सिरहा, १६ असार । नेकपाका युवा नेता दिलिप साहले नेकपाको जिल्ला समिती चयनप्रति असन्तुष्टि जनाएका छन् । हालै गरिएको नेकपाका प्रदेश २ का जिल्ला कमिटी छनोटमा सिरहा सहितका जिल्लामा स्पष्ट मापदण्ड नअप्नाइएको भन्दै गुटका आधारमा चयन गरिएको उनले आरोप लगाएका छन् । सिरहा क्षेत्र नं. ४ का "क" प्रदेश सभाका सांसद समेत रहेका साहले भने, " जिल्ला कमिटी घोषणा गर्नु सकारात्मक र स्वागतयोग्य कुरा हो, तर, त्यसमा अपनाइएको विधि र प्रकृया गलत छ, गुटगत स्वार्थ हावी भएको देखियो, यो प्रकृया चित्तबुझ्दो भएन ।" पार्टीमा देखिएको विद्यमान रबैयाले अगामी दिनमा पार्टीका लागि घातक साबित हुने उनले आशंका व्यक्त गरे । उनले अगाडी भने, "पार्टीले कुन अधारमा चयन गरिएको छ, यसमा धेरै प्रश्न गर्ने ठाँउ छ, पार्टीमा योगदान दिएका व्यक्तिलाई बाइपास गरी आफनो आसेपासेलाई पद दिनु कतिको जायज हो, नेतृत्वले यसमा पुनः विचार गर्नै पर्छ ।"