ब्राउनसुगर बेचबिखनमा संलग्न तिन पक्राउ ।

राम नारायण पंडित, सिरहा, १४ माघ ।
सिरहा प्रहरीले प्रतिबन्धित लागुऔषध ब्राउनसुगर बेचबिखनमा संलग्न तिन जनालाई पक्राउ गरेका छन् । पक्राउ पर्नेमा सिरहा गोलबजार नगरपालिका ६ का २२ वर्षिय गोरे भन्ने बिमल छरापाने, सोही ठाउँ बस्ने २० वर्षिय भक्ति राई र १९ वर्षिय सुजन थापा मगर रहेका छन् । उनीहरुलाई ईलाका प्रहरी कार्यालय गोलबजारका प्रहरी निरीक्षक सन्तोष निरौलाको कमाण्डमा खटिएको प्रहरी टोलीले गोलबजारबाट नियन्त्रणमा लिएको हो । प्रहरीले गोप्य सुचनाका आधारमा ब्राउनसुगर बेचबिखनमा संलग्न तिन जनालाई बुधबार सिरहाको गोलबजारबाट पक्राउ गरेको हो । उनीहरुको साथबाट एक ग्राम २० मिलिग्राम अवैध लागुऔगाध (ब्राउन सुगर), ५५ हजार चार सय १० रुपैयाँ नगद, लागु औषध प्रयोग गर्ने सामगा्री समेत बरामद भएको ईलाका प्रहरी कार्यालय गोलबजारले जनाएको छ ।