१६ जेठ, गौशाला । महोत्तरीको भ्रमरपुरा गाविसका पूर्व अध्यक्ष हविव राईनलाई अपहरण उद्योग गरेको मुद्दामा फरार रहेका एक अभियुक्तलाई प्रहरीले गोलीसहित पक्राउ गरेको छ ।पक्राउ पर्नेमा भ्रमरपुरा गाविस–६ बस्ने २४ वर्षीय रब्बु राईन रहेको प्रहरी नायब उपरीक्षक लोकेन्द्र श्रेष्ठले बताए ।युवक रब्बु भ्रमरपुरा–६ स्थित बाटोमा गएराति १० बजे एक्लै घुमिरहेको बेला गस्तीमा गएको प्रहरी टोलीलाई शङ्का लागि जाँच गर्दा उनको साथबाट एसएलआरको गोली राउन्ड दुई र पेस्तोलको गोली राउन्ड दुई बरामद भएको प्रहरी नायब उपरीक्षक श्रेष्ठले बताए ।पक्राउ परेका रब्बुमाथि प्रहरीले खरखजाना मुद्दा चलाई आवश्यक अनुसन्धान सुरु गरेको छ । विसं २०६७ मा भ्रमरपुराका पूर्व गाविस अध्यक्ष राईनलाई अपहरण उद्योग गरेको मुद्दामा रब्बुलाई २०६९ सालमा महोत्तरी जिल्ला अदालतबाट तीन वर्ष कैद र रु १५ हजार जरिवाना तोकिएपछि फरार भएका थिए । रासस
No comments:
Post a Comment