Onlinesiraha-Nepali

सिरहाको लक्ष्मीपुर बोक्सि आरोपमा महिला मरणासन्न हुनेगरी कुटिए

Posted: 21 Aug 2016 03:27 AM PDT

रामदुलारी यादव

सिरहा,भदौ ५ गते ।  सिरहाको लक्ष्मीपुर प्रम वडा नं.१ बस्ने एक महिलालाई मरणासन्न हुनेगरी बोक्सि आरोमा कुटपीट गरेको छ ।
 स्थानीयको कुटाइबाट सख्त घाइते भएका  ३० वर्षिय रामदुलारी यादवको विराटनगरस्थित न्यूरो अस्पतालमा उपचार भईरहेको छ ।
बोक्सिको आरोमा स्थानीय बेचन महतो, रमविन्द्र महतो, सुलेन महतो, सुर्जा महतो, किसुनदेव महताले कुटपीट गरेको  यादवका ससुरा गढ्वाले जानकारी दिनुभयो । घरमा कोही नभएको वेलामा उनीहरुआएर आफ्नो बुहारीलाई कुटपीट गरेको उहाँले जानकारी दिनुभयो । आमालाई कुटपीट गरेको वेला छुट्याउन गएको नाती ११ वर्षिय भवनाथलाई पनि कुटपीट गरेको छ ।
सूर्जा महतोको बुहारी सुनैना देवी महतोलाई भुत लगाई दिएको भन्दै महतो परिवारेले कुटपीट गरेको यादवको भनाई रहेको छ । महतो परिवारकै बुहारी कुसियादेवी महतोको अचानक मृत्यु भएको थियो । यो पनि उसैले गरेको आरोप लागाउँदै यादवलाई कुट पीट गरेको हो ।
 महतो परिवारले आफ्नो घरका बाल बच्चामाथिपनि वेला बेला भुत लगाएर दुःख दिने गरेको घरमा रहेका महिलाहरुले  बताएको छ । बोक्सिले नै उनीहरुको घरमा जहिले पनि दुःख दिने गरेको बताइएको छ ।
घाइते महिलाको टाउको र सरिरको विभिनन भागमा गम्भिर चोट लागेको इलाका प्रहरी कार्यालय विष्णुपुरका प्रमुख असई शिवनारायण यादवले जानकारी दिनुभएको छ । महिलाको टाउकोमा ७ वटा टाँका लागेको जनाइएको छ ।
पीडकहरु फरार रहेकाले उनीहरुको खोजी भईरहेको प्रहरीले बताएको छ । उनीहरुको खोजी भईरहेको भन्दै उनीहरुलाई जुनसुकै अवस्थामा पनि पक्राउ गरी आवश्यक कार्वाही गरिने प्रहरीले बताएको छ ।

साहको हत्या गरेर फरार रहेका भारतीय नागरिक पक्राउ

Posted: 21 Aug 2016 03:20 AM PDT

राजविराज भदौ,५ गते  सप्तरी प्रहरीले हत्या गरेर फरार रहेका एक भारतीय पक्राउ गरेको छ । 
मोरङको विराटनगर उपमहानगरपालिका वडा नं १९ का राजेश साहको हत्या गरेर फरार रहेका एक भारतीय नागरिकलाई शनिबार साँझ पक्राउ गरेको छ ।

पक्राउ पर्नेमा भारतको अररिया जिल्ला जोगवनीका २६ वर्षीय जिवछकुमार साह रहेको सप्तरीका प्रहरी उपरीक्षक भीमप्रसाद ढकालले जानकारी दिए।

जिवछलाई गोप्य सूचनाको आधारमा जिप्रका सप्तरीबाट खटेको प्रहरी टोलीले जिल्लाको बभन्नगामाकटी गाविसको सडेपारस्थित ससुरा कृष्ण साहको घरमा लुकीछिपी बसेको अवस्थामा पक्राउ गरेको प्रहरीले जनाएको छ ।

पक्राउ परेका उनलाई अवश्यक अनुसन्धानका लागि पूर्व क्षेत्रीय प्रहरी कार्यालय रानी विराटनगर पठाइएको प्रहरी उपरीक्षक ढकालले बताए ।