नवसंग्राम दैनिक । रेडियो सौगात लहान, ४ असोज । सिरहाको लक्ष्मीपुर पतारी वडा नम्बर ३ बस्ने देवनारायण साहका छोरा मनोजकुमार साह भदौ ३१ गतेदेखि आफ्नो घरबाट सम्पर्कविहीन भएका छन् । बर्ष १६ का सम्पर्क विहीन भएका बालक साह लहानको समता स्कूलमा पढ्दै गरेका छन् । आफ्नो घरबाट निस्किएर लहानसम्म आईपुगेका बालक भोली पल्ट उनका आमा पुनिता साहले सम्पर्क गर्दा निजको मोवाईल स्वीचअफ रहेको पाईयो । घरबाट रिसाएर आएका बालक सम्पर्कविहीन भएपछि सोही दिन खोजी गर्न उनका हजुरबुबा राजेन्द्र प्रसाद साहले लहान आईपुग्दा पनि सम्पर्क नभएपछि खोजतलास बढाएको छ । निज वालकको मोवाईल नम्बर ९८१६७४७२३८ रहेको छ ।

नवसंग्राम दैनिक । रेडियो सौगात लहान, ३ असोज । पशुपति आदर्श उच्च मावि लहान ७ मा स्थानीय व्यापारीहरुले आज तालाबन्दी गरेको छ । विद्यालयको प्रागंनमा व्यावसायी उदेश्यले स्टल निर्माण गर्ने भन्दै ५५ जना व्यापारीहरुबाट १ करोड २५ लाख प्रधानाध्यापक प्रमेश्वर रायले रकम लिएर पनि स्टल उपलब्ध नगराएको कारण आज विद्यालयमा तालाबन्दी गरिएको छ । २०६९ असार साउन महिनामा ब्यापारीहरुबाट प्रति स्टल १ लाखदेखि ५ लाखसम्म रकम उठाएर प्रअ रायले चलाएको छ । हामीलाई लामो समयसम्म स्टल उपलब्ध नगराएकोले पैसा फिर्ता समेत नदिएको कारण तालाबन्दी गर्न बाध्य भए व्यापारी गिरिराज रौनियारले बताउंछन् । रकम लिएको ६ बर्ष भएपनि हालसम्म स्टल निर्माण नभएकोले व्यापारीहरु एडभान्स रकम पटक पटक फिर्ता माग गर्दा नदिएपछि आक्रोशित व्यापारीहरुले आज तालाबन्दी गरेको छ । विद्यालयले ४० वटा स्टल बनाउंने योजना बनाएको थियो । तर, प्रअ रायले ५९ व्यापारीसंग एडभान्स रकम लिएका थिए । जसमा तीन जनाको रकम फिर्ता गरेको छ । प्रअ रायले व्यापारीहरुबाट उठेको रकम दक्षिणतर्फ निर्माण भएको स्टलमा ५६ लाख, सांसद पद्मनारायण चौधरीबाट सापटी रकम फिर्ता २ लाख, डा.महादेवबाट सापटी रकम फिर्ता ५ लाख, शिक्षक, कर्मचारी, पिसिएफ शिक्षकको लागि तलब भत्ता, साइन्स ल्याब, ब्लोक निर्माण मर्मतगरी ५२ लाख खर्च भएको दावी गरिएको छ । व्यापारीहरुबाट प्रअ रायले करिब दश जनासंग नगद रकम बुझेका छन् । उता, महेश गुप्ता, विजयकुमार दास, रामसेवक महतो, महेश्वर साह, मो. जसिमलगायत अधिकांशले बैंकमार्फत रकम बुझाएको छ । पशुपति माविलाई आफ्नै आय स्रोत राम्रो रहेको छ । तर, विद्यालयको दक्षिणतर्फ निर्माण गरिएको २० स्टल—सटरमा व्यापक अनियमिता भइरहेको छ । सो स्टलबाट भाडा रकम पनि नियमित नउठेको र उठेपनि आन्तरिक कमिशनको खेल भइरहेको छ ।