Onlinesiraha-Nepali |
| दूई लाखसहित घरेलु हाकिम गिरफ्तार Posted: 28 Feb 2018 07:08 AM PST  दिनेश्वर गुप्ता लहान, १६ फागुन । घरेलु तथा साना उद्योग कार्यालय लहानका उद्योग अधिकृत राजेन्द्रकुमार लालकर्णलाई आज बेलुका ६ बजेर २५ मिनेटमा अख्तियार दुरुपयोग अनुसंधान आयोग इटहरीका टोलीले घुससहित पक्राउ गरेका छन् । अधिकृत कर्णलाई २ लाख रकमसहित घरेलुको आंफिसियल क्वाटरबाट पक्राउ गरिएको एसपी किसनसिंह थापाले बताएका छन् । घरेलु कार्यालय लहान अन्तरगत मेडापको सहयोगमा संचालन रहेको लघु उद्यम विकास कार्यक्रमको रकम निकासामा प्रमुख कर्णले एनजिओ संचालकसंग १० प्रतिशत कमिशन माग गरेको आरोप छ । कार्यालय प्रमुख कर्णका अनुसार तीन वटा संस्था मध्ये मानव अधिकार वातावरण (हुरेन्डेक) उदयपुर लघु उद्यम विकास कार्यक्रमको लागि छनौट भएका थिए । उनीहरुले ६ महिनादेखि कार्यक्रम संचालन गर्दै आएको छ भने २० प्रतिशत निकासा समेत गरिसकेको छ । कर्णले ' आज फोन गरेर सोही संस्थाका दूई जनाले सांझ मेरो कोठामा आए ।' 'उनीहरुले दूई लाख रकम छाडेर जानुभयो ।' कार्यक्रम लगभग ६८ लाखको रहेको छ । उक्त शिपमुलक कार्यक्रम सिरहा जिल्लाभरी संचालन रहेको भनिएको छ । अधिकृत कर्ण आउंदो जेठमा अवकास पाउंने भएको छ ।   |
| You are subscribed to email updates from Onlinesiraha.com. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment