राम नारायण पंडित, सिरहा, ०३ असोज । सिरहामा एक जना प्राथमिक विद्यालयका शिक्षकले राजनीतिक रवाफ देखाउँदै घरमै बसेर तलब खाने गरेको छ । जनजागृती प्राथमिक विद्यालय मिर्चैया १ मठडाहीकुटीका एक शिक्षकले घरमै वसिवसि तलव खाने गरेको पाईएको छ । तीन कक्षा सम्म पढाई हुने सो विद्यालयका एक मात्र शिक्षक (निमित्त प्र.अ.) हरिवेव मण्डलले विद्यालयमा उपस्थित नभएपनि शिक्षा कार्यालयबाट नियमित रुपमा तलव खाने गरेको खुलासा भएको छ । मण्डल शिक्षक नियुक्त भएदेखि नै विद्यालय नआउने गरेको विद्यालयका अध्यक्ष समेत रहेका बुलन मण्डलले गुनासो गरे । शिक्षक मण्डल गाउँकै भएकोले राजनीतिक रवाफ देखाउँदै विद्यालय नआउने गरेको उनले बताए । शिक्षक नआएपछि विद्यालयका कार्यालय सहयोगी रविन्द्र ठाकुरले आएका विद्यार्थीलाई पढाउने गरेको अध्यक्ष मण्डलले बताए । नियुक्ति भएदेखि नै शिक्षक मण्डल विद्यालयमा नआएपछि आफैले आएका विद्यार्थीहरुलाई सकेको पढाउने गरेको कार्यालय सहयोगी ठाकुरले स्वीकार गरे । तीन वटै कक्षामा गरी जम्मा ६० जना विद्यार्थी रहेको भएपनि १२÷१५ जना विद्यार्थी मात्र नियमित आउने गरेका ठाकुरले बताए । शिक्षकलाई नियमित उपस्थित गराउन वा अर्को शिक्षक पठाई दिन जिल्ला शिक्षा कार्यालय र शिक्षा मन्त्रीसम्मलाई पटक पटक अनुरोध गरेपनि कुनै सुनुवाई नभएकोले स्थानीयहरु आक्रोश व्यक्त गरे । यता, सिरहाका जिल्ला शिक्षा अधिकारी महेन्द्र महतोले उनको विषयमा यहाँ पनि गुनासो आएको भन्दै उनको ठाउँमा चाडैं अर्को शिक्षक पठाउने तयारी भईरहेको प्रतिक्रया दिए । दलित वस्तिको मध्य भागमा रहेको उत्तः विद्यालयमा अध्यनरत विद्यार्थीहरु दलित मात्र रहेको बताइएको छ ।

परिचर ठाकुर पुजा गराउनमा व्यस्त । सिरहा संचारकर्मीहरुको एक टोलीले विद्यालयमा पुगेपछि विद्यालय खाली रहेको थियो । परिचर ठाकुर विद्यालय नजिकैको एक घरमा भगवानको पुजा गराउँनमा व्यस्त रहेका थिए । हिलो र पानी भरिएको विद्यालयको प्रङ्गणमा भने भैंसी चरिरहेको थियो । यति मात्र कहाँ हो र विद्यालमया पढाई नभएपछि विद्यार्थीहरुले माछा मार्न कोदालो वोकेर हिडेका थिए ।

भौतिक भूर्वाधार निर्माणको रकम झ्वाम विद्यालयलाई भौतिक सुविधा विस्तार कार्यक्रम अन्तर्गत कक्षा कोठा र शौचालय निर्माणका लागि रकम निकाशा दिएको भए पनि काम पुरा नगरी रकम झ्वाम पारेको बताइएको छ । कक्षा कोठा निर्माणको लागि आव ०६५÷६६ र ६६÷६७ मा पाँच लाख ५० हजार र शौचालय निर्माणको लागि एक लाख ५० हजार दिएको भएपछि काम अधुरै रहेको शिक्षा कार्यालयले बताएको छ । जिल्ला शिक्षा कार्याल सिरहाका भौतिक योजना प्रमुख यन्जिनियर दिनेश कुमार यादवले काम सम्पन्न गरी फरछ्यौट गर्न पटक पटक मौखिक तथा लिखित ताकेता गर्दा समेत कुनै वास्ता नगरेको बताए । कक्षा कोठाकोलागि जग बनाई फलामे पाइप ठड्याएर पाँच बर्षदेखि अरु काम नगरेको बताइएको छ । खाली फलामे पाइममात्र ठड्याएका कारण पाइमा खिया लागेर कामै नलाग्ने अवस्थामा पुग्न लागेको इन्जिनियर यादवले बताउनु भयो ।

दलित छात्रवृतिमा अनियमितता । राज्यले दिदै आएको दलित छात्रवृतिको रकम समेत पाँच वर्षदेखि नदिएको अभिभावकहरुले गुनासो गरेका छन् । यता, शिक्षक मण्डलले आफ्नो बिद्यालयमा छात्रवृति र पुस्तकको पैसा शिक्षा कार्यालयले नपठाएको प्रतिक्रया दिए । शिक्षा कार्यालयले पुस्तकको पैसा नपठाएपछि यो वर्ष आफ्नै खल्तीबाट सात हजार पाँच सयको पुस्तक किनेर विद्यार्थीलाई दिएको उनले दाबी गरे । यता शिक्षा कार्यालयको रेकर्डमा आव ०७२÷७३ मा ५१ जना विद्यार्थीको लागि छात्रवृति वापत २० हजार चार सय र पाठ्यपुस्तक बापत सात हजार पाँच सय रुपैयाँ गएको देखाएको छ ।

उत्तर भारतस्थित उत्तर प्रदेशको सज्जनपुरकी कमलेश राथोर, २५, लाई उनका श्रीमान् संजीव राथोर, २७, ले दाइजो स्वरुप ८० हजार नदिएको रिसमा उनको नाक काटिएको हो ।

कमलेश भन्छिन्, 'दाइजोका लागि उनले मलाई दैनिक सताउने गर्दथे । उनले तारन्तार मसँग ८० हजार रुपैयाँ दाइजो मागिरहन्थे ।'

'मैले निरन्तर भन्थें कि मेरो बुवा निकै गरिब हुनुहुन्छ त्यसकारण उहाँले तपाईंलाई यति रकम दिन सक्नुहुन्न । उनले मेरा केही कुरा सुनेनन् । मेरो नाक काटिदिने भनी सधैं धम्की दिन्थे,' उनी भन्छिन् । 'यहि निउँमा उनले मलाई वर्षौंदेखि कुट्दै आएका छन् ।'उनले मलाई बेल्ट, जुत्ता, लट्ठीले कुट्दथे । मलाई यौनकर्मीको रुपमा काम गरिरहेको आरोप लगाउँदै मलाई बेचिदिने धम्की पनि दिन्थे । दिनदिनै रक्सी खाएर आउने मेरो श्रीमानसँगको ८ वर्ष बसाईं मेरो लागि निकै कष्टकर रह्यो, ' उनले डेली मेललाई बताइन् ।

गत सेप्टेम्बर १४ तारिखमा कमलेस खाना बनाइरहेकी थिइन् जब संजीवले पुनः ८० हजारको माग राखी उनीमाथि कराए । उनका अनुसार त्यस दिन घरका अन्य परिवारले उनलाई पछाडिबाट समाते र भुइँमा लडाए, त्यतिबेला उनको श्रीमान् उनको नाक काटिदिए । उनले भनिन्, 'मलाई उनीहरुले निकै बेस्सरी च्यापेका थिए, म चलमल गर्ने अवस्थामा थिइनँ ।'

६ वर्षीया छोरीकी आमा कमलेसको नाक काटेपछि उनको श्रीमानसहित परिवारका अन्य सदस्य सम्पर्कबिहिन छन् । नाक काटिसकेपछि श्रीमानको अन्तिम वाक्य थियो, 'अब तँ जिन्दगीभर यस्तै हुन्छेस् ।'



घटनापश्चात् कमलेशले उनको घर नजिकै रहेको आफ्नो माइतीपक्षलाई बोलाइन्, उनीहरुले कमलेशलाई नजिकैको अस्पताल पुर्याए । डाक्टरहरुले उनको नाकलाई पुनः जोड्न सकेनन् किनभने नाकको टुक्रालाई संजीवले आफूसँगै लिएर गएका थिए । नाकको शल्यक्रिया गर्न कमलेशको माइतीपक्षको आर्थिक स्थिती निकै कमजोर रहेको उनले बताइन् ।

पुलिसका अनुसार उनीहरुले घटनामा संलग्न कमलेशका श्रीमान्, सासू, ससूरा, नन्द र देवरको खोजी गरिरहेका छन् ।

अमेरिकी प्रविधिमा निर्मित यु एम मोटरसाइकल तथा स्कुटरको आधिकारिक विक्रेता सागर ट्रेडर्सले विश्वकर्मा पुजाको शुभ अवसरमा आफ्नो सेल्स सर्भिस तथा स्पेयर्स सुविधा सम्पन्न शोरुमको उद्घाटन लहान ३ कुशवाहा चौकमा सम्पन्न गरेको छ I उद्घाटन नेपाल उधोग वाणिज्य महासंघका केन्द्रिय सदस्य अशोक अग्रवाल , लहान उधोग वाणिज्य संघको अध्यक्ष सुनिल महतो तथा आईएमई अटोमोटिभस बाट आएका यु एम मोटरसाइकल डिभिजनका प्रमुख उज्वल जोशी द्वारा गरिएकोछ I

नेपालको लागि आधिकारिक वितरक रहेको आईएमई ग्रुप अन्तर्गत आईएमई अटोमोटिभसले नेपालको विभिन्न ठाउमा १५ वटा सेल्स सर्भिस र स्पेयर्स सुविधा सम्पन्न शोरुमहरु खोलिसकेका छन् I संसारको तिस भन्दा वढी देश र १३०० सय भन्दा बढी शोरुमहरुबाट युएम ब्रान्डको मोटरसाइकल र स्कुटी विक्री भैरहेको छ I नेपालका मोटरसाइकल पारखीहरुलाई एउटा छुट्टै नयाँ अनुभव दिने विश्वासको साथ सागर ट्रेडर्सले युएम मोटरसाइकल र स्कुटीको शोरुम लहानमा राखेको ट्रेडर्सका संचालक सन्दिप उपाध्याय र राम बाबु महतोले बताए I उद्घाटनको शुभ अवशरमा सागर ट्रेडर्सले ग्राहकहरुलाई दशैँ तिहार छुट अन्तर्गत १५ हजार सम्मको छुट संगै नेपाल अधिराज्यभरिबाट बम्पर उपहार योजना अन्तर्गत १ जनालाई ५ लाख नगद उपहार दिइने संचालकले बताए I असोज १ गते देखि ५ गते सम्म शोरुमै मोटरसाइकल एक्सचेन्जको सुविधा पनि रहेकोछ I

अन्य कम्पनि झैँ यस कम्पनीको दिर्घकालिन सोच विक्रिमा मात्र केन्द्रित नभएर बिक्रि पछिका सेवा र स्पेयर्समा शत प्रतिशत सेवा कायम रहने प्रतिवध्ता सहित अमेरिकन प्रविधिमा निर्मित उएम ब्रान्डका मोटरसाइकल तथा स्कुटिले ग्राहकको मन जित्ने कुरामा कम्पनि विश्वस्त रहेको आईएमई अटोमोटिभसका उज्वल जोशी बताए I

असोज २ गते-
मरेको मान्छे पनि ब्यूँतिएला त ? असम्भव । अझ मरेको मान्छे ब्यूँतिएर यमराजसँग आफूले भेटेको दावी गर्यो भने त विश्वास गर्नै गाह्रो हुन्छ । तर कहिलेकाहीँ यस्ता घटनाहरु पनि सुन्नुपर्ने हुन्छ । हाम्रै छिमेकी मुलुक भारतमा एकजना ९० वर्षे महिला मृत घोषित गरिएको १० घण्टापछि ब्यूँतिन् र उनले ब्यूँतिसकेपछि आफूले यमराजलाई भेटेको दावी गरेकी छिन् ।
भारतको उत्तरप्रदेशस्थित खुर्जा क्षेत्रकी कैला देवी नामकी वृद्धाको गत जुलाई २५ मा मृत्यु भएपनि घाटमा लगेर अन्त्येष्टी गर्ने बेलामा करिब १० घण्टापछि ब्यूँतिएकी थिइन् ।
उनी ब्यूँतिएपछि घाटमा जम्मा भएका सबै मानिस डराए र अचम्म माने । उनलाई घर फिर्ता लगियो र सोधियो कसरी यस्तो भयो ? कैलाले भने यमराज आफैले पुनः धर्तीमा ल्याएर ज्यूँदो पारेर छाडिदिएको बताईन् ।
उनका अनुसार यमलोकमा पुगेर उनको कागजात हेर्दा उनको मृत्युको समय नै पुगेको रहेनछ । र उनलाई धर्तीमै ल्याएर छाडिएको रे । -

सरकारले संविधान जारी भएको एक वर्ष पुगेको अवसरमा संविधान दिवस मनाइरहेका बेला मधेसी दलले भने आजको दिनलाई कालो दिनका रुपमा मनाएका छन् । मधेशी समाजले काठमाडौंको माइती घर मण्डलामा लासहरु बनाएर प्रदर्शन गरेको छ । साथै मधेशीमाथि राज्यबाट अत्याधिक दमन भए पनि अन्तर्राष्ट्रिय समुदायले कुनै कदम नचालेको भन्दै बल्याक बुद्ध(कालो बुद्ध)को मुर्ति निर्माण गरी प्रदर्शन गरिएको छ । उक्त बुद्धहरुको मुखमा कालो पटी बाँधिएको थियो ।

आज पहाडमा संविधान दिवस तर बिडम्बना कुरा मदेशमा कालो दिन ,ऑनलाइन सिरहा डटकमले संकलन गरेको केहि तस्विर आफै बोल्छ ….

सप्तरी ,नेपाल

पत्रकार सुरेन्द्र कामती ,सिरहा

कालो ब्यानर र पट्टीसहित प्रदर्शन

मैथिलीमा यो समाचार पढन संविधान दिवसमें सप्तरीके पत्रकारसब मनेलक कारि दिन(फोटो के साथ)