सिरहा, २३ पुस ः चिसोका कारण सिरहामा थप एक बालिकाको मृत्यु भएको छ । यो सहित सिरहामा चिसोको कारण मर्नेको संख्या ४ पुगेको छ । सिरहाको गोलबजार–८ चोहर्वा मामाघर आएकी सप्तरी कल्याणपपुर घर भएका कुनकुन मण्डलका ५ वर्षिया छोरी काजलकुमारी मण्डलको मृत्यु भएको हो ।
चिसोका कारण निमोनियाँले ग्रसित बालिकाको उपचारको क्रममा मृत्यु भएको परिवारले जनाएको छ । विरामी भएपछि गोलबजारको एक स्वास्थ्य संस्थामा उपचारको लागि ल्याएपनि थप उपचारको लागि लहान लाने क्रममा मृत्यु भएको जनाएको छ ।
यस अघि नै सिरहामा एक बालक सहित ३ जनाको मृत्यु भईसकेको थियो । चिसोकै कारण धनगढीमाई नगरपालीका ७ कसहाका ५५ वर्षिय रामरतन महतो, गोलबजार नगारपालीका ४ का शम्भु साहका ६ वर्षिय छोरा लभ कुमार साह । गोलबजार २ लालपुरका ७० वर्षिय रामप्रसाद महतो हिजै मृत्यु भएको थियो ।
--
Posted By मार्गानुगामी राष्ट्रिय दैनिक to Marganugami Daily at 1/07/2018 07:41:00 PM
No comments:
Post a Comment