[Samgrasandesh.com] कर्जन्हामा सुरुङ खनेर लाखौको चोरी

राम नारायण पंडित, सिरहा, ५ पौष । कर्जन्हा नगरपालिकामा सुरुङ खनेर लाखौ मोलबराबरको चोरी भएको छ । मंगलबार राति करीब ११ बजे अज्ञात समूहले कर्जन्हा नगरपालिका ११ मा ६ घरमा सुरुङ खनेर लाखौंको चोरी गरेका छन् ।

स्थानिय सरोज पासमान, धर्मेन्द्र पासमान, रामपुजन पासमान, प्रेमा यादवको घरमा सुरुङ खनेर चोरी भएको हो भने रामबहादुर राउत र जय किशोर महराको घरमा सुरुङ खनेर चोरीकोे प्रयास भएको छ ।

सरोजको घरवाट १ लाख ७ हजार नगद, आधा तोला सुनका गरगहना र लत्ताकपडा, धर्मेन्द्रको घरवाट २० हजार नगद र आधा तोला सुनका तिलहरी, प्रेमाको घरवाट ४० हजार नगद त्यस्तै, रामपुजनको घरवाट ४० हजार नगद, आधा तोला सुनका गरगहना चोरी भएको पिडितहरुले बताए ।

कर्जन्हा प्रहरी चौकीदेखि करीब २ सय मिटरको दुरिमा सुरुङ खनेर चोरी भएकोले जनता पुर्ण रुपले असरक्षित रहेको प्रष्ट भएको पिडित सरोज पासमानले आरोप लगाए ।यता, कर्जन्हा प्रहरी चौकीका प्रहरी सहायक निरिक्षक धुलसिंह जिम्वाले घटनाको अनुसंधान तिब्र रुपमा भईरहेको बताए ।