[Samgrasandesh.com] सिरहामा कम्प्युटर पसलमा आगलागी हुँदा करोडौंको क्षति

मुकेश यादब सिरहा, १६ माघ ।सिरहाको गोलबजारमा रहेको एक कम्प्युटर पसलमा आगलागी हुँदा करोडौंको क्षति भएको छ । गोलबजार नपा ६ स्थित रहेको सुधिर इन्टरप्राइजेजमा सोमवार राती करवि १ बजे आगलागी हुँदा एक करोड भन्दा बढीको क्षति भएको ईलाका प्रहरी कार्यालय गोलबजारका प्रहरी निरिक्षक राजेश सुवेदीले जानकारी दिए । विद्युत सट भएर आगलागी भएको हुनसक्ने प्रहरी निरीक्षक सुवेदीले बताए । आगलागीबाट तिन लाख १५ हजार नगद, विक्रिको लागि राखिएको दर्जनौं कम्प्युटर सेट सीसी क्यामेरा, ल्यापटप, कम्प्यूटरका पार्टपूर्जा लागायतका सामाग्रीहरु जलेर पुर्ण रुपमा नष्ट भएको संचालक सुधिर साहले दुखेसो पोखे ।

स्थानीयका अनुसार आगलागी मध्यरातमा सुरु भएको थियो । आगलागी सुरु भएपछि स्थानीयले नै प्रहरी र पसलका प्रोपराइटर सुधीर साहलाई खबर गरेका थिए । आगलागीबाट घरको भित्तो जलेर कालो हुनुका साथै कतिपय ठाउँमा दुलो परेको छ ।