राम नारायण पंडित,सिरहा, २८ मंसिर । लहानमा ईलाका प्रहरी कार्यालय नजिकै बम विस्फोट भएको छ । आज दिउँसो पूर्वपश्चिम लोकमार्ग अन्तर्गत लहानको शहिद रमेश चोक नजिक साइकलमा राखिएको प्रेसरकुकर बम विस्फोट भएको ईलाका प्रहरी कार्यालय लहानका प्रहरी निरिक्षक जुगेश्वर राउतले बताए । शहिद रमेश चोकमा नेपाल प्रहरी र सशस्त्र प्रहरीको २४ औं घण्टा गस्ति रहेपनि बम बिस्फोट भएकोले चुनौति बढेको छ ।
घटनास्थलबाट जनतान्त्रिक तराईमुक्ति मोर्चा (क्रान्तिकारी) का पम्पलेट फेला परेको जिल्ला प्रहरी कार्यालय सिरहाका प्रहरी उपरिक्षक शेखर कोइरालाले बाए । बम बिस्फोटका सम्बन्धमा अनुसनधान भईरहेको उपरिक्षक कोइरालाले जनाए ।
विस्फोटपछि लहानको जनजीवन आतंकित बनेको छ । विस्फोटबाट मानवीय क्षति नभएको प्रहरीले जनाएको छ । थप बिबरण आउँन बाकी रहेको छ ।
--
Posted By Samagrasandesh to Samgrasandesh.com at 12/14/2017 01:13:00 AM
No comments:
Post a Comment