बिनय यादव
सिरहा, ७ पुस । रोजगारीको सिलसिलामा विभिन्न पेशामा संलग्न रही साउदी अरबमा बस्दै आइरहरेका नेपालीहरुद्धारा गठित मिथिला भजन किर्तन समुहले संकलन गरेको रकम अनाथ बाल बालिकालाई सहयोग गरेको छ ।
समुहले धनुषाको हंसपुर नगरपालिका–९ मोरहा टोलका स्व. दिनेश पासवानको अनाथ बालबालिकालाई आर्थिक सहयोग गरेको हो । सहयोग रकम रेमिट्यान्सको माध्यमबाट युवा पत्रकार बिनय यादव मार्फत उक्त अनाथ बालबालिकालाई हेरचाह एवं नेतृत्व गर्दै आइरहेका श्री नव ज्योति युवा क्लबमा आवद्ध सदस्य र स्थानीय समक्ष ती बालबालिकालाई आज (शुक्रबार) सो सहयोग रकम हस्तान्तरण गरिएको छ ।
अनाथ बालबालिकाका लागि समुहद्वारा सहयोगार्थ संचालित अभियानबाट संकलित २६ हजार ४ सय ५५ रुपैयाँ सहयोग प्रदान गरिएको र समाजिक उत्तरदायित्व अन्तर्गत आफुहरुले आगामी दिनहरूमा पनि बालगृह तथा अन्य दुस्खी, असहाय, पीडितलाई सहयोग गर्न सदैव तत्पर रहने संस्थाका अभियन्ता श्री विन्देश्वर यादव, श्री बिष्णु यादव र श्री महाजन मण्डल लगायतकाले प्रतिबद्धता जनाए ।
सहयोगको रकम हस्तान्तरण गर्दै बिदेशमा रगत र पसिनाको कमाईबाट आफ्नो परिवारको गाँस काटी गरिएको सहयोगले बालबालिकाको जिवनयापनमा धेरै सहयोग पुग्ने भन्दै श्री नव ज्योति युवा क्लबका अध्यक्ष जयप्रकाश मण्डल र कोषाध्यक्ष राजेश सक्सेना लगायत स्थानीयले दाताहरुलाई धन्यवाद ज्ञापन गरे ।
सहयोगको निमित्त समुहमा आवद्ध साउदी अरबको रियाद स्थित अल–रसीद एविटङ, अल्मराई र वादिम मरामार कम्पनीमा कार्यरत नेपालीहरुले सहयोग रकम संकलनका लागि अभियान नै सञ्चालन गरेका थिए ।
--
Posted By मार्गानुगामी राष्ट्रिय दैनिक to Marganugami Daily at 12/22/2017 08:46:00 PM
No comments:
Post a Comment