वीरगंज, १६ कार्तिक । बीरगंजमा नाकामा सोमबार आन्दोलनकारी प्रहरीबीच भएको झडपमा मृत्यु हुने व्यक्ति भारतीय नागरिक रहेको बुझिएको छ । सीमा पारी जाने क्रममा प्रहरीको गोलीले उनको मृत्यु भएको प्रारम्भिक जानकारी प्राप्त भएको छ ।मृत्यु हुने भारतीय सीमा क्षेत्र रक्सौल, नागारोड १६ निवासी २४ वर्षीय आतिश कुमार राम रहेको प्रारम्भिक जानकारी प्राप्त भएको छ । उनको टाउकोमा गोली लागेको छ । युवकको खप्पर पूर्ण रुपले बाहिर आइसकेको अवस्थामा उनलाई अस्पताल पुर्याइएको थियो ।
यता, नेपाली क्षेत्रमा प्रहरीको गोलीले भारतीयको मृत्यु भएपछि सीमावर्ती सहर रक्सौल अहिले तनावग्रस्त छ । रक्सौलका जनता आक्रोशित भएका छन् ।
त्यस्तै प्रहरी र प्रदर्शनकारी बीचको झडपले स्थिति तनावग्रस्त भएपछि स्थानीय प्रशासनले अनिश्चितकालीन कर्फ्यू लगाएको छ । स्थानीय प्रशासनले अपरान्ह तीन बजेबाट मितेरी पुलदेखि भारतीय सीमा क्षेत्रसम्म कर्फ्यू लगाएको हो ।
मितेरी पुलमा धर्ना बस्दै आएका प्रदर्शनकारीलाई प्रहरीले हटाउने क्रममा सोमबार विहान झडप भएपछि स्थिति तनावग्रस्त भएको थियो ।
No comments:
Post a Comment