राम नारायण पंडित, सिरहा, १५ वैशाख । मिर्चैयामा एक दिने नि : शुल्क आयुर्वेद स्वास्थ्य शिवर सम्पन्न भएको छ । मिर्चैया नगरपालिका सहयोग तथा आयुर्वेद औषधालय मिर्चैयाको तत्वाधानमा मिर्चैया नगरपालिका बडा नं. ५ मा आज (शनिवार) एक दिने निः शुल्क स्वास्थ्य शिविर सम्पन्न भएको छ । शिविरमा पेट, पिसाब, हात, खुट्टा, जोर्नी, मानसिक, छाला, घातु, वात, महिला र बालबालिकाका नयाँ तथा पुरानो रोगहरुको जाँच गरी निःशुल्क औषधि दिईएको आयोजकले जनाए । 

बैशाख १५ । सिरहाको सखुवानन्कारकट्टी गाउपालिका ४ मा आज दिउँसो श्रीमानले श्रीमतिमाथि धारिलो हतियार प्रहार गरेको छ । सखुवानन्कारकट्टी गाउपालिका वडा नम्वर ४ स्थित सखुवा सिमरा निवासी वर्ष ५५ का रामप्रसाद साहले आफनै कान्छि श्रीमति वर्ष २७ की आशा साहमाथि धारिलो हतियार प्रहार गरेको हो । धारिलो हतियार प्रहार गर्ने रामप्रसाद भन्ने फरार रहेको लहान प्रहरीले जनाएको छ ।  धारिलो हतियार प्रहारबाट आशाको टाउकोमा गहिरो काटिएको, मुखमा चोट लागेको अचेत अवस्थामा छिमेकीले देखेपछि प्रहरीले खवर गरेपछि महेशवारीबाट प्रहरी नायव निरीक्षक राजु ठकुरीको नेतृत्वमा गएको प्रहरी टोलीले उद्धार गरेको थियो । घाइते आशाको अहिले लहान स्थित राममकुमार उमाप्रसाद स्मारक अस्तालमा उपचार भइरहेको इलाका प्रहरी कार्यालय लहानका निमित्त प्रमुख प्रहरी निरीक्षक रामबहादुर ढकालले जानकारी दिनुभयो । धारिलो हतियार प्रहार गर्ने रामप्रसादको खोजी भइरहेको प्रहरी निरीक्षक ढकालले बताउनुभयो । यो पनी पढनुस 

बैशाख १५ । जुन जिम्मेवारी बोकेर म पाकिस्तान आएको थिए, त्यो लगभग पुरा भएको छ र अब थोरै जिम्मेवारी तपाईको हिस्सा छोड्दैछु । सउदीमा उमेशसंगको झगडामा परी दुर्घटनावश 3 July 2007 मा मृत्यु भएका मोहम्मद लतिफ वसीर अहमद को पांचै जना दाजुभाई मंजुरनामामा प्रथम पक्ष र उमेश यादवको परिवारबाट अख्तियारनामा प्राप्त म सरोज राय दोस्रो पक्ष भई 26 April 2018 को दिन फैसलावाद हाईकोर्टको अधिवक्ता मो. नकाश अहमद अगाडी E-Stamp PB-FSD-60943ED98——- मा सही छाप गरि उमेश यादवालाई माफीनामा दिन पिडीत परिवार कबुलनामा गरेको छ। यस मंजुरनामालाई Oath Commissioner बाट समेत सही छाप र नोटेराईज्ड गरिएको छ। तर यो मंजुरनामा सरोज राय संग ब्लड मनी वापत ३० लाख पाकिस्तानी रूपैया तोकिएको समय सिमा भित्र पाउने शर्तमा गरिएको छ। समयसिमा भित्र तोकिएको रकम पाउन साथ माफीनामा पत्र पिडीत परिवारबाट प्रदान गरिने छ। बिचमा कुनै पनि कारण देखाएर मंजुरनामामा उल्लेख पहिलो पक्षबाट पांचै दाजुभाई र दोस्रो पक्षबाट सरोज रायले पछि हट्न नमिल्ने र हटेमा राष्ट्रिय र अंतराष्ट्रिय कानुन अनुसार कार्यवाही गरिनेछ।