राजन कुमार सिंह फाल्गुन १५ धनुषाका संस्थागत विद्यालयहरु भोलि बन्द हुने भएको छ । पर्यटनमन्त्री रविन्द्र अधिकारीको निधनमा शोकको घोषणा गर्दै एनप्यावसन धनुषाले भोलिका लागि संस्थागत विद्यालयहरु बन्द गरि शोक मनाउने निर्णय गरेको छ । एनप्यावसन धनुषाको बुधवार बसेको बैठकले विद्यालय बन्द गरी शोक मनाउने निर्णय भएको एनप्यावसन धनुषा अध्यक्ष चन्द्र नारायण मंडलले जानकारी दिएका छन । यता मन्त्रिपरिषद्को बुधवार आकस्मिक बैठकले मन्त्री अधिकारीको निधनको शोकमा भोलि राष्ट्रिय शोक मनाउने घोषणा गरेको हो । भोलि देशभर र विदेशस्थित कूटनीतिक नियोगहरुमा सार्वजनिक विदा दिइने छ । साथै मन्त्री अधिकारीको राजकीय सम्मानका साथमा अन्त्येष्टि गरिने भएको छ ।

ताप्लेजुङको पाथीभरा दर्शन गरेर फर्किने क्रममा संस्कृति, पर्यटन तथा नागरिक उड्ययनमन्त्री रविन्द्र अधिकारीसहित सातजनाको मृत्यु भएको छ । एयर डाइनेस्टिको एएस ३५० हेलिकप्टर आजदिउँसो साढे एक बजे दुर्घटनामा परेको हो । दुर्घटनामा परि ज्यान गुमाउनेमा संस्कृतिपर्यटन तथानागरिक उड्ययनमन्त्री रविन्द्र अधिकारी,यति एयरलाइन्सकाअध्यक्ष आङछिरिङ शेर्पा, नेपालनागरिक उड्ययनप्राधिकरणका उपमहानिर्देशकवीरेन्द्रप्रसादश्रेष्ठ, मन्त्रीअधिकारीकापिएसो अर्जुनकुमार घिमिरे, प्रधानमन्त्रीकार्यालयका सल्लाहकार युवराजदाहाल, नेपालनागरिक उड्न प्राधिकरणका इन्जिनियर धुब्रदास भोछिभया, हेलिकप्टर क्याप्टेन प्रभाकर केसी रहनुभएको छ । फक्ताक्लुङ गाउँपापालिका–३ लिङखिमको मयाम सिरानस्थिततारेढुङ्गामा दुर्घटनाग्रस्त अवस्थामा हेलिकप्टर फेला परेको फेदीका अहेव उपनाथपौडेलले जानकारी दिएका छन ।

नवसंग्राम दैनिक लहान, १५ फागुन । सिरहाको ठाढी सीमा क्षेत्रमा भारतीय नागरिक र सीमा सुरक्षाबलले गरेको सीमा अतिक्रमण र ज्यादतीको विरोधमा नारावाजी गरेको छ । लौकहामा भारतीयपक्षले दशगँजामै कस्टम कार्यालय सँचालन गरि नेपालको भूमि अतिक्रमण गरिएको स्थानीयको आरोप छ । यो सँगै भारतीय नगरिकहरुले दशगँजामै घर टहरा निर्माण गरी नेपाली भूमि अत्तिक्रमण गरिएको छ । दशगँजालगायत नेपालको भूमि अत्तिक्रमण रोक्न स्थानीयवासीसहित नेकपा (क्रान्तिकारी माओवादी) बैद्य पक्षले शान्तिपूर्ण रुपमा ठाढीमा नारावाजी गरिएको छ । माओवादीका नेता कार्यकर्ताहरुले भारतीय विस्तारवाद र नेपाल सरकारको राष्ट्रघाती चरित्रका विरुद्ध चर्को नाराबाजी गरेका छन् । माओवादीका सिपी गजुरेल र कृष्णदेव सिँहको नेतृत्वमा सीमा अतिक्रमणको विरोधमा फागुन ८ गते जुलस प्रदर्शन गरिएकोे छ ।

नेपालको ठाढी र भारतको लौकहा सिमाक्षेत्रमा भारतीयहरु अत्तिक्रमण गर्दा स्थानीयहरुबीच ६ पटक विवाद भएको ठाढीका रामकुमार यादवले बताए । विवाद हुँदा भारतीय एसएसबी र भारतीय नागरिकले सो कस्टम कार्यालय तथा घर टहरा हटाउँने सहमति गरिएपनि हालसम्म नहटाएको बर्षो भएको छ । अत्तिक्रमण रोक्न र दशगँजाबाट कस्टम कार्यालय हटाउँन सिरहाका अधिकारीसमेतको छलफलमा स्वीकार गरिएपनि हालसम्म भारतीयपक्षले नहटाउँदा स्थानीयहरुले नाराबाजी गरिएको छ । यता, सिमादेखि पाँच सय मिटरमा मात्रै रक्सी तथा कारोबार गर्न पाइने प्रावद्यान रहेको छ । तर, ठाडीको सिमाक्षेत्रमा खुलाआम रक्सीपानको पसल खोलेर विक्री गरिरहेको छ । ठाढीमा खुलाआम घरेलु मदिरा खरिद विक्री भइरहेको छ । भारतको विहारमा मदिरा प्रतिबन्ध गरिएकोले सिमापारीका ग्राहकहरु नेपाल छिरेर मदिरापान गर्ने गरेको छ । यो सँगै रातारात संकलित मदिरा भारतसमेत पठाउँने गरेको खुलासा भएको छ ।