राम नारायण पंडित, सिरहा, ०४ श्रावण ।- एमाओबादीका अध्यक्ष तथा सिरहा क्षेत्र नं. ५ का निर्वाचित सभासद पुष्प कमल दहाल प्रचण्ड आज (सोमबार) सिरहाका मिर्चैया आँउने भएका छन् । संबिधानको प्रारम्भिक मस्यौदामा सुझाब संकलन गर्नका लागि प्रचण्ड आँउने थाहा पाएपछि संयुक्त लोकतान्त्रिक मधेशी मोर्चाले कालोझण्डा देखाउने तयारी गरिएको संघिय समाजबादी फोरम नेपालका क्षेत्रिय कार्यबाहक अध्यक्ष अजय यादबले बताए । एमाओवादीका अध्यक्ष प्रचण्ड मधेशबाट जितेर गएपनि मधेश बिरोधी संबिधानमा सहमती जनाएकोले कालोझण्डा देखाउने तयारी गरिएको मोर्चाले बताए । संघियता र नागरिकता लगायतका बुँदाहरुमा मधेशलाई हेप्न खोजिएको मोर्चाको आरोप रहेका छन् । यो मधेश विरोधी संबिधान आफुहरुलाई कुनै हालतमा मान्य नहुने मोर्चा चेतावनी दिएका छन् । मधेशी विरोधी संबिधानका प्रारम्भिक मस्यौदा आएपछि मार्चा आन्दोलित हँदै आएका छन् ।
No comments:
Post a Comment