नवसंग्राम दैनिक लहान, ६ साउन । 'मेरो विवाह भएर बस्न थाल्दा समाजिक विभेदको अभाष पाइन्' किनकी 'मेरा पति सधै सदाय वस्तीकै नेतृत्व गरिरहेकोले खानपिन उठबस उनीहरु संगै हुने गरेको छ ।' 'आज म यो कुर्सीमा छु त्यो सबै दलितहरुको सहयोगबाट प्राप्त गरेको छु ।' सखुवानन्कारकट्टीका न्यायिक समितिका प्रमुख तथा उपप्रमुख अमलादेवी यादवले बताइन् ।
नेपाल राष्ट्रिय दलित समाज कल्याण संघ जिल्ला शाखा लहान सिरहाको आयोजनामा प्रभावकारी सहभागिता, आधारभूत सेवा र न्यायमा समन्यायिक पहुंच विषयक अन्तर समुदाय संवाद कार्यक्रममा आज उपप्रमुख यादवले विभेद अन्त्य हुनुपर्छ भन्दै 'हाम्रो समितिमा अधिकतम बहुविवाहको मुद्दा आउंने गरेको छ ।' 'हालसम्म एकआध मुद्दा आएपनि अधिकतम प्रहरीमा जाने गरेको छ ।' उनले बताइन् ।
दलित अधिकारकर्मी देवनारायण रामले गोसाई पुजाको कारण दलितभित्रै छुवाछुत रहेको भन्दै एउटै देउता चमारको, एउटै देउता सदाय पासमान डोमको तर,बह्मानवादी सोचको कारण डोम मुसहरलाई दलितहरु नै छुवाछुत गरिरहेको छ उनले बताए ।
अधिकारकर्मी रामले अन्तर जातीय र गैरदलितमा समेत छुवाछुत जकडिएको छ । यसलाई भत्काउंन पहिले दलित एकताको आवश्यकता छ । गैरदलितले छुवाछुत गर्छ भने दलितले पनि बहिष्कार गर्नुपर्छ भन्दै शासन प्रशासन, शिक्षा, स्वास्थ्य, कर, होटल, भोजभतेरलगायत विभेद स्वफुर्त अन्त्य हुने उनले दावी गरे ।
हुकुमलाल पासमानले अन्तर दलितबीचको विभेद हटाउंन डोमकै घरमा भोजको आयोजना हुनुपर्छ । त्यही सबै दलितले भोज खाएर एकताबद्धको सन्देश दिनुपर्छ अनि मात्रै विभेद अन्त्य हुने उनले बताए ।
दिलिप मरिक डोमले 'हामीले छोएको पानी दलितहरुले नै खादैन ।' तर, हामीले बनाएको डाला, कोनिया, टाटवार आफ्ना गोसाई (देउता)लाई चढाउंछन् । यसैले हामी चार घर डोमले अरुको भोज नै खान छाडिसके उनले बताए ।
वविता पासमानले जनवैनमा जांदा पनि खत्वे मण्डलले हाम्रो छोएको पानी पिउदैन । अन्तै खानको लागि पैसा लिने गरेको छ । भोतभतेरको बेला दाल चामल तरकारी जलावन लिएर गैरदलितको घरमा दिनुपर्ने विभेद आज पनि रहेको उनले बताइन् ।
सखुवानन्कारकट्टी ५ स्थित भएको संवाद कार्यक्रममा ईलाका प्रहरी कार्यालय महेशवारीका इन्चार्ज रामकुमार चौधरी, स्वास्थ्यकर्मीद्धय रामकुमार चौधरी र अमृत चौधरी, वडा ५ का अध्यक्ष वैद्यनाथ यादव, मानव अधिकार संजालका गाउं समितिका संयोजक सत्यनारायण ठाकुरलगायतले विभेद अन्त्य र न्यायमा पहुंचको बारे विस्तृत छलफल गरेका छन् । कार्यक्रमका सहजिकरण नेपाल पत्रकार महासंघ सिरहाका सभापति दिनेश्वर गुप्ताले गरेका थिए भने दलित संघका सिरहा अध्यक्ष मोहन पासमानले कार्यक्रम समापन गरेका थिए ।

नवसंग्राम दैनिक लहान, ५ साउन । मदिराले सुरक्षा र न्यायलाई प्रभावित बनाउंने काम गरेको भन्दै सिरहा नगरपालिकाका उपमेयर तथा न्यायिक समितिका प्रमुख डा.नमिता यादवले 'मदिरा निषेधित गर्न आजैबाट संजाल गठन गरौ 'बताउंनुभयो । सर्च फर कमन ग्राउण्डको सहयोग र नेपाल पत्रकार महासंघ सिरहाको आयोजनामा आज सुरक्षा र न्याय क्षेत्रका सरोकारवाला तथा संचारकर्मीबीच संवाद कार्यक्रममा उपमेयर यादवले 'विप्पन तथा सिमान्तकृत समुदायमा घरेलु मदिराले महिला पीडित हुंदै आएको छ ।' 'यसप्रति संचारकर्मी र प्रहरीको सक्रियताको खाचो छ ।''यसैले आजै संजाल गठन गरेर अभियानमा जुट्नुपर्ने जरुरी रहेको' बताउंनुभयो । जिल्ला प्रहरी कार्यालय सिरहाका डिएसपी माधवराज खरेलले मदिरालाई लागुऔषधको केटोगोरीको रुपमा राख्नुपर्छ । यसले घरेलु हिंसा बढी रहेको छ । एक त महिला यातना दिने सोसाइटी छ, यहां बताउंनुभयो । डिएसपी खरलले यस्ता मदिरा सेवनले न्यूनिकरण गर्न सडक नाटक, गोष्ठी सेमिनारलगायत विभिन्न सचेतनामुलक कार्यक्रम गर्नुपर्ने जरुरी रहेको बताउंनुभयो । कार्यक्रममा सिरहा अदालतका श्रेस्तदार नरेन्द्र श्रेष्ठले सिमान्तकृत समुदायको लागि निशुल्क सेवाहरुवारे जानकारी दिनुभएका थिए भने नेपाल पत्रकार महासंघका केन्द्रीय सदस्य देवकुमार यादव, वार एसोसियनका सचिव विरेन्द्रकुमार कर्ण, हर्कोडेकका अध्यक्ष विरेन्द्र सिंह, महिला संजालकी जीवछी यादव, दलित जनकल्याण युवा क्लबका उमेश विसुन्केलगायतले नयां लागु गरिएका कानुनले काम गर्न समस्या, न्यायलयका कामकाज मंहगो, करबृद्धिलगायको विषयमा चर्चा गर्नुभएका थिए । कार्यक्रम सहजिकरण नेपाल पत्रकार महासंघ सिरहाका सभापति दिनेश्वर गुप्ता र सर्च फर कमन ग्राउन्डका शरमलाल चौधरीले गर्नुभएका थिए ।