दिनेश्वर गुप्ता लहान, १० भाद्र । मैथिली सिने क्षेत्रका चर्चित कलाकार संगीत सिंहको असमायिक निधन भएको विहीवार आठौं दिनमा कलाकारहरुले श्रद्धाञ्जलीसभा गरेका छन् । मन्जिता सिने क्रियसन प्रा.लि. विराटनगरको आयोजनामा गरिएको सो श्रद्धाञ्जलीसभा स्व.संगीत सिंहका घर सोहपुरमै गएर गरिएको फिल्म निर्देशक राजु चौधरीले बताए । श्रद्धाञ्जलीसभा संगै मन्जिता सिने क्रियसनले मरनोउपरान्त सम्मान समेत गरिएको थियो । कार्यक्रममा मधेश मिडिया मिशन नेपालका अध्यक्ष दिनेश्वर गुप्ताले मधेश र मैथिलीक्षेत्रका महान् कलाकार गुमाएका छौं, यसको पूर्ती अकल्पनीय रहने बताउंदै श्रद्धाञ्जली अर्पण गरेका थिए । श्रद्धाञ्जलीसभा चलिरहंदा सयौं महिला पुरुष तथा बालबालिकाहरुमा संगीत सिंहको स्मरण आंखा रसाएका थिए । कार्यक्रमका सभाध्यक्षता श्याम कामतले गर्नु भएका थिए भने संचालन राहुल यादवले गरेका थिए । 

दिनेश्वर गुप्ता लहान, १० भाद्र । सप्तऋषि नर्सिगं कार्यक्रम लहानमा अध्ययनरत खुश्बु गिरीले आफ्नो जन्म दिन विहीवार अनाथ बालबालिकासंग मनाइएका छन् । लहानको सगरमाथा अनाथालय लहानका बालबालिका मेरी चिल्ड्रेन एकेडेमीमा अध्ययनरत रहेका छन् । खुश्वुले आफु घर बाहिर रहेकोले परिवारजनको अभाष पाउंन र बालबालिका आफ्ना प्रिय साथी रहेको भन्दै उनीहरुसंग जन्म दिन मनाउंन खुशी लागेको बताइन् । खुश्वुको जन्मोत्सव मनाउंन बालबालिकाहरुले पनि समूहगत रुपमा केक, चक्लेट, विस्कुटलगायतको खानेकुरा एकआपसमा बांडेर रमाइएका थिए । सो कार्यक्रममा मेरी चिल्ड्रेनका प्रिन्सिपल पाण्डव हमाल, समाजसेवी महमुद आलम, सगरमाथा अनाथालय लहानका अध्यक्ष दिनेश्वर गुप्तालगायत दर्जनौ सहभागी रहेका थिए ।