सिरहार ८ पौष । सिरहा सदरमुकाममा रहेको मालपोत कार्यालय भित्र शुक्रबार करिब दिउसो १ः३० बजे कुकर बम बिस्फोट भएको छ ।
मालपोत कार्यालयका कार्यालय प्रमुख राजेश द्घिवेदी मालपोत कार्यालय बारा सरुवा भएकोमा बिहीबार विदाई समारोह समेत भइसकेको अवस्थामा शुक्रबार कार्यालयमा प्रहरी सुरक्षा हुदा हुदै पनि कार्यालय प्रमुखको कक्ष अगाडी राखिएको सोफा तलबाट बम बिस्फोट भएर ३ जना घाइते भएका छन् ।
घाइते हुनेहरुमा सिरहा नगरपालिका वडा नं. १२ सारस्वर बस्ने वर्ष ४५ को राज कुमार पासवान र उनकै छोरा वर्ष २५ को रोशन पासमान र सिरहा नगरपालिका वडा १ का लेखापढी व्यवसायी पवन पासमान घाइते भएका छन् । घाइतेहरुलाई जिल्ला अस्पताल सिरहामा उपचार भइरहेको छ भने पवन पासमानलाई थप उपचारको लागि बिराटन पठाइएको छ ।
घटना स्थलमा नेपाल प्रहरी, सशस्त्र प्रहरी र नेपाली सेना पुगेको छ र घटनाबारे अनुसन्धान भई रहेको जिल्ला प्रहरी कार्यालय सिरहाका प्रमुख शेखर कोइरालाले बताएका छन् । सभार : अपन दैनिक
--
Posted By madheshexpress.com to JANLOKPRIYA at 12/22/2017 07:22:00 PM
No comments:
Post a Comment