महेश सिंह सिरहा १ जेठ - बिश्वभर महामारीका रुपमा फैलिएको कोरोना भाइरसका कारण लकडाउनमा छाक टार्न समस्या भएका अति बिपन्न परिवारहरुलाई गाउँपालिकाले राहत सामग्री बितरण गर्ने भएको छ । सिरहाको भगवानपुर गाउँपालिकामा आजदेखी राहत वितरण कार्य सुरु गरिएको हो। वडा ३ र ५ का ३०० दलित घरपरिवारहरुलाई राहत वितरण गरिएको हो ।गाउँपालिकामा दलित, अति विपन्न परिवारहरुलाई पहिलो प्राथमिकता दिई राहत वितरण कार्य सुरु गरेका हुन् ।भोलि वाडा ३ र ५ मा राहत वितरण कार्य पुरा गरि वाडा नम्बर १,२ र ४ मा पनि राहत वितरण गर्ने प्रमुख प्रशासकीय अधिकृत सुजित कुमार यादवले बताउनुभयाे । भगवानपुर गाउँ पालिका भित्र ५ वडा रहेको छ। यि नै हुन अध्यक्षहरु वडा नम्बर -१ बद्री नरायण यादव ,वडा -२ तेजुलाल चौधरी ,वडा ३ हरि नारायण यादव वडा- ४ बिन्देश्वर साह ,वडा ५ अमरलाल यादव रहनु भको छ । सबै वडा कार्यालयहरुमा राहत वितरणमा अध्यक्षहरु बेस्त देखिन्छ ।

राहत वितरण सामग्रीमा गुणस्तरीय चामल २५ किलाे, दाल २ किलाे , नुन १ किलाे र तेल १ लिटर गरि वितरण गरेकाे गाउँपालिकाको अध्यक्ष बेचन प्रसाद यादवले बताउनु भयो । राहत लिने लक्षित वर्गहरुले राहत ढिलाे भएपनि गुणस्तरीय र राम्रो प्यकेज पाएकोमा खुशी व्यक्त गरेका हुन। सामाजिक दुरीलाई विशेष ध्यानमा राखि राहत वितरण गर्ने प्रक्रिया मिलाईएकाे थियो। जनतालाई राहत लिन समस्या हुन नदिन वितरण स्थलमा सम्पूर्ण व्यवस्थापन मिलाएका थिए । सबैले सहयाेग तथा समन्वय गरि वितरण कार्यलाई सहज बनाउन सम्पूर्ण जन समुदायिलाई अध्यक्षले आग्रह गरेका हुन । पहिलो चरणको राहत वितरण कार्य समापन पछि अरु गरिब ,असहाय बिपन्न परिवारहरुलाई गाउँपालिकाको अध्यक्षसंग समन्वय गरि राहत वितरण गरिने योजना रहेको प्रमुख प्रशासकीय अधिकृत सुजित कुमार यादवले जानकारी दिनु भयो ।

महेश सिंह सिरहा १ जेष्ठ - राहत अभियताहरुको टोलि बुधबार सिरहाको लहान नगर पालिका वडा नम्बर ८ स्थित रहेको बिपन्न बस्तीमामा पुगेका छन् । सरकारी सहयोग विना नै चैत १९ गतेदेखि बैशाख ३१ गतेसम्म लगातार चर्को घामको ख्याल नगरी दैनिक विपन्न बस्तिमा राहत दिन निस्किने जोडि बैशाख ३१ गते लहान नगरपालिकाको वडा नं. ८ पुगेका हुन् । नगरपालिकाबाट राहत नपाएकाहरुलाई खोजीखोजी राहत वितरण गरिरहेका समाजसेवी तथा नेपाली कांग्रेसका नेता महेश चौधरी र नेपाल महिला संघका केन्द्रिय सदस्य संगीता कर्मचार्य अहिले देशमै लगातार राहत वितरण गरिरहने जोडीमा परेका छन् । अर्का समाजसेवी जितन यादव र ललिता यादवको महजोडीले लगातार समेत राहत समाग्री उपलब्ध गराउँदै आएका छन् । जितन यादवको श्रीमती ललिता यादव धर्मिक महिलाको रूपमा चिनिन्छ । ललिता बाल्यकाल देखि नै समाजसेवामा रुचि राख्ने गरेको उनकी परिवाजनले बताए । उनको छोराहरु पनि सहयोगि भवनाको हुनुहुन्छ । छोराहरु अर्जुन कुमार यादव ,अरुण कुमार यादव , बिरेन्द्र कुमार यादव हुन् । राहत वितरण कार्यक्रममा श्याम सोनी साह भोरेभोरको बिशेष पहल रहेको चौधरीले बताए ।जितनको छोराहरु पनि सानै देखी सहयोगि भवनाको हुनुहुन्छ भने समाजमा चर्चा भईरहेको स्थानीयहरु बताउँछन् । राहतमा १० किलो चामल ,१ किलो दाल , १ पोका खाने तेल १ किलो नुन ,१ किलो आलु १ किलो प्रबल ,१ पाउ स्वाईबिन वितरण गरेको हो। महेश र संगिताको छोरा छोरी अध्ययनका लागि अष्ट्रेलिया गएका छोरा अभिषेक र अमेरिका गएका छोरा किसन र छोरी स्मीताले बुवा आमालाई लकडाउनबाट समस्यामा परेकालाई सहयोग गर्न प्रोत्साहन गरिरहेका छन् । तर कतिपय मानिसहरु छुटफुटमा परेका, नागरिकता नभएका, डेरा गरी बस्ने र सुकुम्बासीहरु, दलित परिवार, एकल महिला, फरक क्षमता भएका, मजदुर, रिक्सा, ठेला हाक्नेहरुलाई लक्षित गरी राहत वितरण गरिरहेका महेश चौधरी र संगीता कर्मचार्यले २६ दिनमा एक हजार भन्दा बढी परिवारलाई राहत बाँडेका छन्