नरेशचन्द्र बरबरिया धनुषा असोज १९ गते । कमला बचाउ साप्ताहिक जागरण कार्यक्रम अन्तर्गत शनिबार धनुषाको गणेशमानचारनाथ नगरपालिका ९ बरमझिया स्थित कमला घाटमा वृक्षारोपण गरिएको छ । कमला बचाउन अभियानी समेत रहेको धनुषाको सहिदनगर नगरपालिकाका मेयर उदयकुमार बरबरियाको प्रमुख आतिथ्यमा वृक्षा रोपन गरिएको हो । वृक्षा रोपन गर्दै मेयर बरबरियाले कमला बचाउ अभियान मिशनको रुपमा स्थापित भईसकेको बताउँदै प्रदेश सरकारले नीतिमा समेत यस अभियानार्लाइ गाभ्न सकेक झनै सहजता हुने बताए । कार्तिक पूर्णिमामा हुने कमला बचाउन अभियानको वार्षिकोत्सवमा भारतीय जलस्रोत मन्त्रीलाई बोलाउने समेत तयारी भएको मेयर बरबरियाले जानकारी गराए ।

सो अवसरमा १ सय वटा कमला बचाउन अभियानको टीसर्ट समेत वितरण गरिएको छ । वृक्षारोपन कार्यक्रममा नेकपाका धनुषा जिल्ला सचिब दिपक यादव, नेकपाका प्रदेश कमिटी सदस्य रोशन यादव, कमला बचाउ अभियानी बिक्रम यादव, मनावअधिकारकर्मी समेत रहेका विनोद महरा, नेकपाका स्थानीय नेता महेशलाल यादव, वडा नं. ११ का वडाध्यक्ष सत्यनारायण कुवर, जागरण कार्यक्रममा वडा सदस्य सहिद नदाफ , नेता कैलास मल्ल, सोभित यादव, कमला अभियानी राजकिशोर सहलैता, सुरेन्द्र यादव लगायतको सहभागिता रहेको थियो ।