद र नाचगानको सिकाइबाट प्रतिभा प्रष्टफुटन गराइने प्रिन्सिपल तिवारीले जनाएको छ ।

कार्यक्रममा मिर्चैया नगरपालिकाका मेयर श्रवण यादवले स्थानीय तहमा मातृभाषाकै पाठ्य पुस्तक लागु गराउने चर्चा विभिन्न ठाउमा चलिरहेपनि राष्ट्रिय र अन्तराष्ट्रिय स्तरमा प्रतिस्पर्धा गर्न सवै पाठ्य पुस्तक मातृभाषामा गर्न नसकिने बताए । उनले बर्तमान परिवेशमा मातृभाषाको नाममा नेपाली र अंग्रेजी माध्यमको अध्ययनलाई बन्द गर्नु मुर्खता हुने बताए । उनले निजी र सामुदायिक विद्यालय वीचमा रहेको अन्तर द्धन्दलाई अन्त्य गरी पाठ्यक्रमको गुणस्तरमा एकरुपता कायम गर्न पहल सुरु गरि सकेको बताए । उनले मिचैया नगरपालिका भित्र रहेको २५ वटा सामुदायिक विद्यालय र ३१ वटा सामुदायिक विद्यालयलाई गुणस्तीय पाठ्यक्रम संचालन गर्न नगरपालिकाले पत्रचार गर्न लागेको स्पष्ट गरे ।

कार्यक्रममा धनुषा शहिदनगर नगरपालिकाका मेयर उदय बरबरिया शिक्षा क्षेत्रमा रहेको वेतिथी अन्त्य गर्न परीक्षा प्रणालीमा सुधार गरेर मात्र नभई निजी क्षेत्र र सामुदायिक विद्यालय बीचमा रहेको द्धन्द सामाधान गर्नुपर्ने बताए ।