सिरहा प्रहरीद्धारा पटाका सहित दुई पक्राउ

राम नारायण पंडित, सिरहा, १३ कार्तिक । सिरहा प्रहरीले पटाका सहित दुई जनालाई पक्राउ गरेका छन् । सिरहाको गाढा गाविसबाट अन्दाजी २५ हजार मोल बराबरको पटाका सहित दुई युवकलाई प्रहरीले पक्राउ गरेका छन् । पक्राउ पर्नेमा सिरहा नरहारीगोल १ का २५ वर्षिय सरोज यादव र भगवानपुर ३ का सुशिल गिरी रहेका छन् । दुबैलाई ईलाका प्रहरी कार्यालय महेशबारीको गस्ती टोलीले गाढा ५ बाट शुक्रबार राती पक्राउ गरेका हुन । उनीहरु स. ७ प ४४३८ नम्बरको मोटरसाइकलमा राखेर दुई वटा बोरामा पटाका ल्याउदै थिए । उनीहरुको साथबाट २१ प्याकेट बुलेट बम, १५ प्याकेट हाईड्रो बम, १० प्याकेट रकेट बम, ५ प्याकेट चक्र, ३० प्याकेट झिरझिरे र ४५० प्याकेट खोर्सानी बम बरामद भएको छ । बरामद पटाका सहित दुबैलाई अनुसन्धानका लागी हिरासतममा राखिएको पुर्ब क्षेत्रिय प्रहरी कार्यालय बिराटनगरले जनाएको छ ।