Onlinesiraha-Nepali |
- जनता टेलिभिजनका पत्रकार माथी दुर्व्यवहार, क्यामरा फाेडियाे
- रौतहटमा ट्राफिक नियम सम्बन्धि टेम्पो चालक र ट्राफिक प्रहरी बिच अन्तरक्रिया कार्यक्रम सम्पन्न।
- बाबातालमा महिलाको लाश भेट्यो
| जनता टेलिभिजनका पत्रकार माथी दुर्व्यवहार, क्यामरा फाेडियाे Posted: 10 Aug 2018 08:11 AM PDT  काठमाडौं । वैदेशिक रोजगारको काम कारवाहि बारे बुझ्न र समाचार संकलन गर्न शुक्रवार दिउँसो साढे ३ बजे बाँसवारीको तिनजुरे इम्प्लोइमेन्ट सर्विस प्रालिमा पुग्यौ । त्यहाँको केही दृष्यहरु क्यामारामा कैद गर्न थाल्यौ । हामी त्यहाँ पुग्दा त्यहाको वतावरण सामान्य थियो । तर कार्यालयमा भएका केही व्यक्ति र आसपासमा भएका केही व्यक्तिको नजर मात्र हामीमा थियो । हामीले कार्यालयको दृष्यहरु क्यामेरामा कैद गरेपछि त्यहाँका कार्यालय प्रमुख सँग केही कुराकानी ग¥यौ र क्यामेरामा पनि कैद ग¥यौ । त्यतिवेलासम्म हामी सुरक्षित थियौ । तर जब हामी आफुलाई चाहिने केही कागजी प्रमाणहरुको दृष्य कैद थाल्यौ । त्यहाँ उपस्थित एक जना युवकले हामी सँग किन के गरेको भन्दै अपशव्द बोल्न थाले । हामीले उनलाई सम्झाउने निकै प्रयास ग¥यौ तर उनले मानेनन् । झन हामीलाई धम्की दिन थाले । र मिडियाहरु इस्ता–उस्ता भन्दै मजाग उडाउन थाले । हामीले उनीहरुलाई सम्झायौ र त्यँहाबाट बाहिह निस्क्यौ । तर ती व्यक्तिले हाम्रो मोटरसाइकल अगाडी आफ्नो मोटरसाइकल अड्याएर हामिमाथि प्रहार गर्ने शैलीमा प्रस्तुत भए । र तथानाम गाली गलौच गर्न थाले । त्यस्तो नभन्नुस दाई भन्दा तिमिहरुलाई केश गर्छु भन्दै अर्का एकजना युवकले हाम्रो क्यामेरा माथि आक्रमण गरे र क्यामेरा फुटाइदियो । हामी त्यहाँको वातावरण ठिक नभएको महसुस गर्दै कार्यालय तर्फ लाग्यौ । एक म्यानपावर व्यावसायीले खेताला लगाएर जसरी हामीमाथि प्रहार गरे त्यसको परिणाम राम्रो नहुने भन्दै हामी बाहिरिएका थियौ । लाग्थ्यो, अझै यो समाजमा यस्ता तत्वहरु छन् जसले दलाली गर्छन् र उल्टै पीडितमाथि प्रहार गर्छन् । परिवारसँग छुटिएर, लाखौको ऋण काढेर विदेशिने युवाहरुलाई यस्ता म्यानपावरले धम्कीका भरमा ठेगान लगाउने गरेका छन् । क्यामेराका अगाडि यस्तो अभ्रद व्यवहार देखाउने ती युवाले पीडितलाई कस्तो हर्कत गरेका होलान्, यो छानबिन हुन जरुरी छ । समाचार संकलनका लागि गएका जनता टेलिभिजनमा कार्यरत संवाददाता शिव अधिकारी र क्यामरामा राधिका श्रेष्ठमाथि अभद्र व्यवहार भएको हो ।  |
| रौतहटमा ट्राफिक नियम सम्बन्धि टेम्पो चालक र ट्राफिक प्रहरी बिच अन्तरक्रिया कार्यक्रम सम्पन्न। Posted: 10 Aug 2018 07:30 AM PDT  अमित ठाकुर/रौतहट/श्रावण २५/ रौतहट जिल्लाको गौर नगरपालिकामा चलि रहेको नेपाली प्लेट नंबरको टेम्पोका ड्राइभर र ट्राफिक प्रहरी बिच ट्राफिक नियम सम्बन्धि १ दिने अन्तरक्रिया कार्यक्रम सम्पन भएको छ।रौतहट गौर ट्राफिक प्रहरी कार्यालयका प्रहरी नायव निरीक्षक दिपेन्द्र कुमार साह र प्रहरी हवल्दार रबि भूषण सिंह र अरुण पाण्डेले गौरमा टेम्पो चालकलाई ट्राफिक नियम सम्बन्धि र कुन पोजिसनमा सवारी चलाउने बारे जानकारी दिएका छन। रौतहटको गौर बोर्डर एरिया भएकोले पहिला भारतीय नंबर प्लेटको टेम्पो चल्दै थियो तर अहिले अाएर ट्राफिक नियममा कडाइ भएपछि गौरमा दिनप्रतिदिन नेपाली टेम्पोहरु पनि बाटोमा गुड्न थालेका छन। सो टेम्पो चालकहरु बिना लाईसेन्सका र स – साना बच्चाहरुले चलाउँदा दुर्घटनाको बढी सम्भावना भएको कारणले समयमै ट्राफिक प्रहरी द्वरा गौरमा चलिरहेका नेपाली टेम्पोका चालकलाई ट्राफिक नियमबारे जानकारी दिएका छन।भने चालकलाई पालना गर्नु पर्ने ट्राफिक नियमबारे राम्रो ढङ्गले चालकहरुलाई बुझाएका छन। अन्तरक्रिया कार्यक्रममा ५० जना भन्दा बढी टेम्पो चालकहरुको उपस्थिति रहेको थियो। सडकमा अोभर स्पिड न लाउन तथा बाजा न बजाउन समेत टेम्पो चालकलाई ट्राफिकले जानकारी दिएका छन।ट्राफिक नियमबारे सबै चालकलाई जानकारी गराउदै ट्राफिक प्रहरीका प्रहरी नायव निरीक्षक साहले टेम्पो यात्री र चालक बिच नङ्ग मासु जस्तो सम्बन्ध राख्न जानकारी गराएको छ। टेम्पोमा चढ्ने सवारी संग कस्तो ब्यवहार गर्ने कसैले साईड माङ्गेमा तुरुन्तै साईड दिने एम्बुलेन्स, बारुणयन्त्र,प्रहरीको गाडी अाएपछी तुरुन्तै साईड दिई अगाडि जान दिने तथा ट्राफिकको नियम पाल्ना गर्ने समेत जानकारी दिएका छन।अब देखि कुनै पनि टेम्पो चालक नियम बिपरित गएमा नियम बमोजिम फाईन काटी कार्वाही गर्ने चेतावनी दिएका छन। कही पनि दुर्घटना भएमा वा कुनै टेम्पो चालक या बस चालक यात्री संग अभद्र ब्यवहार गरेमा तुरुन्त प्रहरीको नि:शुल्क नंबर १०० मा फोन गरि जानकारी गराउन रौतहटबासीलाई जानकारी गराएका छन।अर्को पटक ई-रिक्साका चालक बिच अन्तरक्रिया कार्यक्रम रहने प्रहरी नायव निरीक्षक साहले जनाएको छ।  |
| Posted: 09 Aug 2018 09:40 PM PDT  राम नारायण पंडित, सिरहा, २४ साउन । पर्यटकीय क्षेत्रको रुपमा विकास भइरहेको सिरहाको कर्जन्हा नगरपालिका १ बन्दीपुर स्थित बाबातालमा एक महिलाको लाश फेला परेको छ । सनाखत हुन नसकेकी अन्दाजी ३५ बर्षीया मधेशी मुलकी महिलाको शव बाबातालदेखि करिब ३ सय मिटर पश्चिम दक्षिणमा आज विहान फेला परेको ईलाका प्रहरी कार्यालय मिर्चैयाका प्रहरी नायब उपरिक्षक दिपेन्द्र शाहले बताए । बाबाताल जाने बाटो छेउमा पानी जमेको खाल्डोमा डुबेको अवस्थामा शव देखेपछि स्थानियले प्रहरीलाई खबर गरेको थियो । शवको प्रकृति हेर्दा डुबेर मृत्यु भएको हुन सक्ने प्रहरीको प्रारम्भिक अनुमान छ । शब पोष्टमार्टमका लागि लहानस्थित रामकुमार शारदा उमाप्रसाद मुरारका स्मारक अस्पताल पठाईएको प्रहरीले जनाएको छ ।  |
| You are subscribed to email updates from Onlinesiraha.com. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment