सिरहा न्यूज व्यूरो . २०७२ १९ जेठ, बिराटनगर । पूर्वपश्चिम राजमार्ग अन्तर्गत मोरङको उर्लाबारी चोकमा मंगलबार बिहान मोटसाइकल र बस जुध्दा मोटरसाईकलमा सवार एकजनाको मृत्यु भएको छ । टरसाईकलमै सवार दुई जना घाइते भएका छन् ।बिहान ७ बजेर ४० मिनेटमा दक्षिणबाट उत्तर तर्फ गइरहेको मे २ प ३५९ को मोटरसाईकललाई पश्चिम दिशाबाट आइरहेको ना ५ ख ४७८३ नम्बरको बसले ठक्कर दिँदा उर्लाबारी(३ सुर्यचोकका १९ वर्षीय सबिन पौडेलको मृत्यु भएको हो ।घाइतेमध्ये मोटरसाइकल चालक इलाम साक्फारा(५ का २६ वर्षीय चित्र राईको न्युरो अस्पताल र उर्लाबारी( ३ की २८ वर्षीया उमा निरौलाको अरनिको अस्पतालमा उपचार भइरहेको छ ।बस र बस चालक बिराटनगर(२ निवासी ४८ वर्षीय सोमनाथ नेपाललाई नियन्त्रणमा लिएको इलाका प्रहरी कार्यालय उर्लाबारीका प्रहरी निरीक्षक श्रीराम भण्डारीले जानकारी दिए ।
No comments:
Post a Comment